agriculture news in Marathi 2.5 crore worth HTBT stock seized in Vidarbha Maharashtra | Page 2 ||| Agrowon

विदर्भात अडीच कोटींचा ‘एचटीबीटी’ साठा जप्त 

टीम अॅग्रोवन
शुक्रवार, 18 जून 2021

गेल्या हंगामात अनधिकृत कापूस बियाण्याचे हब म्हणून विदर्भ नावारूपास आला होता. यामध्ये शेतकऱ्यांची मोठ्या प्रमाणात फसवणूकही झाली.

नागपूर : गेल्या हंगामात अनधिकृत कापूस बियाण्याचे हब म्हणून विदर्भ नावारूपास आला होता. यामध्ये शेतकऱ्यांची मोठ्या प्रमाणात फसवणूकही झाली. या वेळी मात्र हंगामापूर्वीच कृषी विभागाने अनधिकृत बियाणे पुरवठादारांच्या मुसक्या आवळत तब्बल अडीच कोटी रुपयांपेक्षा अधिकचा साठा जप्त केला. अमरावती आणि नागपूर विभागांत ही कारवाई करण्यात आली. 

तणाला प्रतिकारक (एचटीबीटी) कापूस वाणाला अद्याप केंद्र सरकारच्या जैवतंत्रज्ञान विभागाने परवानगी दिलेली नाही. गेल्या काही वर्षांत या अनधिकृत बियाण्यांचा पुरवठा करण्यात येत आहे. या व्यवहाराचे कोणतेही अधिकृत दस्तऐवज दिले जात नाही. त्यामुळे हे बियाणे न उगवल्यास शेतकऱ्यांना कोठेही दाद मागता येत नाही. काही नवखे शेतकरी मात्र बियाणे माफियांच्या आमिषाला बळी पडत आपले नुकसान करून घेतात. कृषी विभागाने देखील यंदाच्या हंगामात बियाणे माफियांवर कारवाईसाठी धडक मोहीम हाती घेतली आहे. 

नागपूर विभागात बियाणे माफियांवर आठ कारवाया करण्यात आल्या. या माध्यमातून १५५७३ पाकीटबंद, तसेच चार हजार १०० किलो खुले बियाणे जप्त करण्यात आले. या बियाण्यांची किंमत एक कोटी ८९ लाख ७९ हजार ३९३ रुपये आहे. याप्रकरणी तब्बल १६ जणांविरुद्ध गुन्हे दाखल करण्यात आले आहेत. नागपूर जिल्ह्यातील बेला, केळवद, कळमेश्‍वर. चंद्रपूर जिल्ह्यातील चंद्रपूर शहर, पाटण, गडचिरोली जिल्ह्यात आष्टी व अहेरी पोलिस ठाण्याच्या हद्दीत या आठ कारवाया करण्यात आल्या. 

अमरावती विभागात सहा कारवायांमध्ये सहा लाख ५० हजार रुपयांचा साठा जप्त करण्यात आला. वाशीम जिल्ह्यातील मानोरा, अमरावती जिल्ह्यातील चांदूर रेल्वे, तिवसा, यवतमाळ जिल्ह्यात वनी, राळेगाव, दारव्हा या तालुक्यांमध्ये अनधिकृत बियाणेप्रकरणी कारवाई करण्यात आली. मानोरा येथे पाच लाख ९०४ रुपये चांदूर रेल्वे येथे २९ हजार १४६, यवतमाळ येथे एक लाख ८५ हजार ६१४ या प्रमाणे मोठ्या कारवाया करण्यात आल्या. नागपूर विभागाच्या तुलनेत यंदा अमरावती विभाग मात्र कारवायांमध्ये पिछाडला आहे. 

