Agriculture news in Marathi 200 MW solar project in Marathwada: Chief Minister Thackeray | Agrowon

मराठवाड्यात २०० मेगावॉटचा सौर प्रकल्प ः मुख्यमंत्री ठाकरे

टीम अॅग्रोवन
शनिवार, 18 सप्टेंबर 2021

मराठवाड्यात येत्या वर्षात २०० मेगावॉटचा सौरऊर्जा प्रकल्प सोबतच हिंगोलीत साडेचार कोटी खर्चून हळद प्रक्रिया प्रकल्प उभारण्यात येणार आहे. तसेच समृद्धी महामार्गाला जोडणाऱ्या १९४.४८ किलोमीटरच्या जालना- नांदेड महामार्गाला गती देणार असल्याची घोषणा मुख्यमंत्री उद्धव ठाकरे यांनी केली. 

औरंगाबाद ः मराठवाड्यात येत्या वर्षात २०० मेगावॉटचा सौरऊर्जा प्रकल्प सोबतच हिंगोलीत साडेचार कोटी खर्चून हळद प्रक्रिया प्रकल्प उभारण्यात येणार आहे. तसेच समृद्धी महामार्गाला जोडणाऱ्या १९४.४८ किलोमीटरच्या जालना- नांदेड महामार्गाला गती देणार असल्याची घोषणा मुख्यमंत्री उद्धव ठाकरे यांनी केली. 

मराठवाडा मुक्ती संग्राम दिनानिमित्त शुक्रवारी (ता. १७) मुख्यमंत्री ठाकरे यांनी स्थानिक सिद्धार्थ उद्यानातील हुतात्मा स्मारकास पुष्पचक्र अर्पण करून हुतात्म्यांना अभिवादन केले. त्यानंतर ते उपस्थितांना मार्गदर्शन करीत होते.

श्री. ठाकरे म्हणाले, की जुलमी निजामाच्या विरोधात लढा देऊन मराठवाडा काही अपेक्षेने देशात सहभागी झाला. ७५ वर्षांत सगळ्या अपेक्षा पूर्ण झाल्या असे नाही. कोरोनासोबत लढा देत असतानाच मराठवाड्याच्या विकासासाठी अनेक कामांची मुहूर्तमेढ रोवली आहे. संतभूमी म्हणून पैठणला संतपीठ सुरू होत आहे. हे संतपीठ केवळ प्रेक्षणीय स्थळ न होता जागतिक दर्जाचे विद्यापीठ व्हावे. निजामाच्या जोखडातून मराठवाडा मुक्त झाला पण आजही निजामकालीन शाळा आहेत. ही मराठवाड्याची वैभव सांगणारी परंपरा होऊ शकत नाही. त्यामुळे या खुणा पुसून टाकण्यासाठी अशा शाळांचा पुनर्विकास करण्यात येणार असल्याचे सांगून कामाची यादीच त्यांनी वाचून दाखविली. 

कार्यक्रमाला केंद्रीय अर्थ राज्यमंत्री डॉ. भागवत कराड, पालकमंत्री सुभाष देसाई, महसुल मंत्री बाळासाहेब थोरात, फलोत्पादन मंत्री संदीपान भुमरे, उच्च शिक्षण मंत्री उदय सामंत, महसुल राज्यमंत्री अब्दुल सत्तार, खासदार इम्तियाज जलील, पालकमंत्री अनिल देसाई, आमदार हरिभाऊ बागडे, प्रदीप जैस्वाल, संजय शिरसाट, अतुल सावे, अंबादास दानवे, प्रशांत बंब, प्रा. रमेश बोरणारे, मनिषा कायंदे, माजी खासदार चंद्रकांत खैरे यांची उपस्थिती होती. दरम्यान मुख्यमंत्र्यांच्या हस्ते औरंगाबाद जिल्हा परिषदेच्या नव्याने बांधण्यात येणाऱ्या इमारतीचे भूमिपूजनही करण्यात आले.

