Agriculture News in Marathi 299 applications for 21 seats | Agrowon

पुणे :एकवीस जागांसाठी २९९ अर्ज

टीम अॅग्रोवन
बुधवार, 8 डिसेंबर 2021

पुणे जिल्हा मध्यवर्ती सहकारी बँकेच्या संचालक मंडळाची निवडणूक प्रक्रिया २९ नोव्हेंबरपासून सुरू झाली आहे. या निवडणुकीमध्ये संचालकाच्या २१ जागांसाठी २९९ उमेदवारी अर्ज दाखल झाले आहेत.

पुणे : पुणे जिल्हा मध्यवर्ती सहकारी बँकेच्या संचालक मंडळाची निवडणूक प्रक्रिया २९ नोव्हेंबरपासून सुरू झाली आहे. या निवडणुकीमध्ये संचालकाच्या २१ जागांसाठी २९९ उमेदवारी अर्ज दाखल झाले आहेत. मंगळवारी (ता. ७) उमेदवारी अर्जाची छाननी करण्यात आली असून, येत्या २२ डिसेंबरपर्यंत अर्ज माघारी घेता येणार आहे, अशी माहिती निवडणूक निर्णय अधिकारी मिलिंद सोबले यांनी दिली.  

बँकेच्या संचालक मंडळ निवडणुकीसाठी सोमवारी (ता. ६) उमेदवारी अर्ज दाखल करण्याच्या अखेरच्या दिवशी अर्ज भरण्यासाठी चांगलीच गर्दी झाली होती. राष्ट्रवादी, शिवसेना, काँग्रेस आणि भाजप या प्रमुख राजकीय पक्षाच्या उमेदवारांनी आपले उमेदवारी अर्ज दाखल केले आहेत. विद्यमान संचालक बाळासाहेब नेवाळे, आमदार अनिल भोसले, तुकाराम देवकाते, वर्षा शिवले यांनी या निवडणुकीत उमेदवारी अर्ज दाखल केले नाहीत. उर्वरित सर्व विद्यमान संचालकांनी उमेदवारी अर्ज दाखल केले आहे. 

उपमुख्यमंत्री अजित पवार यांच्यासह राज्याचे गृहमंत्री दिलीप वळसे पाटील, राज्यमंत्री दत्तात्रय भरणे, आमदार दिलीप मोहिते, संजय जगताप, अशोक पवार संग्राम थोपटे यांचेही उमेदवारी अर्ज दाखल झालेले आहेत.
महिला संचालक पदासाठी दोन जागा आहेत. या दोन जागांसाठी ४१ उमेदवारी अर्ज महिला गटातून आले आहेत. या निवडणुकीत प्रथमच एवढ्या मोठ्या संख्येने महिला उमेदवारांचे अर्ज दाखल झाले आहेत.

अनेक इच्छुकांनी दोन ते तीन गटांतून आपले उमेदवारी अर्ज दाखल केले. त्यामुळे बँकेच्या आजवरच्या निवडणुकीत पहिल्यांदाच एवढ्या मोठ्या संख्येने उमेदवारी अर्ज आले आहेत. जिल्हा परिषदेचे माजी अध्यक्ष प्रदीप कंद, विश्‍वास देवकाते, सविता दगडे, सतीश खोमणे यांनीही उमेदवारी अर्ज दाखल केले आहेत. त्यामुळे राष्ट्रवादीचे वर्चस्व असले तरी निवडणुकीत चुरस निर्माण होण्याची शक्यता आहे.

दिलीप वळसे पाटील बिनविरोध 
राज्याचे गृहमंत्री दिलीप वळसे पाटील यांची पुणे जिल्हा बँकेच्या संचालकपदी बिनविरोध निवड झाली आहे. आंबेगाव सोसायटी मतदारसंघातून त्यांची बिनविरोध निवड झाली आहे. त्यांचा एकमेव अर्ज दाखल झाल्याने त्यांच्या विजयाची केवळ औपचारिक घोषणा होणे बाकी आहे. त्यांच्या गटात ५७ मतदार होते. यंदाच्या हंगामातील बिनविरोध निवडून जाणारे दिलीप वळसे पाटील पहिले मंत्री ठरले आहेत. ते जवळपास १९९१ पासून जिल्हा बँकेवर संचालक म्हणून कार्यरत आहेत. उपमुख्यमंत्री अजित पवार आणि राज्यमंत्री दत्तात्रय भरणे हे देखील जिल्हा बँकेच्या रिंगणात आहेत

