agriculture news in Marathi, 30 Villages in flood hit, Maharashtra | Agrowon

पुराच्या विळख्यात अजूनही ३० गावे
टीम अॅग्रोवन
मंगळवार, 13 ऑगस्ट 2019

पुणे : महापुराचा तडाखा बसलेल्या सांगली, कोल्हापूरमध्ये अजूनही धोका पातळीपेक्षा पाच फूट वर पाणी असून ३० गावे पुराच्या विळख्यात आहेत. हेलिकॉप्टर्स, बोटींसह आता वाहनांमधूनही मदतीचा ओघ पूरग्रस्त भागाकडे सुरू झाला आहे. दरम्यान, जनजीवन त्वरेने पूर्वपदावर आणण्यासाठी पूरग्रस्त ग्रामपंचायती, नगरपालिका व महापालिकांना निविदा काढून खासगी मनुष्यबळ व सामग्री पुरविण्याचे आदेश मुख्यमंत्री देवेंद्र फडणवीस यांनी दिले आहेत. 

पुणे : महापुराचा तडाखा बसलेल्या सांगली, कोल्हापूरमध्ये अजूनही धोका पातळीपेक्षा पाच फूट वर पाणी असून ३० गावे पुराच्या विळख्यात आहेत. हेलिकॉप्टर्स, बोटींसह आता वाहनांमधूनही मदतीचा ओघ पूरग्रस्त भागाकडे सुरू झाला आहे. दरम्यान, जनजीवन त्वरेने पूर्वपदावर आणण्यासाठी पूरग्रस्त ग्रामपंचायती, नगरपालिका व महापालिकांना निविदा काढून खासगी मनुष्यबळ व सामग्री पुरविण्याचे आदेश मुख्यमंत्री देवेंद्र फडणवीस यांनी दिले आहेत. 

या भीषण आपत्तीमधील बळींची संख्या आता ४३ झाली आहे. तीन जण बेपत्ता असून, चार लाख ७४ हजार नागरिक स्थलांतरित झालेले आहेत. यात सांगलीत एक लाख ८५ हजार, तर कोल्हापूरला दोन लाख ४७ हजार नागरिक आश्रयाला आले आहेत. त्यांना ५९६ निवारा केंद्रांमधून मदत दिली जात आहे. सोमवारी सांगलीतून तीन व कोल्हापूरमधून चार उड्डाणे घेऊन हेलिकॉप्टरमधून मदत पोचविली गेली. 

पुण्याचे विभागीय आयुक्त डॉ. दीपक म्हैसेकर यांनी वार्ताहरांना सांगितले की, ‘‘आलमट्टी धरणातून मोठ्या प्रमाणात विसर्ग वाढविण्यात आला आहे, त्यामुळे पूर पातळी झपाट्याने उतरते आहे. तरीही सांगलीत ४५ फूट धोका पातळी असताना, तेथे अद्याप ५०.२ फूट पूर पातळी आहे. कोल्हापूरची धोका पातळी ४३ फूट असताना ४८ फुटांवर पाणी वाहते आहे. मात्र, पुणे-बंगलोर महामार्ग सुरू झाल्याने गॅस, पेट्रोल, डिझेल, पाणी, औषधे व अत्यावश्यक वस्तूंचा पुरवठा वाढविला गेला आहे. 

आलमट्टीतून पावणेसहा लाखाने विसर्ग 
आलमट्टी धरणात सध्या पाण्याची आवक प्रतिसेकंदाला ६.९० लाख क्युसेकने होत असून, विसर्ग मात्र ५.७० लाखाने सुरू आहे. कोयना धरणात ४४ हजार ३५७ क्युसेक पाणी गोळा होत असून ५३ हजार ८८२ क्युसेकने विसर्ग सुरू आहे. सांगली जिल्ह्यात आतापर्यंत सरासरीपेक्षाही १२८ टक्के, कोल्हापूरला १२९ टक्के, तर सातारा भागात १८३ टक्के पाऊस झाला आहे. ही स्थिती अभूतपूर्व असल्यामुळे पुराचे संकट ओढवले, असे प्रशासनाने स्पष्ट केले आहे. 

