agriculture news in Marathi, 32 persons died from dapoli agri university in accident, Maharashtra | Agrowon

दापोली कृषी विद्यापीठातील ३२ जणांचा अपघातात मृत्यू
टीम अॅग्रोवन
रविवार, 29 जुलै 2018

सातारा: महाबळेश्वर-पोलादपूर मार्गावर आंबेनळी घाटात डॉ. बाळासाहेब सावंत कोकण कृषी विद्यापीठाच्या कर्मचाऱ्यांना सहलीला घेऊन निघालेली खासगी बस शनिवारी (ता.२८) सकाळी दाभिक टोक येथे ८०० मीटर खोल दरीत कोसळून झालेल्या भीषण अपघातात ३२ जणांचा मृत्यू झाला. बस दरीत कोसळ्यानंतर यातील प्रकाश सावंत-देसाई हे कर्मचारी बसमधून बाहेर फेकले गेले. त्यांनी घाटातून वर येऊन या घटनेची माहिती विद्यापीठाला कळवली. त्यानंतर विविध ट्रेकर्सच्या मदतीने सायंकाळी पाच वाजेपर्यंत ११ मृतदेह बाहेर काढण्यात यश आले होते. 

सातारा: महाबळेश्वर-पोलादपूर मार्गावर आंबेनळी घाटात डॉ. बाळासाहेब सावंत कोकण कृषी विद्यापीठाच्या कर्मचाऱ्यांना सहलीला घेऊन निघालेली खासगी बस शनिवारी (ता.२८) सकाळी दाभिक टोक येथे ८०० मीटर खोल दरीत कोसळून झालेल्या भीषण अपघातात ३२ जणांचा मृत्यू झाला. बस दरीत कोसळ्यानंतर यातील प्रकाश सावंत-देसाई हे कर्मचारी बसमधून बाहेर फेकले गेले. त्यांनी घाटातून वर येऊन या घटनेची माहिती विद्यापीठाला कळवली. त्यानंतर विविध ट्रेकर्सच्या मदतीने सायंकाळी पाच वाजेपर्यंत ११ मृतदेह बाहेर काढण्यात यश आले होते. 

दापोली कृषी विद्यापीठाचे ३१ कर्मचारी आणि वाहक आणि चालक असे ३३ जण या बसमधून प्रवास करत होते. शनिवारी सकाळी साडेसहा वाजता दापोली येथील कोकण कृषी विद्यापीठातून कर्मचाऱ्यांना घेऊन बस महाबळेश्वरला सहलीसाठी निघाली. त्यानंतर सकाळी नऊ वाजता बस दाभेली खिंडीजवळ (वाडाकुंभरोशीपासून दोन ते तीन किलोमीटरवर) आल्यावर चालकाचा बसवरील ताबा सुटल्याने बस ८०० फूट खोल दरीत कोसळली.

बस दरीत कोसळत असतानाच यातील प्रकाश सावंत-देसाई हे कर्मचारी बसमधून बाहेर फेकले गेले. त्यांनी दरीतून वर येऊन मोबाईलवरून अपघाताची माहिती दापोली विद्यापीठात दिल्यानंतर मदतीसाठी महाबळेश्‍वर, पोलादपूर येथून मदतकार्य करणारी पथके व प्रशासकीय अधिकारी घटनास्थळाकडे रवाना झाले. घटनास्थळी पोलिसांचे बचाव पथक तसेच ट्रेकर्सची टीम दाखल झाली.

घटनास्थळी पाऊस आणि धुके असल्यामुळे बचावकार्यात अडथळा निर्माण होत होता. पावसामुळे खडकांवर शेवाळ तयार झाले असल्याने पाय घसरत होते. तसेच घटनास्थळी बघ्यांनी गर्दी केल्यामुळे बचावकार्यात अडथळा निर्माण होत होता. सायंकाळी पाचपर्यंत ११ जणांचे मृतदेह बाहेर काढण्यात ट्रेकर्स व बचाव पथकाला यश आले होते. धुके आणि जोराचा पाऊस यामुळे दरीतून मृतदेह काढण्यात अडचणी येत होत्या. मृतदेह ॲम्बुलन्सच्या साहाय्याने पोलादपूर व दापोलीकडे नेण्यात आले. मृतदेह काढण्याचे काम दिवसभर सुरू होते; पण काही मृतदेह दरीत अडकले असून काही बसखाली आहेत. बस सुमारे आठशे मीटरवर खोल दरीत अडकली आहे.

बसखाली अडकलेल्या मृतदेहांना काढण्यासाठी मोठी क्रेन तसेच गिर्यारोहकांना बोलविण्यात आले आहे; परंतु सातत्याने पडणारा पाऊस आणि धुक्‍यामुळे मदत कार्यात अडचणी निर्माण होत आहेत. प्रशासकीय अधिकारी व पोलिस घटनास्थळी थांबून आहेत. सर्व मृतदेह पोलादपूर, दापोली येथील शासकीय रुग्णालयात पाठविण्यात आले आहेत. तसेच नातेवाइकांनाही रुग्णालयातच थांबविण्यात आले आहे. 

