नांदेड विभागात २१ कारखाने सुरु

नांदेड ः नांदेड प्रादेशिक सहसंचालक (साखर) कार्यालयांतर्गत नांदेड विभागातील गाळप हंगामात विभागात आजपर्यंत सात सहकारी, तर १४ खासगी असे एकूण २१ साखर कारखाने सुरु झाले आहेत.
21 factories started in Nanded division
21 factories started in Nanded division

नांदेड ः नांदेड प्रादेशिक सहसंचालक (साखर) कार्यालयांतर्गत नांदेड विभागातील गाळप हंगामात विभागात आजपर्यंत सात सहकारी, तर १४ खासगी असे एकूण २१ साखर कारखाने सुरु झाले आहेत. या कारखान्यांनी दहा लाख ६० हजार ५१३ टन उसाचे गाळप केले. तर आठ लाख ३३ हजार क्विंटल साखरेचे उत्पादन झाले, अशी माहिती साखर सहसंचालक कार्यालयाच्या सूत्रांनी दिली.

प्रादेशिक सहसंचालक (साखर) नांदेड विभागातील नांदेडसह परभणी, हिंगोली व लातूर या चार जिल्ह्यांतून गाळप हंगाम २०२१-२२ साठी २७ कारखान्यांनी ऑनलाइन अर्ज केले होते. यातील २५ कारखान्यांना गाळप परवाना मिळाला आहे. यापैकी २१ कारखान्यांनी हंगाम सुरु केला आहे. विभागाचा सरासरी साखर उतारा ७.८६ आहे. हिंगोली व लातूर जिल्ह्यातील प्रत्येकी एका कारखान्याने एफआरपी दिली नसल्याने त्या कारखान्यांना गाळप परवाना मिळाला नाही.

सुरु कारखाने

परभणी जिल्हा : रेणुका शुगर देवनंद्रा, श्री लक्ष्मी नृसिंह शुगर अमडापूर, योगेश्वरी शुगर लिंबा, गंगाखेड शुगर माकणी, ट्वेटींवन शुगर सायखेडा, बळीराजा कानडखेड.

हिंगोली जिल्हा : भाऊराव चव्हाण सहकारी साखर कारखाना डोंगरकडा, पूर्णा सहकारी साखर कारखाना वसमत, शिऊर साखर कारखाना वाकोडी.

नांदेड जिल्हा : भाऊराव चव्हाण सहकारी साखर कारखाना देगाव, सुभाष शुगर हडसणी, शिवाजी सर्व्हीस स्टेशन बाऱ्हाळी, कुंटूरकर शुगर कुंटूर, व्यंकटेश्वरा ॲग्रो शुगर शिवणी.

लातूर जिल्हा : विकासरत्न विलासराव देशमुख मांजरा सहकारी साखर कारखाना चिंलोलीराव वाडी, विलास सहकारी साखर कारखाना निवळी, विलास सहकारी साखर कारखाना तोंडार, रेणा सहकारी साखर कारखाना निवडा, सिद्धी शुगर उजना, जागृती शुगर तळेगाव, ट्वेटींवन शुगर्स माळवटी. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com