Agriculture news in marathi, 23 dams in Sindhudurg district were full | Agrowon

सिंधुदुर्ग जिल्ह्यातील २३ धरणे भरली

टीम अॅग्रोवन
मंगळवार, 20 ऑगस्ट 2019

सिंधुदुर्ग : मुसळधार पावसामुळे जिल्ह्यातील २३ धरणे १०० टक्के भरली आहेत. ७ धरणांमध्ये ८० टक्केपेक्षा अधिक पाणीसाठा झाला आहे. तिलारी विद्युत प्रकल्पात ९२ टक्के पाणीसाठा असून जिल्ह्यातील धरणातील उपयुक्त पाण्याची सरासरी ८४ टक्क्यांवर पोचली आहे.

सिंधुदुर्ग : मुसळधार पावसामुळे जिल्ह्यातील २३ धरणे १०० टक्के भरली आहेत. ७ धरणांमध्ये ८० टक्केपेक्षा अधिक पाणीसाठा झाला आहे. तिलारी विद्युत प्रकल्पात ९२ टक्के पाणीसाठा असून जिल्ह्यातील धरणातील उपयुक्त पाण्याची सरासरी ८४ टक्क्यांवर पोचली आहे.

सिंधुदुर्ग जिल्ह्यात दोन मोठे, तीन मध्यम आणि २८ लघू प्रकल्प आणि पाझर तलाव असे एकूण ३३ धरण प्रकल्प आहेत. गेल्याच आठवड्यात जिल्ह्यात अतिवृष्टी झाली. त्यामुळे जिल्ह्यातील बहुतांशी धरणे १०० भरून ओव्हर फ्लो झाली. बऱ्याच धरणांमधून पाण्याचा विसर्ग करण्यात आला. यामध्ये तिलारी, देवधर, अरूणा यासह काही लघू प्रकल्पाचा समावेश आहे. जिल्ह्यातील तिलारी जलविद्युत आणि तिलारी आंतरराज्य प्रकल्पात चांगला पाणीसाठा झाला आहे. जलविद्युत प्रकल्पात ९२ टक्के, तिलारी आंतरराज्य प्रकल्पात ८५ टक्के पाणीसाठा झाला आहे. यंदाच घळभरणी करण्यात आलेल्या अरूणा मध्यम प्रकल्पातही चांगला साठा आहे. कोर्ले सातेंडी प्रकल्पात १०० टक्के पाणीसाठा झाला आहे.

जिल्ह्यात २८ लघुसिंचन प्रकल्पांपैकी २१ प्रकल्प १०० टक्के भरले आहेत. यामध्ये शिवडाव, नाधवडे, ओटव, तरंदळे, आडेली, आंबोली, चोरगेवाडी, हातेरी, माडखोल, निळेली, दाभाचीवाडी, पावशी, शिरवल, पुळास, वाफोली, कारिवडे, हरकुळ, ओसरगाव आणि पोईप, तिथवली आणि लोरे या प्रकल्पांचा समावेश आहे.

१०० टक्के भरलेल्या २१ धरणांतून पाण्याचा विसर्ग सुरू आहे. यंदा पावसाला उशिरा सुरवात झाली. त्यामुळे धरणांमध्ये पाण्याची आवक २० जूननतंर सुरू झाली. मात्र, पाऊस सुरू झाल्यानतंर तो अखंडपणे बरसत राहिला. परिणामी, गेल्या दोन वर्षांच्या तुलनेत धरणांमध्ये चांगला पाणीसाठा झाला. सोमवारी (ता. १९) जिल्ह्यातील धरणातील सरासरी उपयुक्त पाणीसाठा हा ७८ टक्के होता. हाच साठा २०१८ मध्ये ७९ टक्के होता. तो यावर्षी उशिरा पाऊस पडूनदेखील ८४ टक्के इतका आहे.


इतर ताज्या घडामोडी
पुणे शहरालगतच्या रुग्णालयांमधील ८०...पुणे  : शहरालगतच्या गावांमध्ये कोरोनाबाधित...
कोल्हापुरात आज घरगुती वीज बिलांची होळी ...कोल्हापूर  : दिल्ली सरकारने शंभर...
शेळ्या, मेंढ्यांचे बाजार सुरु करण्याची...नगर  ः सध्या आषाढ महिना सुरु असून या...
गोसेखुर्द प्रकल्प पूर्ण करण्यासाठी...भंडारा   : गोसेखुर्द प्रकल्प २०२३...
खासगी दूध संघांनी दुधाला २५ रुपये दर...नगर ः दुधाला दर मिळत नसल्याने दुग्धोत्पादन अडचणीत...
नांदेड जिल्ह्यात ९२ टक्के क्षेत्रावर...नांदेड ः यावर्षीच्या (२०२०) खरीप हंगामात नांदेड...
नगर जिल्ह्यात युरियाची टंचाई कायम नगर  ः खरीप पिके जोमात असून आता पिकांना...
नगर जिल्ह्यात युरिया टंचाई कायमनगर ः खरीप पिके जोमात असून आता पिकांना युरिया...
पुणे विभागात खरिपाचा सव्वासात लाख...पुणे ः जूनच्या सुरुवातील पुणे विभागातील अनेक...
आमगाव खडकी गावाने सहायता निधीला मदत देत...वर्धा  ः गावातील मार्गावरुन जाणाऱ्या...
लासलगाव बाजार समितीत आजपासून शेतमालाचे...नाशिक : लासलगाव कृषी उत्पन्न बाजार समिती आवारात...
औरंगाबादेत २४ लाख क्विंटल कापूस खरेदीऔरंगाबाद : जिल्ह्यात कापूस पणन महासंघ (सीसीआय),...
नांदेड, परभणी, हिंगोलीत हरभऱ्याची...नांदेड ः किमान आधारभूत किंमत खरेदी योजनेअंतर्गत...
गुजरातमधील अवैध एचटीबीटी उत्पादनाला...नागपूर ः बीटी नंतर एचटीबीटी (तणनाशक सहनशील)...
खाजगी दुध संघांनी दूधाला २५ रुपये दर ...नगर  ः दुधाला दर मिळत नसल्याने दुग्धोत्पादक...
कोल्हापुरात आज घरगुती वीज बिलांची होळीकोल्हापूर : दिल्ली सरकारने शंभर युनिटपर्यंतचे वीज...
पुणे विभागात खरिपाची सात लाख ३४ हजार...पुणे   ः जूनच्या सुरूवातील पुणे...
पुण्यात सर्वच भाजीपाल्याच्या दरात...पुणे ः गुलटेकडी येथील पुणे कृषी उत्पन्न बाजार...
अन्नधान्यासह हाताला काम मिळणे गरजेचे ः...नाशिक : आपली अर्थव्यवस्था अत्यंत नाजूक...
तापमान वाढीची प्रक्रिया रोखण्यासाठी...ओस्लो (नॉर्वे) येथील ‘सेंटर फॉर इंटरनॅशनल...