कापूस खरेदीसाठी तीस केंद्रे अंतिम

गेल्या हंगामात नव्वद केंद्र आणि १५० फॅक्टरीच्या माध्यमातून खरेदी करणाऱ्या महाराष्ट्र राज्य सहकारी कापूस उत्पादक पणन महासंघाने या वेळी मात्र पहिल्या टप्प्यात ३० केंद्रे सुरू करण्याचा निर्णय घेतला आहे.
cotton procurement
cotton procurement

नागपूर : गेल्या हंगामात नव्वद केंद्र आणि १५० फॅक्टरीच्या माध्यमातून खरेदी करणाऱ्या महाराष्ट्र राज्य सहकारी कापूस उत्पादक पणन महासंघाने या वेळी मात्र पहिल्या टप्प्यात ३० केंद्रे सुरू करण्याचा निर्णय घेतला आहे. अपुऱ्या कर्मचाऱ्यांच्या कारणामुळे घेतलेल्या या निर्णयावर पणनमंत्री बाळासाहेब पाटील यांनी देखील शिक्कामोर्तब केले आहे. राज्यात या वर्षी सुमारे ४५० लाख हेक्टरवर कापसाची लागवड आहे गेल्या वर्षीच्या तुलनेत हे क्षेत्र एक लाख लिटरने वाढले आहे. या माध्यमातून सुमारे चारशे पन्नास लाख क्विंटल कापूस उत्पादकतेचा अंदाज वर्तविला जात आहे. गेल्या हंगामात कापूस पणन महासंघाकडून ९४ लाख क्विंटल कापसाची खरेदी करण्यात आली होती. ९० केंद्रे आणि १५० फॅक्टरीच्या माध्यमातून ही खरेदी करण्यात आली. या वेळी मात्र अपुऱ्या कर्मचारी वर्गाचा हवाला देत पणन महासंघाने राज्यात केवळ ३० केंद्रे सुरू करण्याची तयारी चालवली आहे. या संदर्भाने पणन मंत्री बाळासाहेब पाटील यांच्या कक्षात गुरुवारी (ता. २२) पणन महासंघाच्या संचालक मंडळाची बैठक पार पडली.  १३४ पैकी काही कर्मचारी येत्या काही दिवसांत सेवानिवृत्त होणार असल्याने कर्मचाऱ्यांची संख्या आणखीन घटणार आहे. त्यामुळे अपुऱ्या कर्मचाऱ्यांच्या बळावर वाढीव केंद्र सांभाळणे जिकिरीचे ठरणार आहे. परिणामी, पणन महासंघाने प्रस्तावित केलेल्या ३० केंद्रांना मान्यता द्यावी, अशी मागणी महाराष्ट्र राज्य सहकारी कापूस उत्पादक पणन महासंघाचे अध्यक्ष अनंतराव देशमुख व संचालक मंडळाने बाळासाहेब पाटील यांच्याकडे लावून धरली. साठवणुकीकरिता शेड असलेल्या आणि दररोज सहाशे गाठी तयार करण्याची क्षमता असलेल्या जिनिंग फॅक्टरीची खरेदी केंद्र म्हणून या वेळी निवड केली जाणार आहे. गरज भासल्यास केंद्र संख्या ३६ पर्यंत नेता येईल. परंतु त्यापेक्षा अधिक संख्या वाढविणे शक्य नसल्याचे पणन महासंघाचे संचालक मंडळाने या वेळी पणनमंत्र्यांनी सांगितले. ही बाब मान्य करत पणन मंत्र्यांनी पहिल्या टप्प्यात ३० केंद्रांना मान्यता दिली आहे.

या केंद्रांवर होईल खरेदी नागपूर विभाग : पुलगाव (कारंजा+ आष्टी+तळेगाव) काटोल, सावनेर.  वणी :  (वरोरा+चिमूर), मारेगाव.  यवतमाळ : यवतमाळ, कळंब, आर्णी.  अकोला : (बोरगाव मंजू+ कानशिवणी), कारंजा लाड.  अमरावती :  अमरावती, वरुड, दर्यापूर, मोर्शी. खामगाव : (जळगाव जामोद+ शेगाव), देऊळगाव राजा औरंगाबाद : बालानगर,  (सिल्लोड+खामगाव फाटा) (शेवगाव+ कर्जत) परभणी : गंगाखेड, (पाथरी+ मानवत) परळी वै. : धारूर (केज+ माजलगाव). नांदेड : भोकर, तामसा. जळगाव : पारोळा, मालेगाव (धरणगाव+कासोदा)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com