वेढा पडलेल्या गावांमध्ये नागरिक
सोमवारी दुपारी दोन वाजेपर्यंतच्या स्थितीनुसार सांगलीत १२ गावांना, तर कोल्हापूरच्या चार तालुक्यांतील १८ गावे पुराने वेढलेली होती. त्यात शिरोळमधील ९, गगनबावडा एक, करवीर ३, तर हातकणंगलेमधील पाच गावांचा समावेश आहे. या गावांमध्ये अजून स्वतःहून नागरिक थांबलेले आहेत. मात्र, तेथे बोटीमार्फत अत्यावश्यक वस्तू पाठविल्या जात आहेत, असे विभागीय आयुक्तांनी सांगितले. 

जिल्हाधिकाऱ्यांना पैसे काढण्याचे अधिकार
महापुरातील मृतांच्या आप्तेष्टांना तातडीची मदत देण्यासाठी निगेटिव्ह बॅलन्सने (खात्यात रक्कम नसली तरी) पैसे काढण्याचे अधिकार जिल्हाधिकाऱ्यांना देण्यात आले आहेत. कोल्हापूर व सांगलीतील ३१३ एटीएम सुरू करून २५ कोटींची रोकड भरण्यात आली आहे, त्यामुळे पूरग्रस्तांना तातडीने रोख रकमेचे वाटप करणे शक्य होणार आहे. 

३२ ट्रक मदत प्रशासनाने पाठविली 
पूरग्रस्तांसाठी प्रशासनाने ३२ ट्रक मदत रवाना केली आहे. याशिवाय बाहेरील १५ ट्रक पाठविले गेले आहेत. यात सांगलीला ३० तर कोल्हापूरला १७ ट्रक गेले आहेत. कोल्हापूरचे रस्ते उशिरा मोकळे होत असल्याने तेथे मदतीचे ट्रक कमी पोचले आहेत. साखर आयुक्तालयात अजून मदतीचे १२ ट्रक थांबलेले आहेत.  
टूथब्रशपासून ते पिठापर्यंत एकूण ३० वस्तू असलेले किट तयार करण्याचा प्रयत्न आता प्रशासन करते आहे. सुट्या स्वरूपात मदत दिल्याने होणारी गैरसोय यातून टळणार आहे. पूरग्रस्तांना मदत केंद्रातून घराकडे जाताना शासनाकडून १० किलो गहू व १० किलो तांदूळ दिला जाणार आहे. शालेय सामग्री, पूल, रस्ते, शाळा, प्राथमिक आरोग्य केंद्रे यांची दुरुस्ती करावी लागेल. शासकीय इमारती व घरांची पडझड सर्वे केला जाईल. आवश्यक तेथे स्थलांतर केले जाईल.  

कोल्हापूरला एसटीचे मार्ग सुरू
पूरग्रस्त भागात आता एसटी वाहतूक प्रथमच सुरू झाली आहे. कोल्हापूरला ३१ पैकी १५ आणि सांगलीत ४५ पैकी १५ मार्ग सुरू केले गेले आहेत. सर्व गावांमधील रस्ते प्रथम दुरुस्त करा, अशा सूचना विभागीय आयुक्तांनी सार्वजनिक बांधकाम खात्याला दिल्या आहेत. 

मुख्यमंत्र्यांकडून दोन वेळा आढावा
मुख्यमंत्र्यांनी सोमवारी पूरग्रस्त स्थितीचा दोन वेळा आढावा घेतला. स्थानिक स्वराज्य संस्थांना खासगी संस्थांद्वारे मनुष्यबळ व सामग्री पुरविण्याच्या सूचना मुख्यमंत्र्यांनी दिल्या. गावांतील पाणी ओसरताच ही रसद विविध भागांकडे रवाना होणार आहे.  

जादा भावाने विक्री रोखण्यासाठी पथके  
पूरग्रस्त नागरिकांची अडचण पाहून जादा भावाने वस्तूंची विक्री केल्याच्या तक्रारी येत आहेत, त्यामुळे राज्याच्या पुरवठा मंत्रालयाशी डॉ. म्हैसेकर यांनी संपर्क साधला. या समस्येला नियंत्रणात आणण्यासाठी वजन मापे निरीक्षकांची पथके नेमून कायदेशीर कारवाई करण्याचा निर्णय घेण्यात आला आहे. 

