Agriculture news in marathi, 2450 crore loss in Amravati district | Agrowon

अमरावती जिल्ह्यात २४५० कोटींचे नुकसान

टीम अॅग्रोवन
रविवार, 17 नोव्हेंबर 2019

अमरावती : मॉन्सुनोत्तर पावसामुळे जिल्ह्यात तीन लाख ७३ हजार ५५० हेक्‍टर क्षेत्रावरील पिकांचे नुकसान झाले. सुमारे २४५० कोटी रुपयांची हानी या माध्यमातून झाल्याचा अंदाज असताना प्रशासनाने मात्र राष्ट्रीय आपदा निधीतून अवघ्या २५४ कोटी ४० लाख ४८४ रुपयांच्या निधीची मागणी केली आहे. ‘राजा उदार झाला, हाती भोपळा दिला’ याच आशयाची ही मदत ठरणार असल्याने शेतकऱ्यांमध्ये प्रशासनाप्रती तीव्र असंतोष व्यक्‍त होत आहे.

अमरावती : मॉन्सुनोत्तर पावसामुळे जिल्ह्यात तीन लाख ७३ हजार ५५० हेक्‍टर क्षेत्रावरील पिकांचे नुकसान झाले. सुमारे २४५० कोटी रुपयांची हानी या माध्यमातून झाल्याचा अंदाज असताना प्रशासनाने मात्र राष्ट्रीय आपदा निधीतून अवघ्या २५४ कोटी ४० लाख ४८४ रुपयांच्या निधीची मागणी केली आहे. ‘राजा उदार झाला, हाती भोपळा दिला’ याच आशयाची ही मदत ठरणार असल्याने शेतकऱ्यांमध्ये प्रशासनाप्रती तीव्र असंतोष व्यक्‍त होत आहे.

पावसाने जिल्ह्यातील एक लाख ३५ हजार ४७२ हेक्‍टरवरील कपाशीचे ३३ टक्‍क्‍यांवर नुकसान झाले आहे. कपाशीची हेक्‍टरी १५ क्‍विंटल सरासरी उत्पादकता व ५५५० रुपयांचा हमीभाव अपेक्षित धरल्यास ११२८ कोटी ८० लाख ४४ हजार रुपयांचे नुकसान झाले आहे. एनडीआरएफच्या निकषाप्रमाणे हेक्‍टरी ६८०० रुपयांचीच मदत मिळणार आहे. कापसाप्रमाणेच सोयाबीन उत्पादकांचीदेखील तुटपुंज्या मदतीवरच बोळवण होण्याची शक्‍यता आहे.

जिल्ह्यात २ लाख १२ हजार ३२९ हेक्‍टरमध्ये सोयाबीन पिकाचे ३३ टक्‍क्‍यांवर नुकसान झाले. सोयाबीनची हेक्‍टरी १५ क्‍विंटल उत्पादकता असल्याचा कृषी विभागाचा नजर अंदाज अहवाल आहे. आधारभूत किंमत २७१० रुपये गृहीत धरल्यास सोयाबीन उत्पादकांचे ११८१ कोटी ६१ लाख ८ हजार रुपयांचे नुकसान झाले आहे. पावसामुळे आंबीया व मृग बहरातील संत्र्याचीदेखील गळ झाली. भाजीपाला व इतर पिकांनादेखील पावसाचा फटका बसला.

जिल्ह्यात एकूण शेतकरी संख्येच्या ९४ टक्‍के म्हणजे तीन लाख ७५ हजार ३९८ शेतकऱ्यांचा ७८ टक्‍के खरीप हंगामातील पिके मातीमोल झाली. पिकांचे बाधित क्षेत्र सुमारे तीन लाख ७३ हजार ५५० हेक्‍टरचे आहे. २४५० कोटी रुपयांचे नुकसान झाल्याचा प्राथमिक अंदाज आहे. प्रशासनाने मात्र एनडीआरएफच्या निकषाप्रमाणे मदतीचा प्रस्ताव तयार केला आहे. त्यानुसार २५४ कोटी ४० लाख ४३ हजार ४८४ रुपयांची मागणी जिल्हा प्रशासनाकडून विभागीय आयुक्‍तांकडे केली आहे. 

