agriculture news in Marathi 200 crore crop damage in Khandesh Maharashtra | Agrowon

खानदेशात २०० कोटी नुकसानीचा अंदाज

टीम अॅग्रोवन
शुक्रवार, 20 मार्च 2020

जळगाव (प्रतिनिधी) : शहरासह जिल्ह्यात बुधवारी झालेल्या पुर्वमोसमी पाऊस व गारपिटीमुळे जिल्ह्यातील ३० हजार २६० हेक्‍टरवरील पिकांचे नुकसान झाले आहे. चोपडा तालुक्‍यात सर्वाधिक १६ हजार २० हेक्‍टरवरील पिकांना फटका बसला आहे.

जिल्ह्यात एकूण २९४ गावांतील ३१ हजार ११७ शेतकऱ्यांच्या तोंडचा घास गारपिटीने हिरावला आहे. तर धुळे जिल्ह्यात शिरपुरातही सुमारे ५० ते ६० कोटी रुपयांचे नुकसान झाले असून, खानदेशात मिळून २०० कोटींवर नुकसान झाल्याचा अंदाज कृषी तज्ज्ञांनी वर्तविला आहे. 

जळगाव (प्रतिनिधी) : शहरासह जिल्ह्यात बुधवारी झालेल्या पुर्वमोसमी पाऊस व गारपिटीमुळे जिल्ह्यातील ३० हजार २६० हेक्‍टरवरील पिकांचे नुकसान झाले आहे. चोपडा तालुक्‍यात सर्वाधिक १६ हजार २० हेक्‍टरवरील पिकांना फटका बसला आहे.

जिल्ह्यात एकूण २९४ गावांतील ३१ हजार ११७ शेतकऱ्यांच्या तोंडचा घास गारपिटीने हिरावला आहे. तर धुळे जिल्ह्यात शिरपुरातही सुमारे ५० ते ६० कोटी रुपयांचे नुकसान झाले असून, खानदेशात मिळून २०० कोटींवर नुकसान झाल्याचा अंदाज कृषी तज्ज्ञांनी वर्तविला आहे. 

मंगळवारी (ता. १७) गारपिटीमुळे जिल्ह्यातील पिकांचे मोठ्या प्रमाणात नुकसान झाले आहे. सर्व नुकसान ३३ टक्‍क्‍यांच्यावर आहे. या नुकसानीचा प्राथमिक अहवाल कृषी विभागाने जिल्हाधिकाऱ्यांकडे दिला आहे. रब्बी ज्वारी, गहू, मका, बाजरी, हरभरा, कांदा, केळी, भाजीपाला, फळपिके व इतर पिकांना मोठा फटका बसला. सर्वाधिक सात हजार १०० हेक्‍टरवरील मक्‍याचे नुकसान झाले आहे. त्या खालोखाल सहा हजार ७७७ हेक्‍टरवरील गव्हाचे, तर पाच हजार ८७० हेक्‍टरवरील केळीला फटका बसला आहे. 

जळगाव तालुक्‍यातील ३३ गावांमध्ये ३ हजार ४५२ शेतकऱ्यांचे ७ हजार ८२६ हेक्‍टरवर तर अमळनेर तालुक्‍यातील ४४ गावांमध्ये ४ हजार ६१३ शेतकऱ्यांचे ३ हजार ५८९.९१ हेक्‍टरवरील पिकांचे नुकसान झाले आहे. 

चोपडा तालुक्‍यात सर्वाधिक नुकसान 
या गारपिटीचा सर्वाधिक फटका चोपडा तालुक्‍याला बसला आहे. यामध्ये तालुक्‍यातील ९२ गावांमधील २० हजार ६९१ शेतकऱ्यांच्या ३८३२ हेक्‍टरवरील गव्हाचे नुकसान झाले आहे. ३ हजार ७८७ हेक्‍टरवरील मकाही नष्ट झाला आहे. अशाच प्रकारे २ हजार ८८ हेक्‍टरवरील केळी, २ हजार ७६ हेक्‍टरवरील हरभरा, २ हजार ७२ हेक्‍टरवरील रब्बी ज्वारीचे नुकसान झाले आहे. या सोबतच इतरही पिकांचे नुकसान झाले आहे.

