Agriculture news in Marathi 30% grape pruning completed in Sangli | Agrowon

सांगलीत ३० टक्के द्राक्ष फळछाटणी पूर्ण

टीम अॅग्रोवन
सोमवार, 27 सप्टेंबर 2021

पावसाने उघडीप दिल्याने शेतकऱ्यांना दिलासा मिळाला आहे. जिल्ह्यात आतापर्यंत ३० टक्के फळछाटणी झाली असल्याचे माहिती द्राक्ष बागायतदार संघाच्या सूत्रांनी दिली आहे.

सांगली ः जिल्ह्यात यंदाच्या द्राक्ष फळ छाटणीस गेल्या पंधरा दिवसांपासून प्रारंभ झाला आहे. गेल्या आठवड्यात पाऊस सुरू होता, त्यामुळे फळछाटणी लांबणीवर पडेल, अशी शक्यता होती. परंतु पावसाने उघडीप दिल्याने शेतकऱ्यांना दिलासा मिळाला आहे. जिल्ह्यात आतापर्यंत ३० टक्के फळछाटणी झाली असल्याचे माहिती द्राक्ष बागायतदार संघाच्या सूत्रांनी दिली आहे.

जिल्ह्यात द्राक्षाचे सरासरी सव्वा लाख एकर क्षेत्र आहे. गेल्या दोन वर्षांपासून द्राक्ष उत्पादक शेतकऱ्यांवर नैसर्गिक आपत्ती आणि कोरोना विषाणूचे संकट सुरूच आहे. त्यातूनही शेतकऱ्यांनी बागेचे काटेकोर नियोजन करून उत्पादन घेतले आहे. यंदाच्या द्राक्ष हंगामासाठी दर्जेदार उत्पादन घेण्यासाठी शेतकऱ्यांनी अभ्यासपूर्ण नियोजन करत फळ छाटणीस सुरुवात केली आहे. जिल्ह्यात १० सप्टेंबरपासून छाटणीस प्रारंभ झाला आहे.

या वर्षी आटपाडी तालुक्यात आगाप फळ छाटणीस अगोदर सुरुवात झाली असून, त्यापाठोपाठ मिरज तालुक्याचा पूर्व भागातील शेतकऱ्यांनी फळ छाटणीस प्रारंभ केला आहे. गेल्या आठवड्यात जिल्ह्यात पावसाची रिमझिम सुरू होती. त्यामुळे द्राक्ष फळछाटणी लांबणीवर पडेल, अशी शक्यता होती. परंतु पावसाचा अंदाज घेऊन शेतकऱ्यांनी फळ छाटणीचे धाडस केले.चार दिवसांपासून पावसाने उघडीप दिली आहे. मिरज तालुक्यापासून फळछाटणीस प्रारंभ होईल. त्यानंतर हळूहळू सर्वत्र फळ छाटणीस गती येणार आहे.

जिल्ह्यातील द्राक्ष उत्पादक शेतकऱ्यांनी फळछाटणीस प्रारंभ केला आहे. आतापर्यंत सुमारे ३० टक्के फळछाटणी पूर्ण झाली आहे. वातावरण चांगले असल्याने वेलीवर गर्भधारणा चांगली झाली आहे. उर्वरित क्षेत्रातील फळछाटणीसाठी शेतकरी नियोजन करू लागला आहे.
- चंद्रकांत लांडगे, अध्यक्ष, द्राक्ष बागायदार संघ, सांगली विभाग


इतर अॅग्रो विशेष
कृषी विकासाचे भगीरथ ठरलेल्या...पुणे : कष्टकरी शेतकऱ्यांच्या मनगटाला बारा...
राज्यात ‘ऑक्टोबर हीट’चा प्रभावपुणे : राज्याच्या तापमानात चढ-उतार सुरूच आहेत....
शेती, पर्यावरण संवर्धनातून वाघापूरची...पुणे जिल्ह्यात वाघापूर गावाने लोकसहभागातून आपले...
भाजपतर्फे एक नोव्हेंबरला काळ्या फिती...परभणी : मराठवाडा, विदर्भातील अतिवृष्टिग्रस्त...
नाशिक :कांदा व्यापाऱ्यांवर आयकर...नाशिक : जिल्ह्यात कांदा विक्रीसाठी आघाडीवर...
गुजरातमधून गुळाला मागणी वाढलीकोल्हापूर : यंदा गुजरातमधून गुळाला मागणी वाढत आहे...
अनिश्‍चित काळासाठी रस्ते अडविता येणार...नवी दिल्ली ः आंदोलन करण्याचा शेतकऱ्यांना अधिकार...
निर्यात पडतळमुळे सोयाबीन दराला आधारपुणे : देशात सोयापेंडचे दर अधिक होते त्यामुळे...
राज्याच्या तापमानात चढ-उतारपुणे : राज्यात पावसाने उघडीप दिल्यानंतर तापमानात...
हडपलेला शेतकरीवाटा जमा करण्यासाठी नोटिसापुणे ः राज्यात शेती अवजारे न वाटताच कोट्यवधी...
शेतकरी आंदोलक नव्या रणनीतीच्या तयारीतनवी दिल्ली : तीन कृषी कायद्यांविरोधातील १०...
अॅपलबेरचे निर्यातक्षम उत्पादन. पुणे जिल्ह्यातील खानापूर (ता. जुन्नर) येथील...
सुयोग्य व्यवस्थापनातून हरभरा पिकात तयार...बुलडाणा जिल्ह्यातील सवडद येथील विनोद देशमुख यांनी...
विपरीत परिस्थितीत तग धरणाऱ्या...नागपूर ः दुष्काळी भागात नाचणी पीक तग धरू शकते....
दिवाळीनंतरच कृषी महाविद्यालये गजबजणारपुणे ः राज्यात कोविडमुळे बंद पडलेले कृषी...
यूपी सरकारची भूमिका वेळकाढूपणाचीनवी दिल्ली ः उत्तरप्रदेशातील लखीमपूर खिरी येथील...
पावसाची उघडीप राहणारपुणे : बंगालच्या उपसागरातील कमी दाबाच्या...
हरभरा बियाणे वितरणासाठी कृषी विभागाची...पुणे ः राज्यातील रब्बी हंगामात हरभऱ्याचे क्षेत्र...
इथेनॉलनिर्मिती १५० कोटी लिटरच्या पुढे...पुणे ः राज्याची एकूण इथेनॉलनिर्मिती क्षमता येत्या...
‘सिबिल’वर ठरतेय कर्जदाराची पतसोलापूर : रिझर्व्ह बॅंकेच्या निकषांनुसार आता...