agriculture news in Marathi, 21 percent water storage in reservoirs, Maharashtra | Agrowon

देशातील जलाशयांमध्ये २१ टक्के पाणीसाठा

टीम अॅग्रोवन
रविवार, 26 मे 2019

नवी दिल्ली ः उन्हाचा चटका वाढतानाच देशभरात ठिकठिकाणी पाणीटंचाईच्या झळा जाणवत आहेत. जलाशयांतील पाणीसाठ्यातही मोठ्या प्रमाणात घट झाली आहे. सध्या देशातील ९१ मोठ्या जलाशयांत ३३.५६३ अब्ज घनमीटर पाणीसाठा शिल्लक आहे. एकूण जिवंत पाणीसाठा क्षमतेच्या केवळ २१ टक्के साठा शिल्लक आहे. मात्र, सध्या असलेला पाणीसाठा मागील वर्षाच्या तुलनेत जास्त आहे. मागील वर्षी २९.५२५ अब्ज घनमीटर पाणीसाठा होता. या काळातील मागील दहा वर्षांतील पाणीसाठ्याची सरासरी ३२.२७० अब्ज घनमीटर आहे, अशी माहिती केंद्रीय जल आयोगाने दिली.

नवी दिल्ली ः उन्हाचा चटका वाढतानाच देशभरात ठिकठिकाणी पाणीटंचाईच्या झळा जाणवत आहेत. जलाशयांतील पाणीसाठ्यातही मोठ्या प्रमाणात घट झाली आहे. सध्या देशातील ९१ मोठ्या जलाशयांत ३३.५६३ अब्ज घनमीटर पाणीसाठा शिल्लक आहे. एकूण जिवंत पाणीसाठा क्षमतेच्या केवळ २१ टक्के साठा शिल्लक आहे. मात्र, सध्या असलेला पाणीसाठा मागील वर्षाच्या तुलनेत जास्त आहे. मागील वर्षी २९.५२५ अब्ज घनमीटर पाणीसाठा होता. या काळातील मागील दहा वर्षांतील पाणीसाठ्याची सरासरी ३२.२७० अब्ज घनमीटर आहे, अशी माहिती केंद्रीय जल आयोगाने दिली.

उत्तर विभागात ४४ टक्के पाणी
उत्तर विभागात हिमाचल प्रदेश, पंजाब आणि राजस्थान या राज्यांचा समावेश होतो. या विभागातील जलाशयांमध्ये सध्या ७.९३ अब्ज घनमीटर पाणीसाठा शिल्लक आहे. जिवंत साठ्याच्या एकूण क्षमतेच्या ४४ टक्के पाणी शिल्लक आहे. मागील वर्षी याच काळात विभागात केवळ १५ टक्के पाणीसाठा शिल्लक होता. सध्या मागील वर्षाच्या तुलनेत २९ टक्के अधिक पाणी शिल्लक आहे.

पूर्व विभागात २८ टक्के साठा
पूर्व विभागात झारखंड, ओडिशा, पश्‍चिम बंगाल आणि त्रिपुरा राज्यांचा समावेश होतो. या विभागातील १५ जलाशयांमध्ये ४.५६ अब्ज घनमीटर पाणीसाठा शिल्लक आहे. या जलाशयांच्या एकूण जिवंत पाणीसाठा क्षमतेच्या २४ टक्के साठा शिल्लक आहे. मागील वर्षी याच काळात २८ टक्के पाणीसाठा होता. यंदा गेल्या वर्षीच्या तुलनेत ४ टक्के कमी साठा आहे. विभागाची याच काळातील मागील दहा वर्षांतील सरासरी २२ टक्के आहे. यंदा गेल्या वर्षीच्या तुलनेत कमी पाणासाठा आहे, तर दहा वर्षांतील सरासरी पाणीसाठ्याच्या तुलनेत अधिक साठा आहे.

पश्‍चिम विभागात केवळ १२ टक्के पाणी 
पश्‍चिम विभागातील जलाशयांमध्ये सध्या केवळ १२ टक्के पाणीसाठा शिल्लक आहे. पश्‍चिम विभागात गुजरात आणि महाराष्ट्र या दोन राज्यांचा समावेश होतो. विभागातील २७ जलाशयांमध्ये सध्या केवळ ३.७५ अब्ज घनमीटर पाणीसाठा शिल्लक आहे. विभागातील दोन्ही राज्यांत दुष्काळ असल्याने भीषण पाणीटंचाई जाणवत आहे. मागील वर्षी याच काळात १६ टक्के पाणीसाठा होता. मागाल दहा वर्षांतील विभागातील पाण्यासाठ्याची सरासरी २१ टक्के आहे. सध्या या विभागात गेल्या वर्षीच्या आणि मागील दहा वर्षांच्या सरासरी साठ्यापेक्षाही कमी पाणी शिल्लक आहे.   

