agriculture news in Marathi 25 quintal cotton procured by CCI in Khandesh Maharashtra | Agrowon

खानदेशात ‘सीसीआय’कडून २५ हजार क्विंटल कापूस खरेदी

टीम अॅग्रोवन
रविवार, 22 नोव्हेंबर 2020

खानदेशात कापूस महामंडळाकडून (सीसीआय) कापसाची या आठवड्यात खरेदी सुरू झाली आहे. गेल्या चार दिवसांत सुमारे २५ हजार क्विंटल कापसाची खरेदी झाली आहे.

जळगाव ः खानदेशात कापूस महामंडळाकडून (सीसीआय) कापसाची या आठवड्यात खरेदी सुरू झाली आहे. गेल्या चार दिवसांत सुमारे २५ हजार क्विंटल कापसाची खरेदी झाली आहे. यातच चोपडा (जि. जळगाव) येथील खरेदी केंद्रात कापसात ओलावा अधिक असल्याचे कारण सांगून क्विंटलमागे दोन ते पाच किलोची कटती लावून शेतकऱ्यांची लूट केली जात असल्याची तक्रार शेतकऱ्यांनी केली आहे. 

या आठवड्यात एकामागून एक खरेदी केंद्र सुरू झाले आहेत. जळगाव तालुक्यासाठी पाच जिनिंग प्रेसिंग कारखान्यांमध्ये खरेदी सुरू आहे. परंतु या केंद्रांसाठी एकच ग्रेडर आहे. यामुळे रोज कुठल्यातरी एका केंद्रात खरेदी केली जाते. रोज सर्वच केंद्रांत खरेदी केली जात नाही. यामुळे संबंधित एकाच केंद्रात वाहनांची मोठी गर्दी होते. तसेच विक्रीसाठी शेतकऱ्यांना खरेदी केंद्रात रात्रभर थांबावे लागते. दुसऱ्या दिवसापर्यंत खरेदी पूर्ण करावी लागते. यामुळे शेतकऱ्यांना हकनाक मनःस्ताप सहन करावा लागत आहे. तसेच कारखान्यालाही आपली यंत्रणा पूर्ण क्षमतेने वापरात आणता येत नाही, अशी स्थिती आहे. यामुळे जळगाव, जामनेर व इतर तालुक्यांत निश्‍चित सर्वच केंद्रांमध्ये रोज खरेदी केली जावी, अशी मागणी शेतकरी करीत आहेत. 

जळगाव जिल्ह्यात सीसीआयने जामनेर, शेंदूर्णी (ता.जामनेर), पहूर (ता.जामनेर), बोदवड, भुसावळ, चोपडा, पाचोरा, धुळ्यात शिंदखेडा, शिरपूर, नंदुरबारमध्ये शहादा व नंदुरबार येथे खरेदी सुरू केली आहे. जळगावमध्ये रावेरात खरेदी सुरू झालेली नसल्याची माहिती मिळाली. पणन महासंघ ‘सीसीआय’चा एजंट म्हणून खरेदी करणार आहे. परंतु महासंघाची खरेदी सुरू झालेली नाही. महासंघाने जळगाव जिल्ह्यात भडगाव, धरणगाव, अमळनेर, यावल, पारोळा येथे खरेदीचे नियोजन केले आहे. तर धुळ्यात धुळे व नाशिक जिल्ह्यांतील येवला व मालेगाव येथेही खरेदी केंद्र निश्‍चित केले आहे. खरेदी मात्र सुरू झालेली नसल्याने या तालुक्यातील कापसाची आवक जळगाव, पाचोरा, चोपडा, भुसावळ, जामनेर येथील सीसीआयच्या खरेदी केंद्रात होत आहे.

क्विंटलमागे पाच किलोपर्यंत कटती
चोपडा येथील खरेदी केंद्रात कापसात ओलावा सांगून क्विंटलमागे दोन ते पाच किलो कटती लावली जात आहे. यात शेतकऱ्यांचे नुकसान होत आहे. तसेच दरही ५७०० रुपये प्रतिक्विंटल दिला जात नाही. व्यापारी शेतकऱ्यांच्या नावे कापसाची विक्री या केंद्रात करीत आहेत. याप्रकरणाची चौकशी करावी, अशी मागणी महाराष्ट्र राज्य शेतकरी संघटनेचे जिल्हा उपाध्यक्ष किरण गुर्जर व इतरांनी तहसील प्रशासनाकडे केली आहे.
 


इतर अॅग्रो विशेष
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
कोकण, मध्य महाराष्ट्रात मुसळधार पावसाचा...पुणे : बंगालच्या उपसागराच्या उत्तर भागात चक्रिय...
पीक विम्यात चुकीचे प्रकार खपवून घेणार ...नाशिक: पीकविमा कंपन्यांकडून पाच पाच जिल्ह्यांसाठी...
केंद्राच्या काळ्या कायद्यांची आम्हाला...नवी दिल्ली ः कायद्याच्या प्रक्रियेतून न आलेल्या...
धरण क्षेत्रात पावसाची हजेरी पुणे : तीन दिवसांपासून राज्यातील धरणक्षेत्रात...
राज्यात दीड महिन्यांत धरणांत ३७३ टीएमसी...पुणे : राज्यातील बहुतांश भागात जुलैमध्ये पावसाने...
हजारो नुकसानग्रस्त दाव्यापासून वंचित नांदेड : अतिवृष्टी तसेच संततधार पावसामुळे...
कोल्हापुरात पुराचे पाणी ओसरू लागले कोल्हापूर : जिल्ह्यात पावसाने पूर्णपणे उघडीप दिली...
राज्याची फळबाग लागवड योजना बंद नगर ः फळबागेचे क्षेत्र वाढीसाठी राज्यात सध्या...
विना नांगरणी तंत्राने कपाशी, तुरीची शेतीदेवगाव (ता. पैठण, जि. औरंगाबाद) येथील प्रयोगशील,...
हिंमत, परिश्रमातून पूर्णाबाईंनी साधली...शिरेगाव (जि. नगर) येथील अल्पभूधारक पूर्णाबाई होन...
मानवनिर्मित आपत्ती!राज्यात बेफामपणे कोसळणाऱ्या पावसाने सगळीकडे एकच...
दोन लाख हेक्टरवरील पिकांचे नुकसानपुणे : राज्यातील बहुतांश भागांत पावसाने उघडीप...
मका पिकात अमेरिकन लष्करी अळीचा...शिरपूर, जि. धुळे : जिल्ह्यात अनेक भागांत मका...
कोकणात पावसाची शक्यता पुणे : बंगालचा उपसागरात तयार झालेल्या कमी दाब...
कोल्हापुरात नद्यांचे पाणी ओसरण्याऐवजी...कोल्हापूर : सलग दुसऱ्या दिवशी पावसाने विश्रांती...
शेतकरी संसदेत आज ‘महिला राज’ नवी दिल्ली ः मोदी सरकारचे तीन कृषी कायदे रद्द...
आंदोलनादरम्यान एकही शेतकरी मृत्यूची...नवी दिल्ली ः केंद्राच्या कृषी कायद्यांविरोधात...
थेट कृषिमंत्र्यांचीच केली दिशाभूल; ‘...अमरावती : विमा कंपनीच्या प्रतिनिधीने खोटी माहिती...
सर्वंकष आढावा घेऊन नुकसान भरपाई जाहीर...रत्नागिरी : ‘‘तुम्हाला पायावर उभे करण्यासाठी...