मुख्यमंत्र्यांनी जाहीर केलेली कामे 

  • औरंगाबाद-नगर रेल्वे मार्गाला चालना 
  • औरंगाबाद-शिर्डी हवाई सेवेची चाचपणी 
  • सातारा-देवळाई भागात भूमिगत मलनि:स्सारणासाठी ३८२ कोटी रुपये 
  • शहरातील मुख्य रस्त्यांच्या डांबरीकरणासाठी ३१७.२२ कोटी रुपये 
  • शहरातील १६८० कोटींच्या पाणीपुरवठा योजना 
  • सफारी पार्क जगातले वैशिष्ट्यपूर्ण करणार 
  • औरंगाबाद-शिर्डी या ११२.४० किलोमीटर मार्गाची श्रेणीवाढ 
  • बाळासाहेब ठाकरे स्मारक व स्मृतिवन 
  • शहरातील गुंठेवारी नियमित करणे 
  • घृष्णेश्वर मंदिर सभामंडप विकास वाढीव २८ कोटी रुपये खर्च 
  • हिंगोलीतील दिव्यांग पुनर्वसन केंद्रासाठी ६ कोटी निधी 
  • हिंगोली येथे हळद प्रक्रिया उद्योग. ४.५० कोटी 
  • औंढा नागनाथ मंदिर परिसराचा विकासासाठी ८६.१९ कोटी. 
  • नरसी नामदेव मंदिर परिसराच्या विकासाठी ६६.५४ कोटी. 
     

इतर अॅग्रो विशेष
कृषी विकासाचे भगीरथ ठरलेल्या...पुणे : कष्टकरी शेतकऱ्यांच्या मनगटाला बारा...
राज्यात ‘ऑक्टोबर हीट’चा प्रभावपुणे : राज्याच्या तापमानात चढ-उतार सुरूच आहेत....
शेती, पर्यावरण संवर्धनातून वाघापूरची...पुणे जिल्ह्यात वाघापूर गावाने लोकसहभागातून आपले...
भाजपतर्फे एक नोव्हेंबरला काळ्या फिती...परभणी : मराठवाडा, विदर्भातील अतिवृष्टिग्रस्त...
नाशिक :कांदा व्यापाऱ्यांवर आयकर...नाशिक : जिल्ह्यात कांदा विक्रीसाठी आघाडीवर...
गुजरातमधून गुळाला मागणी वाढलीकोल्हापूर : यंदा गुजरातमधून गुळाला मागणी वाढत आहे...
अनिश्‍चित काळासाठी रस्ते अडविता येणार...नवी दिल्ली ः आंदोलन करण्याचा शेतकऱ्यांना अधिकार...
निर्यात पडतळमुळे सोयाबीन दराला आधारपुणे : देशात सोयापेंडचे दर अधिक होते त्यामुळे...
राज्याच्या तापमानात चढ-उतारपुणे : राज्यात पावसाने उघडीप दिल्यानंतर तापमानात...
हडपलेला शेतकरीवाटा जमा करण्यासाठी नोटिसापुणे ः राज्यात शेती अवजारे न वाटताच कोट्यवधी...
शेतकरी आंदोलक नव्या रणनीतीच्या तयारीतनवी दिल्ली : तीन कृषी कायद्यांविरोधातील १०...
अॅपलबेरचे निर्यातक्षम उत्पादन. पुणे जिल्ह्यातील खानापूर (ता. जुन्नर) येथील...
सुयोग्य व्यवस्थापनातून हरभरा पिकात तयार...बुलडाणा जिल्ह्यातील सवडद येथील विनोद देशमुख यांनी...
विपरीत परिस्थितीत तग धरणाऱ्या...नागपूर ः दुष्काळी भागात नाचणी पीक तग धरू शकते....
दिवाळीनंतरच कृषी महाविद्यालये गजबजणारपुणे ः राज्यात कोविडमुळे बंद पडलेले कृषी...
यूपी सरकारची भूमिका वेळकाढूपणाचीनवी दिल्ली ः उत्तरप्रदेशातील लखीमपूर खिरी येथील...
पावसाची उघडीप राहणारपुणे : बंगालच्या उपसागरातील कमी दाबाच्या...
हरभरा बियाणे वितरणासाठी कृषी विभागाची...पुणे ः राज्यातील रब्बी हंगामात हरभऱ्याचे क्षेत्र...
इथेनॉलनिर्मिती १५० कोटी लिटरच्या पुढे...पुणे ः राज्याची एकूण इथेनॉलनिर्मिती क्षमता येत्या...
‘सिबिल’वर ठरतेय कर्जदाराची पतसोलापूर : रिझर्व्ह बॅंकेच्या निकषांनुसार आता...