दक्षिण विभागातही स्थिती बिकट   
देशातील दक्षिण विभागात आंध्र प्रदेश, तेलंगणा, कर्नाटक, केरळ आणि तमिळनाडू या राज्यांज्यांतील ३१ जलाशयांमध्ये सध्या केवळ १२ टक्के पाणीसाठा शिल्लक आहे. जिवंत पाणीसाठा ६.३८ अब्ज घनमीटरवर आला असून, येणाऱ्या काळात तीव्र टंचाई जाणवण्याची शक्यता आहे. दक्षिण विभागात मागील वर्षी याच काळात १२ टक्के म्हणजेच यंदा आहे तेवढाच साठा शिल्लक होता. मागील दहा वर्षांची सरासरी १५ टक्के असून, यंदा ३ टक्के कमी पाणीसाठा शिल्लक आहे.

मध्य भारतातील धरणेही तळाशी  
मध्य भारतातील उत्तर प्रदेश, उत्तराखंड, मध्य प्रदेश आणि छत्तीसगड या राज्यांतील जलाशयांमध्ये १०.९६ अब्ज घनमीटर पाणीसाठा शिल्लक आहे. क्षमतेच्या केवळ २६ टक्के पाणी उपलब्ध असून, जिवंत पाणीसाठा झपाट्याने कमी होत आहे. मागील वर्षी याच काळात जलाशयांमध्ये २४ टक्के पाणीसाठा शिल्लक होता. तर, विभागाची गेल्या दहा वर्षांची पाणीसाठ्याची सरासरी २२ टक्के आहे. 


इतर अॅग्रो विशेष
रासायनिक खतांचा काळाबाजार होईल; गाफील...पुणे: “देशात रासायनिक खतांचा मुबलक साठा आहे....
कोरोनाव्हायरसचा प्रसार देशभरात वेगाने;...नवी दिल्ली : कोरोनाव्हायरसचा प्रसार देशभरात...
कर्जापोटी दंडव्याज नको; केंद्राकडून...पुणे : कोरोनाच्या पार्श्वभूमीवर शेतकऱ्यांना...
बेदाणा निर्मितीसाठी आवश्यक रसायनांची...नाशिक : कोरोना पार्श्वभूमीवर द्राक्षाच्या मागणी व...
मार्चअखेर बारा हजार कोटींची कर्जमाफी;...मुंबई : ठाकरे सरकारने जाहिर केलेल्या महात्मा फुले...
पुणे जिल्हा बॅंकेने तीन टक्के व्याजाची...पुणे : केंद्र सरकारने पीककर्ज फेडीची मुदत ३१...
मराठवाडा, विदर्भात ‘पुर्वमोसमी’चा दणका...पुणे : मराठवाड्यातील औरंगाबाद, जालना, बीड,...
बाहेरून येणारे दुधाचे टँकर अडवण्याचे...कोल्हापूर  : ‘कोरोना’च्या पार्श्वभूमीवर...
सोलापुरातून द्राक्षांचे दोन कंटेनर...सोलापूर  ः कोरोना विषाणूच्या पार्श्वभूमीवर...
आरोग्य सुरक्षिततेचे नियम पाळून थेट...पुणे जिल्ह्यातील टाकळी हाजी (ता. शिरूर) येथील...
मराठवाड्यात अवकाळी पावसाने पिकांचे मोठे...औरंगाबाद : औरंगाबाद, जालना, बीड, उस्मानाबाद व...
उन्हाच्या चटक्याने मालेगाव होरपळलेपुणे : राज्यात पूर्वमोसमी पावसाचा तडाखा सुरू...
बेशिस्त म्हणजे संकटाला निमंत्रण; सावध...मुंबई : राज्यात जीवनावश्यक वस्तूंची दुकाने सुरू...
राज्यात कोरोना रुग्णांची संख्या ३०२; २३...मुंबई : मंगळवारी (ता.३१) एकाच दिवशी तब्बल ८२ नवीन...
मुंबई बाजार समितीत पोलिसांच्या मदतीने ‘...मुंबई: नवी मुंबईतील मुंबई कृषी उत्पन्न बाजार...
पहिली ते आठवीतील विद्यार्थ्यांना ...पुणे : ‘कोरोना’ प्रादुर्भावाच्या पार्श्वभुमीवर...
समन्वय साधत नगर बाजार समिती सुरूनगर ः प्रयत्न करुनही गर्दी कमी होत नसल्याने...
राज्यात उन्हाचा चटका वाढणार पुणे: उन्हाच्या झळा वाढू लागल्याने राज्याच्या...
सीसीआयला केंद्राकडून १०५९ कोटींचा...जळगाव ः भारतीय कापूस महामंडळाने (सीसीआय) अनेक...
अवजारे उद्योगाला लॉकडाऊनमधून सूट नाही पुणे: कृषी क्षेत्रातील खते, बियाणे, कीटकनाशके...