औरंगाबाद : येथील कृषी उत्पन्न बाजार समितीमध्ये शनिवारी (ता. १२) हिरव्या मिरचीची ५७ क्विंटल आवक झाली. हिरव्या मिरचीला ३००० ते ३५०० रुपये प्रतिक्विंटलचा दर मिळाल्याची माहिती बाजार समितीच्या वतीने देण्यात आली.
औरंगाबाद बाजार समितीमध्ये शनिवारी कांद्याची ५९५ क्विंटल आवक झाली. त्याला ५०० ते २५०० रुपये प्रतिक्विंटल असा दर मिळाला. ५५ क्विंटल आवक झालेल्या फ्लॉवरचे दर १५०० ते २५०० रुपये प्रति क्विंटल राहिले. ५१ क्विंटल आवक झालेल्या टोमॅटोला १२०० ते ३००० रुपये प्रतिक्विंटल असा दर मिळाला. वांग्याची आवक १६ क्विंटल तर दर १००० ते १८०० रुपये प्रतिक्विंटल राहिले. ७ क्विंटल आवक झालेल्या गवारला १५०० ते २५०० रुपये प्रतिक्विंटल असा दर मिळाला.
काकडीची आवक ५५ क्विंटल तर दर ७०० ते १००० रुपये प्रतिक्विंटल राहिले. १३ क्विंटल आवक झालेल्या भेंडीला १००० ते १५०० रुपये प्रति क्विंटल असा दर मिळाला. पत्ता कोबीची आवक ६२ क्विंटल तर दर १००० ते १२०० रुपये प्रतिक्विंटल राहिले. १३ क्विंटल आवक झालेल्या लिंबूला १००० ते १५०० रुपये प्रतिक्विंटल असा दर मिळाला. ८५०० जुड्यांची आवक झालेल्या मेथीला ६०० ते ८०० रुपये प्रति शेकड्याचा दर मिळाला.
पालकची आवक ६५०० जुड्या तर दर ४०० ते ७०० रुपये प्रति शेकडा राहिले. १४४०० जुड्यांची आवक झालेल्या कोथिंबीरला तीनशे ते पाचशे रुपये प्रति शेकडा दर मिळाला. ७ क्विंटल आवक झालेल्या शेवग्याचे दर ३५०० ते ५००० रुपये प्रतिक्विंटल राहिले. पपईची आवक १९ क्विंटल झाली. या पपईला १००० ते १५०० रुपये प्रतिक्विंटल असा दर मिळाला. आवळ्याची आवक २० क्विंटल तर १००० ते २००० रुपये प्रति क्विंटल राहिले. ३३ क्विंटल आवक झालेल्या भुईमूग शेंगांना २८०० ते ३२०० रुपये प्रति क्विंटल असा दर मिळाला.
बटाट्याची आवक ६०० क्विंटल तर दर २३०० चे २५०० रुपये प्रतिक्विंटल राहिले. पेरूची आवक १६ क्विंटल तर दर ८०० ते २००० रुपये प्रतिक्विंटल राहिले. १३५ क्विंटल आवक झालेल्या डाळिंबला १२०० ते ४८० रुपये प्रति क्विंटल असा दर मिळाला. ११ क्विंटल आवक झालेल्या मोसंबीला २२०० ते ३५०० रुपये प्रतिक्विंटल असा दर मिळाला. मका आवक ४५ क्विंटल तर दर ६०० ते १००० रुपये प्रतिक्विंटल राहिले. १२ क्विंटल आवक झालेल्या कारल्याला १५०० ते २००० रुपये प्रतिक्विंटल असा दर मिळाला.
चवळीची आवक ८ क्विंटल तर दर १५०० ते २००० रुपये प्रतिक्विंटल राहिले. १७ क्विंटल आवक झालेल्या ढोबळी मिरचीला १४०० ते ३००० रुपये प्रति क्विंटल असा दर मिळाला. दुधी भोपळ्याची आवक ८ क्विंटल झाली. या दुधी भोपळ्याला ९०० ते १००० रुपये प्रतिक्विंटलचा दर मिळाल्याची माहिती बाजार समितीच्या वतीने देण्यात आली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.