परभणीत हरभरा पीक व्यवस्थापनासाठी २१९ शेतीशाळा
परभणीत हरभरा पीक व्यवस्थापनासाठी २१९ शेतीशाळा

परभणीत हरभरा पीक व्यवस्थापनासाठी २१९ शेतीशाळा

परभणी : नानाजी देशमुख कृषी संजीवनी प्रकल्प (हवामान बदलानुकूल शेती प्रकल्प - पोकरा) अंतर्गंत हरभरा पीक पेरणी ते काढणी व्यवस्थापनाबाबत शेतकऱ्यांना माहिती देण्यासाठी जिल्ह्यातील नऊ तालुक्यांतील निवडक गावांमध्ये २१९ शेतकरी शेती शाळांचे आयोजन करण्यात आले आहे, अशी माहिती कृषी विभागाच्या सूत्रांनी दिली.

या प्रकल्पांतर्गंत निवड झालेल्या गावांमध्ये पहिल्या टप्प्यामध्ये ६५ आणि दुसऱ्या टप्प्यामध्ये १५४ असे एकूण २१९ शेतकरी शेतीशाळा होतील. हरभरा पिकांवरील किड, रोग आदींची तुलनात्मक निरिक्षणे घेण्यात येतील. त्यासाठी निवडक गावातील यजमान शेतकऱ्यांच्या (होस्ट फार्मर) शेतावर एक एकर क्षेत्रावर आधुनिक तंत्रज्ञानाचा अवलंब करुन आणि एक एकर क्षेत्रावर शेतकरी पध्दतीने हरभऱ्याचे पेरणी ते काढणीपर्यंतचे व्यवस्थापन करण्यात येईल. त्यासाठी या शेतकऱ्यांयाना कृषी विभागाकडून हरभऱ्याच्या जॅाकी ९२१८ या वाणाचे बियाणे, बीज प्रक्रिया घटकाचा पुरवठा करण्यात येईल. एक एकर क्षेत्रावर रुंद वरंबा सरी पद्धतीने पेरणी केली जाईल. त्यासाठी शेतकऱ्यांना प्रशिक्षण देण्यात येत आहे.

आठवड्यातील ठराविक दिवशी गावातील इतर शेतकरी या शेतकऱ्यांच्या शेतावर एकत्रित येऊन हरभरा पिकांची निरीक्षणे घेतील. कृषी विभाग तसेच कृषी विद्यापीठातील तज्ज्ञ शेतकऱ्यांना मार्गदर्शन करतील.

अधीक्षक कृषी अधिकारी संतोष आळसे, उपविभागीय कृषी अधिकारी सागर खटकाळे, प्रकल्प विशेषज्ञ दीपक विभुते, प्रकल्प सहायक दिपक नागुरे यांच्या मार्गदर्शनाखाली शेतकरी शेतीशाळा होतील. आंगलगाव (ता. परभणी) येथील शाळेमध्ये शेतकऱ्यांना रुंद वरंबा सरी (बीबीएफ) तंत्रज्ञान पेरणीचे प्रात्यक्षिक प्रशिक्षण देण्यात आले. यावेळी माणिकराव शिंदे आदीसह शेतकरी उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com