Agriculture news in marathi 2336 borrowers from Akola Lenders are eligible for loan waiver | Page 2 ||| Agrowon

अकोल्यातील २३३६ कर्जदार सावकारी कर्जमाफीस पात्र

टीम अॅग्रोवन
सोमवार, 26 जुलै 2021

शासनाने जाहीर केलेल्या परवानाधारक सावकारी कर्जमाफी योजनेत अकोला जिल्ह्यातील २३३६ कर्जदार शेतकरी पात्र ठरले होते.

अकोला : शासनाने जाहीर केलेल्या परवानाधारक सावकारी कर्जमाफी योजनेत अकोला जिल्ह्यातील २३३६ कर्जदार शेतकरी पात्र ठरले होते. अद्याप २८ हजारांवर शेतकरी वंचित असल्याची बाब माहिती अधिकारातून स्पष्ट झाली असल्याची माहिती सावकारग्रस्त शेतकरी समितीचे प्रदेशाध्यक्ष अरुण इंगळे यांनी दिली.

इंगळे यांनी म्हटले आहे, अकोला जिल्ह्यात ३०४५१ शेतकऱ्यांपैकी २,३३६ शेतकरी पात्र ठरले. अद्याप २८,११५ शेतकरी मदतीपासून वंचित राहिलेले आहेत. विदर्भासह मराठवाड्यातील टंचाई सदृश परिस्थिती निर्माण झाल्याने तत्कालीन मुख्यमंत्री देवेंद्र फडणवीस यांनी परवानाधारक सावकाराकडून घेतलेल्या कर्जास माफी देण्याचा २०१४च्या हिवाळी अधिवेशनात निर्णय घेतला होता. त्यानंतर १० एप्रिल २०१५ ला शासन निर्णय जारी करून परवानाधारक सावकाराकडील थकीत कर्ज, मुद्दल व व्याज माफ करण्यासाठी १७१ कोटी ३० लाखांचा निधी मंजूर केला होता. शासन निर्णयातील अटीप्रमाणे कार्यक्षेत्राबाहेरील कर्जदार शेतकरी अपात्र ठरले. 

अकोला शहरातील परवानाधारक सावकारांचे परवान्याचे कार्यक्षेत्र अकोला तालुक्याऐवजी अकोला शहर नमूद करण्यात आल्याने अकोला तालुक्यासह जिल्ह्यातील ३०,४५१ कर्जदार शेतकरी अपात्र ठरल्यानंतर सावकारग्रस्त शेतकरी समितीने उच्च न्यायालयाच्या नागपूर खंडपीठात जनहित याचिका दाखल केली. त्यानुसार अकोला, अमरावती, वाशीम, बुलडाणा, यवतमाळ जिल्ह्यातील शेतकरी असल्याचे म्हटले होते.

उच्च न्यायालयाने कार्यक्षेत्राबाहेरील कर्जदार शेतकऱ्यांना लाभापासून वंचित ठेऊ नका, असा निर्णय २७ एप्रिल २०१७ ला दिल्यानंतर शासनाकडून १३ सप्टेंबर २०१९ला शासन निर्णय काढत कार्यक्षेत्राबाहेरील अपात्र कर्जदार शेतकऱ्यांना लाभ मिळवून देण्याबाबत कार्यक्षेत्राची अट शिथिल करण्यात आली. त्यानंतर ५ मार्च २०२०ला ६५ कोटी निधी उपलब्ध करून दिला. योजनेची मुदत ३१ मार्च २०२१पर्यंत ठेवण्यात आली. सावकारग्रस्त शेतकरी समितीतर्फे जिल्हा उपनिबंधकांकडे नुकतीच माहिती अधिकारात परवानाधारक सावकारी कर्जमाफी योजनेची माहिती मागण्यात आली.

त्यावर जिल्हा उपनिबंधक कार्यालयाने १५ जुलैला दिलेल्या माहितीनुसार उच्च न्यायालयात शपथपत्रात सादर केलेल्या आकडेवारीपैकी २,३३६ शेतकऱ्यांना लाभ मिळाला. यात १६७३ कर्जदारांचे सोनेतारण परत मिळाले व ६६३  कर्जदार शेतकऱ्यांना सोनेतारण परत मिळणे बाकी आहे. अकोला जिल्ह्यातील २८,११५ परवानाधारक सावकारी कर्जमाफी योजनेतील कर्जदार शेतकरी अपात्र राहिले आहेत, असा आरोप सावकारग्रस्त शेतकरी समितीचे अध्यक्ष इंगळे यांनी केला आहे.


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...