agriculture news in marathi 23 villages in North Solapur will be surveyed by drone | Agrowon

उत्तर सोलापुरात २३ गावांचे होणार ड्रोनद्वारे भूमापन : सानप

टीम अॅग्रोवन
शनिवार, 6 मार्च 2021

सोलापूर : गावठाणातील जमिनींचे ड्रोनद्वारे भूमापन (मोजणी) करण्यास सर्व्हे ऑफ इंडियातर्फे मान्यता मिळाली आहे. त्यानुसार उत्तर सोलापूर तालुक्यातील २३ गावांच्या गावठाणांचे ५ मार्चपासून ड्रोनद्वारे भूमापन सुरु झाले आहे.

सोलापूर : ‘‘गावठाणातील जमिनींचे ड्रोनद्वारे भूमापन (मोजणी) करण्यास सर्व्हे ऑफ इंडियातर्फे मान्यता मिळाली आहे. त्यानुसार उत्तर सोलापूर तालुक्यातील २३ गावांच्या गावठाणांचे ५ मार्चपासून ड्रोनद्वारे भूमापन सुरु झाले आहे,’’ अशी माहिती जिल्हा अधीक्षक भूमी अभिलेख हेमंत सानप यांनी दिली. 

सानप म्हणाले, ‘‘ड्रोनद्वारे गावठाणांचे भूमापन हा महत्वाकांक्षी प्रकल्प आहे. याचा ग्रामस्थांना फायदा होईल. उत्तर सोलापूर तालुक्यातील पाथरी, नंदूर, बेलाटी, तेलगाव, तरटगाव, भोगाव, शिवणी, भागाईचीवाडी, दारफळ गावडी, बाणेगाव, खेड, एकरूख, इंचगाव, गुळवंची, पडसाळी, वांगी, साखरेवाडी, तळेहिप्परगा, हगलूर, समशापूर, होनसळ, राळेरास  आणि सेवालालनगर या ठिकाणी ५ मार्चपासून जमिनींचे मोजमाप होईल.’’ 

‘‘सर्व ग्रामस्थांनी आपल्या मिळकतीचे सीमांकन ग्रामसेवक, भूकरमापकाच्या साहाय्याने चुना पावडरने वेळेवर करून घ्यावे. सार्वजनिक मिळकती, शासन मिळकती विशेषतः: रस्त्याच्या हद्दीचे संरक्षण होण्यासाठी ग्रामविकास अधिकारी, भूमी अभिलेख अधिकारी, कर्मचाऱ्यांना योग्य माहिती पुरवावी’’, असे आवाहन सानप यांनी केले.

ग्रामस्थांनी करावयाची कामे ः

ग्रामसभेत उपस्थित राहून गावठाण भूमापनाचे महत्त्व, फायदे आणि कार्यपद्धती जाणून घ्यावी, ग्रामपंचायतीच्या अभिलेखामध्ये स्वत:च्या मिळकतीसंबंधी वारस नोंदी, इतर कायदेशीर प्रक्रिया, हस्तांतराच्या नोंदी अद्ययावत कराव्यात. ग्रामसेवकाला भ्रमणध्वनी आणि पत्ते द्यावेत, शेजारी, नातेवाईक, मित्र गावात राहत नसतील, तर त्यांना भूमापनाची माहिती द्यावी. त्यांचेही फोन आणि पत्ते असल्यास द्यावेत, 
ड्रोनद्वारे भूमापनाच्या कामाला प्रारंभ करण्यापूर्वी सीमांकन करावे, सीमांकनाबाबत वाद असल्यास आपल्या हद्दी सीमांकित करून घेऊन ग्रामसेवक, भूकरमापक किंवा भूमापन अधिकारी यांच्या निदर्शनाला आणून द्यावी,
सार्वजनिक, शासकीय, ग्रामपंचायतीच्या मालमत्तांवर कोणी हक्क सांगत असतील, तर त्याची माहिती द्यावी, मालकी हक्काच्या चौकशीवेळी चौकशी अधिकाऱ्यासमोर पुराव्याची कागदपत्रे सादर करावीत, दिवाणी न्यायालये, प्राधीकरण, न्यायाधीशासमोरील दावे, अर्ज, अपील याची माहिती द्यावी.

ग्रामस्थांना होणारे फायदे

शासनाच्या मालकीच्या मिळकतींचे संरक्षण होईल,  गावातील घरे, रस्ते,  
शासनाच्या/ग्रामपंचायतीच्या खुल्या जागा, नाले यांच्या सीमा आणि क्षेत्र निश्चित होईल. मिळकतीचा नकाशा तयार होईल, कायदेशीर हक्काचा अधिकारी अभिलेख मिळकत पत्रिका (प्रॉपर्टी कार्ड) स्वरूपात तयार होईल, ग्रामस्थांच्या नागरी हक्काचे संवर्धन होईल, मिळकत पत्रिका तयार झाल्यामुळे घरावर कर्ज घेण्याची सुविधा उपलब्ध होईल, मिळकतींना बाजारपेठेमध्ये तरलता येऊन गावांची आर्थिक पत उंचावेल, गावठाण भूमापनाची कार्यपद्धती पारदर्शकपणे राबविली जाईल. ग्रामस्थांना अभिलेख सहज उपलब्ध होतील, प्रशासकीय नियोजनासाठी गावठाण भूमापन नकाशे उपलब्ध होतील, ग्रामपंचायतीच्या उत्पन्नाचे स्रोत निश्चित होतील.


इतर ताज्या घडामोडी
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...
फळाचे ‘प्रमोशन’, मूल्यवर्धन होण्याची...चिकू बागायतदार संघाच्या वतीने राज्यातील चिकू...
अकोला जिल्हा परिषदेत खांदेपालटाची चर्चा अकोला : जिल्हा परिषदेत सत्तारूढ असलेल्या वंचित...
प्रक्रिया उद्योगाला चालना देणारनारळ लागवडीचे क्षेत्र वाढविताना शेतकऱ्यांच्या...
सामूहिक प्रयत्नातून काजू उत्पादकांची...जागतिक बाजारपेठेत वैशिष्ट्यपूर्ण चव असलेल्या...
क्षेत्र वाढ, प्रक्रियेसाठी सरकारी...देशात पेरू लागवडीचे सुमारे तीन लाख हेक्टर आणि...
दुर्लक्षित पिकांनाही येत्या काळात संधीद्राक्ष, डाळिंब, आंबा, केळी, संत्रा ही राज्याच्या...
आधुनिक फुलशेती संशोधन, निर्यात...गेल्या काही वर्षांत व्यावसायिक आणि उद्योगाचा...