agriculture news in marathi, 35% reduction in raisins production in Jat taluka | Agrowon

जत तालुक्यात बेदाणा उत्पादनात ३५ टक्के घट

अभिजित डाके
रविवार, 21 एप्रिल 2019

कूपनलिका, विहिरी कोरड्या पडल्या आहेत. कमी पाण्यामुळे द्राक्षे लवकर शेडवर टाकावी लागली. याचा परिणाम बेदाणा उत्पादनावर झाला. शासनाने द्राक्षबागेवरील कर्ज माफ करावे.
- विलास शिंदे, बेदाणा उत्पादक शेतकरी संख, ता. जत.

पाण्याअभावी बेदाण्याचा दर्जा चांगला मिळाला नाही. त्यामुळे बेदाण्याला दर कमी मिळतील. याचा परिणाम उत्पन्नावर होणार असल्याने शेतकऱ्यांचे कंबरडे मोडले आहे. 
- विठ्ठल चव्हाण, उमदी, ता. जत

सांगली : पावसाळ्यात पावसाची दडी, परतीच्या पावसाचा अभाव, यामुळे जत तालुक्याच्या पूर्व भागात पाणीटंचाई सुरवातीपासून सुरू आहे. शेततलाव, कूपनलिका, विहिरीतील उपलब्ध पाणीसाठ्यावर बागा जगविल्या आहेत. डिसेंबर महिन्यापासून बागांना टँकरद्वारे पाणीपुरवठा केला जात आहे. काही बागांना खोड जगविण्यासाठीही पाणी मिळाले नाही. पूर्व भागातील द्राक्ष उत्पादक शेतकऱ्यांनी टँकरने पाणीपुरवठा करून बागा आणल्या आहेत. मात्र, पाण्याअभावी बेदाण्याच्या उत्पादनात सुमारे ३५ टक्के घट झाल्याची माहिती मिळाली.

जत तालुक्यामध्ये ६ हजार ६७० हेक्टर क्षेत्रावर द्राक्षबागा आहेत. प्रतिकूल परिस्थितीत आधुनिक तंत्रज्ञानाचा वापर करीत उजाड माळरानावर बागा उभ्या केल्या. कृषी विभागाच्या अनुदानावर व स्वत: लाखो लिटरची शेततळी बांधली आहेत. पाण्याचा नियोजनबद्ध वापर करून दर्जेदार द्राक्षांचे उत्पादन घेतले जाते. यावर्षी गंभीर दुष्काळी परिस्थिती आहे. वर्षभरात ४८.३ मिलिमीटर पाऊस झाला. शरद, सोनाक्का, माणिक चमन, सुपर सोनाक्का, थॉमसन आदी द्राक्ष जातीच्या बागा आहेत. पाणीटंचाई असूनही जत पूर्व भागात द्राक्षाचे उत्पादन घेण्यात आले. 

अनुकूल हवामानामुळे या वर्षी द्राक्षवेलींना चांगले घड सुटले. दावण्या रोगाचा प्रादुर्भाव झाला नाही. पण पाण्याच्या कमतरतेमुळे कांड्या मध्यम प्रमाणात तयार झाल्या. खरड छाटण्या उशिरा झाल्या. पाऊस कमी झाल्याने नोव्हेंबर-डिसेंबरपासून बागेला पाणी कमी पडले. त्यामुळे फळे मोठी होण्यासाठी, मण्यांचा आकार वाढविण्यास, मणी फुगण्यास अनुकूल स्थिती लाभली नाही. त्यामुळे द्राक्षघड व मणी लहान तयार झाले. द्राक्षात साखर पाहिजे त्या प्रमाणात तयार झाली नाही.