एका उमेदवाराने भरले ३४ अर्ज 
सहकार कायद्याचा गैरफायदा घेत जुन्नर तालुक्यातील पुणे जिल्हा मध्यवर्ती सहकारी बँकेचे विद्यमान संचालक संजय काळे यांनी विरोधी उमेदवाराला सूचक मिळू नये म्हणून अ वर्ग सोसायटी गटातून तब्बल ३४ अर्ज दाखल केले आहेत. इतरही काही विद्यमान संचालकांनी सात- आठ अर्ज दाखल केले आहेत. जिल्ह्याचे राजकारण आणि ग्रामीण भागातील नाडी ताब्यात ठेवण्यासाठी पुणे जिल्हा मध्यवर्ती सहकारी बँकेची निवडणूक महत्त्वाची मानली जाते.
 


इतर बातम्या
22 तारखेला कुठे होणार पाऊस?20 तारखेला दिवसभर राज्यातले हवामान कोरडे...
पंजाबात मोहरीच्या क्षेत्रात वाढ, मात्र...वृत्तसेवा - पंजाबमध्ये मोहरीची लागवड ३३ हजार...
लाळ्या खुरकूत साथीमुळे मलिग्रेत चार...आजरा, जि कोल्हापूर ः मलिग्रे पंचक्रोशीत लाळ्या...
वारणा साखर कारखान्याची निवडणूक...वारणानगर जि. कोल्हापूर : येथील श्री. तात्यासाहेब...
संपादित जमिनीला वाढीव मोबदला द्या अकोला : जिल्ह्यातील पारस येथील औष्णिक विद्युत...
ज्युनिअर आर. आर पाटलांनी कवठेमहांकाळचं...सांगली - संपूर्ण राज्याचं लक्ष लागलेल्या...
गडचिरोलीचे हत्ती गुजरातला नेण्याचा घाटगडचिरोली : जिल्ह्यातील सिरोंचा वनविभागातील अहेरी...
उन्हाचा चटका वाढला, गारठा ओसरला पुणे : राज्यात उन्हाचा चटका वाढू लागला असल्याने...
साखर कारखान्यांच्या माल तारण  कर्जावरील...कोल्हापूर : साखर कारखान्यांच्या माल तारण...
खते मुबलक; पण किंमत जादा पुणे : राज्यात रब्बी हंगामात रासायनिक खतांची...
ज्येष्ठ विचारवंत डॉ. एन. डी. पाटील...कोल्हापूर ः ज्येष्ठ पुरोगामी विचारवंत, माजी...
खानदेशात कांदा पिकाची दहा हजार हेक्टरवर...जळगाव ः खानदेशात कांदा पिकाची लागवड सुरूच आहे....
कांदाच बनला टुमदार बंगल्याची ओळख नाशिक ः  या नभाने या भुईला दान...
ईश्‍वेद समूहाच्या टिश्‍युकल्चर ...अकोला : सिंदखेडराजा येथील ईश्‍वेद बायोटेक टिश्‍...
कापूस आयात शुल्क  रद्दच्या विषयावरील...जळगाव ः कापसावरील आयात शुल्क रद्द करण्यासह वायदा...
नाशिकच्या स्टार्टअपचा राष्ट्रीय पातळीवर...नाशिक : केंद्रीय वाणिज्य आणि उद्योगमंत्री पीयूष...
तूर विक्रीसाठी शेतकऱ्यांची  खुल्या...अमरावती : सोयाबीन व कापसानंतर खरीप हंगामातील...
‘गिरणा’चे वस्त्रहरण करणाऱ्यांवर कारवाई...चाळीसगाव, जि. जळगाव ः जळगाव जिल्ह्याची जीवनवाहिनी...
चांदवडमध्ये कांदा लिलाव सुरूनाशिक : अकरा जानेवारीपासून सोमवार (ता. १७) पर्यंत...
पुणे विभागात रब्बीतील कांदा लागवडीत वाढपुणे : आगामी काळात कांद्याला चांगले दर...