agriculture news in Marathi 35 percent reduction possible in wine production Maharashtra | Page 3 ||| Agrowon

द्राक्ष वाइन उत्पादनात ३५ टक्के घट शक्य 

मुकुंद पिंगळे
सोमवार, 15 फेब्रुवारी 2021

 कोरोनाच्या पार्श्वभूमीवर वाइन उत्पादकांनी गतवर्षीच्या हंगामात कराराप्रमाणे अडचणीतही वाइन द्राक्ष वाणांवर प्रक्रिया केली.

नाशिक : कोरोनाच्या पार्श्वभूमीवर वाइन उत्पादकांनी गतवर्षीच्या हंगामात कराराप्रमाणे अडचणीतही वाइन द्राक्ष वाणांवर प्रक्रिया केली. मात्र टाळेबंदी झाल्याने वाइन विक्री सहा महिने बंद होती. त्यामुळे मागील वर्षीचा अतिरिक्त साठा शिल्लक असल्याने यंदाच्या हंगामात उत्पादित वाइनचा साठा करण्यासाठी टाक्या शिल्लक नाहीत. परिणामी यंदा द्राक्ष वाइन उत्पादनात ३५ टक्के होण्याची शक्यता आहे.

गेल्या वर्षी नैसर्गिक आपत्तीमुळे तयार द्राक्षांचे नुकसान झाल्याने वाइनऱ्यांनी हा माल प्रक्रियेसाठी खरेदी करून शेतकऱ्यांना काही अंशी दिलासा दिला. पुढे कोरोनाचे संकट डोक्यावर असताना वाइनऱ्यांनी शेतकऱ्यांशी केलेल्या कराराप्रमाणे द्राक्ष वाणांचा खुडा करून प्रक्रियाही केली. मात्र पुढे टाळेबंदी झाल्याने वाइन उत्पादनपश्चात विक्री अडचणीत सापडली. त्यामुळे वाइनचा साठा टाक्यांमध्ये शिल्लक आहे. मागणी नसल्याने हा साठा बाटलीबंद झालेला नाही.

एकट्या नाशिक जिल्ह्यात २३०० हेक्टर क्षेत्रावर शेनीन ब्लॉनक, झिफेंडल ब्लॉनक, सोव्हिएन ब्लॅक, शिराझ, कॅबर्नेट या प्रमुख वाइन वाणांची लागवड शेतकऱ्यांनी केली आहे. दरवर्षी नाशिक, पुणे, सोलापूर व सांगली जिल्ह्यात २५ हजार टन द्राक्षावर प्रक्रिया होते. मात्र यंदा ८ ते १० हजार टन द्राक्षांवरही प्रक्रिया होणार नसल्याची माहिती वाइन उत्पादकांनी दिली. त्यामुळे त्याचा फटका करार न केलेल्या शेतकऱ्यांना बसण्याची शक्यता आहे. तर करार केलेल्या शेतकऱ्यांनाही वेळेवर परतावा मिळणार का? हा मोठा प्रश्‍न आहे. 

वाइन उद्योगापुढील समस्या

  • मागील वर्षी पूर्ण क्षमतेने वाइन उत्पादन
  • मागणी मात्र अडचणीत
  • मार्च ते सप्टेंबरदरम्यान वाइन विक्री ठप्प
  • वाइनचा मोठा साठा शिल्लक 
  • पुरवठ्याच्या तुलनेत मागणी कमीच 

वाइन उद्योगाला राजाश्रयाची गरज 
राज्यातील वाइन उद्योग गेल्या २० वर्षांत वाटचाल करीत १ हजार कोटींवर गेला आहे. त्यामुळे मिशन तयार करून ५ हजार कोटींचे उद्दिष्ट ठेवण्यात आले आहे. राजाश्रय मिळाला तरच वाइन द्राक्ष उत्पादक व वायनरी उद्योग तग धरू शकेल. त्यामुळे या उद्योगाला राजाश्रय द्यावा, अशी मागणी होत आहे. 