नुकसानग्रस्त शेतकऱ्यांनी फॉर्म तातडीने भरावा
सततचा अवकाळी पाऊस आणि गारपिटीमुळे पिकाचे काढणीपश्‍चात मोठ्या प्रमाणात नुकसान झाले आहे. नुकसानीबाबतचा विहित नमुन्यातील पीक नुकसान सूचना फॉर्म पूर्ण भरून ४८ तासांच्या आत विमा कंपनीच्या अधिकृत ई-मेल आयडी ro.mumbai@aicofindia.com, chandralantg@aicofindia.com वर पाठवावेत. अथवा तालुका कृषी अधिकारी कार्यालयात जमा करावे. असे आवाहन कृषी विभागाने केले आहे.

तालुकानिहाय नुकसान असे 

तालुका  बाधित गावे बाधित शेतकरी  नुकसान (हेक्‍टर) 
जळगाव   ३३ ३४५२ ७८२६.०० 
यावल    ५ ८७ ७०.६५
रावेर   ४  ५२.६९ 
बोदवड    ११ ८४  ८०.००
मुक्ताईनगर  ७०  ५४० ५१७.०० 
जामनेर  १४   ४३६  ३६०.०० 
अमळनेर  ४४ ४६१३  ३५८९.९१ 
धरणगाव   २३  १२१०   १७९५.००
चोपडा ९२  २०६९१ १६०१९.७० 
एकूण २९४  ३१११७    ३०२६०.९५

          
       
           
        


इतर ताज्या घडामोडी
सकस चाऱ्यासाठी पेरा बाजरी,मकाजनावरांच्या पोषणामध्ये हिरवा चारा महत्वाचा आहे....
उन्हाळी चारा मका पिकातील लष्करी अळीचे...बऱ्याच भागांमध्ये चाऱ्यासाठी उन्हाळ्यात मका...
हवामान सुसूत्रीकरण करणारी जागतिक हवामान...पृथ्वीच्या बदलत्या वातावरणामध्ये तापमान वाढीसोबतच...
खामसवाडीतील फुल उत्पादकांना दररोज...खामसवाडी, जि. उस्मानाबाद : ऐन लग्नसराईत जरबेरा...
भंडाऱ्यात ‘बीटीबी’ भाजी बाजाराच्या...भंडारा ः ‘कोरोना’ विषाणूच्या विरोधातील शासनाच्या...
खानदेशात बाजार समित्यांमधील लिलाव...जळगाव ः खानदेशात कलिंगडाची शिवार खरेदी ठप्प...
नँचरल उद्योग समूह सुद्धा करणार...शिराढोण, जि. उस्मानाबाद ः अन्न व औषध प्रशासन तसेच...
सांगलीत खतांची दुकाने सुरू; पोलिसांची...सांगली : जिल्ह्यातील ग्रामीण भागात असणारे कृषी...
अकोल्यात पीककर्ज व्यवहारास ३१ मेपर्यंत...अकोला ः ‘कोरोना’ विषाणूच्या प्रादुर्भावाच्या...
कोल्हापूरात कृषी निविष्ठा केंद्रे दहा...कोल्हापूर : जिल्ह्यातील कृषी निविष्ठा केंद्रे...
सोलापूर बाजार समितीतील विस्कळीतपणा कायमसोलापूर  ः सोलापूर कृषी उत्पन्न बाजार समितीत...
परराज्यातील ४५० कामगारांची...सोलापूर : लॉकडाऊनमुळे अडचणीत आलेल्या परराज्यातील...
साताऱ्यात ६५ हजार लिटर दूध संकलनाअभावी...सातारा  : ‘कोरोना’च्या पार्श्‍वभूमीवर काही...
निघोजच्या शेतकऱ्याकडून थेट ग्राहकांना...नगर  ः कोरोना विषाणू संसर्गाच्या...
मोबाईल ‘ॲप’द्वारे मिळणार कोरानाविषयीची...जिनिव्हाः जागतिक आरोग्य संघटनेने कोरोना विषाणू...
कांदा साठवणीसाठी शेतकऱ्यांची धावपळ नगर ः नगर जिल्ह्यामध्ये चार दिवसांपासून अवकाळी...
नगर बाजारसमितीत भाजीपाला खरेदी-विक्री...नगर  ः नगर शहरात भाजीपाला, फळांची मागणी आणि...
नगर जिल्ह्यात पावसाचा कहर सुरुचनगर ः जिल्ह्यात गेल्या चार दिवसांपासून अवकाळी...
अकोल्यात भाजीपाला विक्रीची घडी...अकोला  ः कोरोनाचा प्रादुर्भाव रोखण्यासाठी...
सूचनांचे पालन न केल्यास दंड आकारण्याचे...पुणे  ः सध्या सर्वत्र कोरोना विषाणूच्या...