मृतांमध्ये संतोष झगडे, सचिन झगडे, राजीव झगडे, राजाराम गावडे, पंकज कदम, सचिन गिम्हवणेकर, रितेश जाधव, हेमंत सुर्वे, अजय सांवत, रोशन तबीब, किशोर चौगुले, विक्रांत शिंदे, रविकिरण साळवी, सुनील साठले, संतोष जळगावकर, राजू बडवे, जयंत चौगुले, संदीप भोसले, प्रमोद शिगवण, संदीप सुर्वे, प्रमोद जाधव, रत्नाकर पागडे, राजीव रिसवूड, प्रशांत भांबेड (चालक), संदीप झगडे, सुयश बाळ, नीलेश तांबे, सुनील कदम (सर्व राहणार चिपळूण) यांचा समावेश आहे, तर प्रकाश सावंत (देसाई) हे जखमी आहेत. या सहलीसाठी संजय सावंत हे ताप असल्याने गेले नसल्याचे घटनास्थळावरून सांगण्यात आले. 
 
मदतीसाठी आलेले ट्रेकर्स... 
महाबळेश्‍वर ट्रेकर्स, सह्याद्री टेकर्स, यंग ब्लड ॲडव्हेंचर्स, कर्तव्य प्रतिष्ठान, महाडचे सह्याद्री मित्र, सिसकेप, कोकण कडा, खेड आणि दापोलीतील ट्रेकर्स आलेले आहेत. तसेच एनडीआरएफची टीम ही तहसीलदारांनी बोलावली आहे. ती रात्री उशिरापर्यंत पोचून मदतकार्य करणार आहे. 

 

इतर अॅग्रो विशेष
विघ्नकर्ता नव्हे, विघ्नहर्ता बना! स ध्या देशापुढे गंभीर असे आर्थिक संकट उभे आहे....
‘लष्करी’ हल्लाचालू खरीप हंगामात अमेरिकी लष्करी अळी (फॉल आर्मी...
जमिनीच्या सुपीकता वाढीतून साधली चौफेर...शेती अधिक उत्पादनक्षम करण्यासाठी धामणा (जि....
मत्स्योत्पादनात ठाणे जिल्हा अव्वलरत्नागिरी ः सागरी मत्स्योत्पादनात महाराष्ट्र...
दिवाळीनंतरच गाळप हंगाम सुरू होण्याची...कोल्हापूर : पूर परिस्थितीमुळे उसाचे मोठे नुकसान...
निवडणुकीत प्रभावी प्रचाराला मिळणार दहाच...बारामती, जि. पुणे : विधानसभा निवडणुकीत सर्वच...
मराठवाड्यातही कपाशीवर लष्करी अळीचा आढळपरभणी : जिल्ह्यात मका पिकापाठोपाठ कपाशीवर काही...
पावसाची उघडीप; उन्हाचा चटका वाढलापुणे : अरबी समुद्रातील परिसरात असलेले कमी दाबाचे...
द्राक्षावर तंबाखूची पाने खाणारी अळीभवानीनगर, जि. पुणे : द्राक्षावर यंदाही...
सरकी ढेपेचे दर कडाडल्याने दूध उत्पादक...अकोला : दुधाळ जनावरांना पोषक खाद्य म्हणून खाऊ...
लष्करी अळीपासून कपाशीला धोका नाहीः कृषी...पुणे: राज्याच्या कापूस पिकाला अमेरिकन लष्करी...
खानदेशातही कापसावर लष्करी अळीजळगाव  : खान्देशात जळगाव, धुळे जिल्ह्यांतील...
विधानसभेचा बिगुल वाजलामुंबई: चौदाव्या महाराष्ट्र विधानसभा निवडणुकीचे...
कांदा दरस्थिती आढाव्यासाठी केंद्राचे...नाशिक : कांदा दर, आवक स्थितीचा आढावा...
पापड उद्योगातून मिळाले शेतीला आर्थिक बळकहाटूळ (ता. शहादा, जि. नंदुरबार) येथील आशा व...
बाजारपेठेनुसारच पीक लागवडीचे नियोजनआष्टा (ता. वाळवा, जि. सांगली) येथील सौ. मृदुला...
अमेरिकन लष्करी अळीची कपाशीवरही चाल ! (...नगर : अमेरिकन लष्करी अळीने (स्पोडोप्टेरा...
महाराष्ट्रात २१ ऑक्टोबरला मतदान, २४ ला...नवी दिल्ली : महाराष्ट्रासह हरियाना राज्य...
नावीन्यपूर्ण संकल्पना रुजवीत यशस्वी...लासलगाव (जि. नाशिक) येथील शंतनू नानासाहेब पाटील...
औरंगाबाद रेशीम उपसंचालक कार्यालयाला...औरंगाबाद : मराठवाड्याची राजधानी औरंगाबाद येथे...