एक लाख ९५ हजार शेतकऱ्यांचा पीकविमा

जिल्ह्यातील एक लाख ९५ हजार शेतकऱ्यांनी आपल्या पिकांना विमासंरक्षण दिले आहे. त्यापैकी १ लाख ४०० शेतकऱ्यांनी ७२ तासांपूर्वी विमा कंपनी व कृषी विभागाकडे नुकसान सूचना अर्जाव्दारे माहिती दिली आहे. या शेतकऱ्यांच्या शेतीनुकसानीचे वैयक्‍तिक पंचनामे करण्यात आल्याने त्यांना भरपाई मिळण्याची आशा आहे.


इतर बातम्या
'तीन लाखांपर्यंतचे पीककर्ज माफ व्हावे...गेल्या पाच-दहा वर्षांपासून अस्मानी आणि सुलतानी...
कर्जमाफीची पहिली यादी आज होणार जाहीर :...मुंबई : आमचे सरकार हे केवळ घोषणा करणारे नाही तर...
जळगाव जिल्ह्यातील विद्यार्थी वर्गात...जळगाव : जिल्हा परिषद शाळांमधील...
पुणे विभागात चारा पिकांच्या पेरणीवर भरपुणे ः उन्हाळ्यात जनावरांना चाऱ्याची अडचण येऊ नये...
सांगली जिल्ह्यात द्यापही तूर खरेदी सुरू...सांगली : शासनाने हमीभावाने तूर खरेदी करण्यासाठी...
आटपाडीत डाळिंब उत्पादकांना विमा भरपाईची...आटपाडी, जि. सांगली : यावर्षी पावसातील सुरुवातीचा...
मक्यावरील अळीमुळे शेतकरी चिंतातुरअकोला ः जिल्ह्यात या रब्बीत लागवड झालेल्या...
राज्यात गोंधळलेले सरकार: देवेेंद्र...मुंबई ः दिशा ठरत नाही आणि त्यांना सूरही गवसत...
कर्जमाफीच्या मुद्द्यावर राज्य सरकारची...मुंबई : आजपासून (ता. २४) सुरू होणारे अर्थसंकल्पी...
अकरा लाख टन रिफाइंड पामतेल आयातीला...नवी दिल्ली: केंद्र सरकारने रिफाइंड पामतेलाची...
कर्जमाफी बिनकामाची, तकलादू : राजू...नगर: पंतप्रधान पीकविमा योजना सरकारी...
पूर्व विदर्भात पावसाचा अंदाजपुणे  : पावसासाठी पोषक हवामान असल्याने पूर्व...
‘ठिबक’च्या ऑनलाइन अर्जासाठी मुदतवाढपुणे ः ठिबक सिंचन योजनेचा लाभ घेण्यासाठी ऑनलाइन...
अधिकाऱ्यांच्या खेळात नाचणी उत्पादक वेठीसकोल्हापूर: उन्हाळ्यात नाचणी घेऊन पन्हाळा पश्‍चिम...
चार हजार शेतकऱ्यांना र्दृष्टीदोष दूर...गोंडपिपरी, जि. चंद्रपूर : व्यवसाय करताना बेरीज-...
रेशीम उद्योगासाठी शेतकऱ्यांनी पुढे यावे...औसा, जि. लातूर :  ‘‘रेशीम उद्योगाकडे...
औरंगाबाद जिल्ह्यात विजेअभावी सिंचनाची...औरंगाबाद : पंधरवडा रात्री तर पंधरवडा दिवसा...
जीआय टॅगिंगयुक्त हापूसला दीड लाखापर्यंत...रत्नागिरी : ‘‘निर्यातीत हापूसचा टक्के घसरत असून...
कावपिंप्रीत चार वर्षांनंतर बहरली पिकेकावपिंप्री, जि. जळगाव : यंदा कावपिंप्रीसह...
नीरा-देवघरच्या पाणीवाटपावरुन पिलीवमध्ये...सोलापूर : राज्य सरकारने नीरा- देवघर धरणातील...