आंध्र प्रदेश, तेलंगणातून आवक 
नागपूर विभागातील काही जिल्ह्यांच्या सीमा या आंध्र प्रदेश तसेच तेलंगणाशी जुळलेल्या आहेत. या दोन्ही राज्यांतून मोठ्या प्रमाणावर ‘एचटीबीटी’ची आवक महाराष्ट्रात होते. चंद्रपूर-गडचिरोली या जिल्ह्यांमध्ये साठवणूक करून तेथून मग विदर्भातील इतर जिल्ह्यांमध्ये पुरवठा केला जातो. यंदा मात्र कृषी विभागाने पुरवठादारांवरच लक्ष केंद्रित केले. परिणामी, विदर्भात ‘एचटीबीटी’चा अपेक्षित पुरवठा रोखता आला आहे. 


इतर ताज्या घडामोडी
रानभाज्यांचे आहारातील महत्त्वमहाराष्ट्रामध्ये स्थानिक वातावरणानुसार, तिथे...
नगरमध्ये शेवग्याला २००० ते ४५०० रुपये दरनगर : नगर येथील दादा पाटील शेळके कृषी...
नाशिकमध्ये डाळिंबाची आवक वाढली; दरात घटनाशिक : येथील कृषी उत्पन्न बाजार समितीमध्ये गत...
रत्नागिरीत पूर ओसरला, सावरण्याची धडपड ...रत्नागिरी : जिल्ह्यात पावसाचा जोर ओसरला असून पूर...
विदर्भात ६६ हजार हेक्‍टरवरील पिकांचे...नागपूर : विदर्भातील बहुतांश जिल्ह्यात शनिवारी (ता...
मराठवाड्यातील प्रकल्पांच्या जलसाठ्यात...औरंगाबाद : मराठवाड्यातील ८७९ लघू, मध्यम, मोठ्या...
स्मार्ट तंत्रज्ञानाने मेंदू बथ्थड होत...आधुनिक तंत्रज्ञानामुळे माणूस बथ्थड, मूर्ख होत...
कोल्हापुरात ६३ हजार हेक्टर पिकांना फटकाकोल्हापूर : जिल्ह्यात आलेल्या महापुरामुळे सुमारे...
परभणीत अतिवृष्टीने ३४ हजार हेक्टर पिके...परभणी ः अतिवृष्टी व पूरपरिस्थितीमुळे परभणी...
केंद्र सरकार घरे बांधून देणार : नारायण...रायगड/रत्नागिरी : ‘‘तळिये गावात पंतप्रधान आवास...
समृद्धीला समांतर बुलेट ट्रेनचा मार्ग बुलडाणा : नागपूर-मुंबई समृद्धी महामार्गालगतच आता...
नगरमध्ये एक लाख हेक्टरवर सोयाबीन नगर : नगर जिल्ह्यात सोयाबीनची पेरणी आता उरकली आहे...
साताऱ्यात भूस्खलनात आतापर्यंत ३२ जणांचा...सातारा : गेल्या तीन चार दिवसांपासून जिल्ह्यात...
आवक कमी दाखवून बाजार समितीची फसवणूक पुणे : पुणे कृषी उत्पन्न बाजार समितीमधील फळे,...
नदीकाठावरील ऊस वाहून गेलानेर्ले, जि. सांगली : बहे रामलिंग बेटाच्या...
अकोल्यातील २३३६ कर्जदार सावकारी...अकोला : शासनाने जाहीर केलेल्या परवानाधारक सावकारी...
गोंदिया : पावसाअभावी दीड लाख हेक्‍...गोंदिया :  देशात मॉन्सूनचे आगमन होऊन दोन...
पुण्यात आले, टोमॅटो दरांत सुधारणापुणे ः पुणे कृषी उत्पन्न बाजार समितीमध्ये रविवारी...
वातावरण बदलात पारंपरिक वाण टिकवतील...भारतामधील भूजल साठ्यामध्ये सर्वांत श्रीमंत राज्य...
नुकसानीची सूचना विमा कंपन्यांना द्यावी...सोलापूर : ‘‘यंदा जिल्ह्यामध्ये पावसाचे प्रमाण...