पूर्व भागात विहिरीतील काळ्या दगडातील गोड पाणी अाहे. त्यामुळे दर्जेदार सुट्या बेदाण्याची निर्मिती केली जाते. उमदी, बिळूर, सिद्धनाथ, तिकोंडी, भिवर्गी, अंकलगी, जालिहाळ खुर्द, मुचंडी, डफळापूर, दरीकोणूर, जालिहाळ बुद्रुक, कोंत्येवबोबलाद, हळ्ळी, बेळोंडगी, करजगी, दरीबडची, संख, उमदी, माडग्याळ, सोन्याळ, उटगी, सिद्धनाथ परिसरात पाऊस कमी झाला.

द्राक्षबागायतदारांनी एकरी तीन लाख केवळ पाण्यासाठी खर्च केला. पाणी उपलब्ध न झाल्यास भविष्यात जत पूर्व भागातील द्राक्ष बागा नष्ट होतील, अशी भीती शेतकऱ्यांना आहे. 


इतर बातम्या
शितादही करण्यापुरताही कापूस लागला नाहीअकोला ः शेतकऱ्याने कपाशीची लागवड केली. कपाशीची...
परभणी जिल्ह्यात पीकविमा परताव्यासाठी ३१...परभणी : पंतप्रधान पीकविमा योजनेअंतर्गत खरीप...
कुक्कुटपालन चांगल्या उत्पन्नाचा व्यवसाय...औरंगाबाद : ‘‘कुक्कुटपालनासाठी जागा, खाद्य,...
सीताफळ प्रक्रिया उद्योगाला प्रोत्साहन...अकोला ः गेल्या काही वर्षात सीताफळ लागवडीकडे...
नगरमधील ६० गावांतील ७८ पाणी नमुने दूषितनगर ः जिल्ह्यातील १४ तालुक्‍यांतील सप्टेंबर...
पुणे कृषी महाविद्यालयात आंदोलनपुणे ः सातवा वेतन आयोग लागू करण्यासाठी महात्मा...
गोंदिया जिल्ह्यातील दोन संस्थांचा धान...गोंदिया : नियमबाह्यरीत्या धान खरेदी तसेच...
हिंगोली जिल्ह्यात तीन लाख ७ हजार...हिंगोली : जून ते ऑक्टोबर दरम्यान अतिवृष्टीमुळे...
उत्पादन खर्चाच्या दुप्पट दराचे काय? ः...नाशिक : ‘‘केंद्र सरकारने कांदा...
सोलापूर जिल्ह्यात पावणे दोन लाख हेक्‍टर...सोलापूर : अतिवृष्टी आणि पुरामुळे जिल्ह्यात...
सोलापुरात महावितरण मुख्यालयाला ‘...सोलापूर : लॉकडाऊन काळातील शेतीचे संपूर्ण वीज बिल...
सोलापूर जिल्ह्यात तीस हजार शेतीपंपाच्या...सोलापूर :  अतिवृष्टी आणि पूरस्थितीमुळे...
कांद्याची कोट्यवधीची उलाढाल ठप्प नाशिक: केंद्र सरकारने कांद्याच्या वाढत्या दरावर...
करार शेतीची जबाबदारी कृषी विभागाकडेचपुणे: करारशेतीचा नवा कायदा अस्तित्वात आल्यानंतर...
मॉन्सूनने घेतला देशातून निरोपपुणे ः परतीच्या पावसाला देशातून माघार घेण्यासाठी...
राज्यात उकाडा वाढण्यास सुरूवात  पुणे ः परतीच्या पावसाने संपूर्ण देशातून माघार...
पीकविमा परतावा तात्काळ द्या, अन्यथा...अमरावती : जिल्ह्यात एआयसी कंपनीच्या (ॲग्रिकल्चर...
सेंद्रीय आणि शाश्‍वत शेती विकासासाठी ‘...अकोला ः डॉ. पंजाबराव देशमुख कृषी विद्यापीठाच्या...
कापूस उत्पादनात मोठी घट, पीक परवडेनाजळगाव ः अतिपावसात १२ एकर कापूस पिकात फूलगळ झाली....
बांगलादेशमधील संत्रा निर्यात लांबणीवरनागपूर : तांत्रिक कारणांमुळे बांगलादेशमध्ये...