पाच हजार कृषी रोहित्रे बंद 
पुरामुळे पुणे विभागात २६ उपकेंद्रे अजूनही बंद पडलेली आहेत. यात तीन हजार ५१० बिगरकृषी, तर पाच हजार ४५ कृषी रोहित्रे आहेत. प्रथम निवासी व नंतर कृषी रोहित्रांची दुरुस्ती होणार आहे. कोल्हापूरची पाच उपकेंद्रे व ५६२ रोहित्रे सुरू केली गेली आहेत. सांगलीतही तीन उपकेंद्रे व ५३३ रोहित्रे सुरू केली गेली. 

साताऱ्यात भैरवगड डोंगर खचला
राज्याचे परिवहनमंत्री दिवाकर रावते म्हणाले, की सातारा जिल्ह्यातील भैरव गड डोंगर खचला. तेथे ११३ घरे माळीणप्रमाणे बाधित झाली असून ६५० लोक बेघर झाले. मी स्वतः गावाला भेट दिली. या गावाचे पुनर्वसन तात्पुरते करण्याचे आदेश आम्ही दिले आहेत.

इतर बातम्या
`चांद्रयान २' चंद्राच्या कक्षेत दाखलनवी दिल्ली ः भारताची महत्त्वाकांक्षी...
अकोल्यातील प्रकल्पात अत्यल्पच साठाअकोला : यंदाच्या पावसाळ्याचे सुमारे अडीच महिने...
अकोला जिल्ह्यात ६० हजार हेक्टर क्षेत्र...अकोला ः यंदाच्या खरीप हंगामात जिल्ह्यात असमतोल...
मराठवाड्यात २७ टक्केच पीक कर्जवाटपऔरंगाबाद : यंदाच्या खरिपासाठी शेतकऱ्यांना...
सिंधुदुर्गात कालव, जिताडा मस्त्यबीज...मुंबई : राज्यात सागरी उत्पादनवाढीस...
ठिबकला ८० टक्के अनुदान; आंदोलनाला...भोसे, जि. सोलापूर : राज्य शासनाने कोरडवाहू...
मांडाखळीत संत्रा बागांत फळगळपरभणी : कमी पाण्यामुळे जमिनीमध्ये ओलाव्याची...
रश्‍मी बागल यांचा शिवसेनेत प्रवेशसोलापूर : जिल्ह्यातील राष्ट्रवादी कॉंग्रेसची...
मांजरपाड्याचे पाणी दरसवाडी धरणात पोचलेनाशिक : येवल्याच्या दुष्काळी भागात पाणी...
माशांच्या पाच नव्या जातींचा घेतला शोध अरुणाचल प्रदेश राज्यातील इटानगर येथील राजीव गांधी...
राज्य बँकेची ३५ हजार कोटींची उलाढालमुंबई : अहवाल वर्षात इतिहासात ३५,४४० कोटी इतकी...
कोल्हापुरात मोहीम स्वरूपात पंचनाम्यास...कोल्हापूर: महापुराच्या प्रलयानंतर आता...
नाशिक जिल्ह्यात मक्यावर अमेरिकन लष्करी...नाशिक  : चालू खरीप हंगामात मका पिकावर मोठ्या...
सांगली जिल्हा बॅंकेच्या १२ शाखांचे...सांगली   ः महापुराचा फटका शेती आणि...
एकात्मिक शेती पद्धत वापरासाठी ‘कृषी’...मुंबई  : पीक उत्पादन वाढून शेतकऱ्यांचे...
`अतिपावसाने होत्याचं नव्हतं झालं`; पुणे...पुणे ः शेतकरी पाणीटंचाईच्या संकटातून सावरण्याचा...
अपघात विमा योजनेत शेतकऱ्यासह कुटुंबातील...मुंबई: गोपीनाथ मुंडे शेतकरी अपघात विमा...
राज्यात पूरप्रवण क्षेत्राबाबत संशयकल्लोळपुणे : कृष्णा व गोदावरी नदीच्या खोऱ्यात सतत पूर...
पूरग्रस्तांसह अतिवृष्टीत पिके...कोल्हापूर   : पूरग्रस्तांसह अतिवृष्टीत...
युतीतील अनेक जण आमच्या संपर्कात ः अजित...यवतमाळ : राष्ट्रवादी काँग्रेस-काँग्रेस आणि...