प्रतिक्रिया
ज्या वाइनऱ्यांनी शेतकऱ्यांशी अधिकृतरीत्या करार केलेले आहेत त्याचे उल्लंघन होणार नाही याची दक्षता घेतली जात आहे. वाइन प्रक्रियेसाठी ज्या जातीच्या लागवडी केल्या आहेत. त्या क्षेत्रावरील मालावर प्राधान्याने प्रक्रिया करणार आहे. कराराशिवाय इतर वाइन द्राक्ष बागांमधील प्रक्रिया करू, मात्र अगोदर प्राधान्याने करार पाळले जातील.
- जगदीश होळकर, अध्यक्ष, अखिल भारतीय द्राक्ष वाइन उत्पादक संघ

वाइन उत्पादन केल्यानंतर साठवणूक क्षमता नसल्याने अडचणी आहेत. त्यामुळे चालू वर्षी उत्पादन घटून फटका बसणार आहे. त्यामुळे खर्च करून करार केल्याप्रमाणे प्रक्रिया करता यावी. यासाठी साठवणूक क्षमता वाढविण्यासाठी प्रयत्न सुरू आहेत.
-शिवाजीराव आहेर, वाइन उत्पादक, ओझर मिग, जि. नाशिक.


इतर अॅग्रोमनी
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
सोयाबीन लागवड क्षेत्रात दहा टक्के...नागपूर : देशात सोयाबीन लागवड क्षेत्र आणि...
मोहरीतील तेजीची कारणे  वेगळीच ः विजय...नागपूर : बाजारात हमीभावापेक्षा मोहरीला जास्त दर...
प्रक्रियायुक्‍त खाद्यपदार्थांच्या...नवी दिल्ली : कोरोनाकाळात सर्वच क्षेत्रांना मोठ्या...
दुसऱ्या लाटेचा बासमती तांदळास फटका कोल्हापूर : कोरोनाच्या दुसऱ्या लाटेचा फटका बासमती...
महाराष्ट्राला साखर वाहतूक अनुदान...कोल्हापूर : महाराष्ट्रातील साखर कारखान्यांना...
इंडोनेशिया, अफगाणिस्तानला ४८ टक्के साखर...कोल्हापूर : गेल्या सहा महिन्यांत देशातून निर्यात...
देशाची साखर उत्पादनात उच्चांकी झेप कोल्हापूर ः साखर उत्पादनात देशाची घोडदौड ३०० लाख...
साखर निर्यातीचा ‘गोडवा’ वाढलाकोल्हापूर : केंद्राकडून साखर निर्यात धोरण जाहीर...
पाम तेल आयातीवर श्रीलंकेचा ‘सर्जिकल...कोलंबो : श्रीलंका सरकारने पाम तेलाच्या आयातीवर...
सोयाबीनची तेजी अबाधित पुणे ः यंदा सोयाबीच्या दरांमध्ये झालेली सुधारणा...
भारताकडून पिवळ्या वाटाण्याची आयात बंद पुणे ः युक्रेनमधून पिवळ्या वाटाण्याची आयात करणारा...
बेदाण्याला दराची गोडीसांगली ः यंदाचा बेदाणानिर्मितीचा हंगाम अंतिम...
हरभरा दरवाढीचे संकेतपुणे ः देशातील महत्त्वाच्या हरभरा उत्पादक...
कापूस लागवडीत यंदा घट शक्यपुणे ः पुढील दोन ते तीन महिन्यांत खरीप लागवड सुरू...
भारताने आयात-निर्यात धोरणांत बदल करू नयेपुणे ः केंद्र सरकारकडून आयात-निर्यातीच्या...
ब्राझीलच्या साखरेचा आंतरराष्ट्रीय...कोल्हापूर : साखरेच्या आंतरराष्ट्रीय बाजारपेठेत...
खाद्य तेलाच्या किमती आटोक्यात आणणार :...नवी दिल्ली : देशातील खाद्य तेलाच्या किरकोळ...