agriculture news in Marathi 35 thousand crore investment for micro food processing Maharashtra | Agrowon

लघू अन्नप्रक्रिया समूहांसाठी ३५ हजार कोटींची गुंतवणूक

टीम अॅग्रोवन
मंगळवार, 30 जून 2020

देशाच्या ग्रामीण भागाच्या विकासात स्थानिक अन्नप्रक्रिया व्यवसायाचा वाटा महत्त्वाचा आहे. गावपातळीवरील होणाऱ्या या व्यवसायाचे महत्त्व सर्वप्रथम पंतप्रधानांनी अधोरेखित केले होते. अन्नप्रक्रिया उद्योगाची क्षमता मोठी असूनही मूल्य साखळीतील त्याचा वाटा सध्या कमी आहे.
- हरसिमरत कौर बादल, केंद्रीय अन्न प्रक्रिया उद्योगमंत्री

पुणे : देशातील लघू अन्नप्रक्रिया समूहांसाठी (क्लस्टर)विशेष योजना सोमवारी (ता. २९) जाहीर केली. या योजनेत २०२५ पर्यंत अन्नप्रक्रिया उद्योगात ३५ हजार कोटी रुपयांची गुंतवणूक अपेक्षित असून, दहा हजार कोटींचा खर्च निर्धारित करण्यात आला आहे. या योजनेच्या माध्यमातून ९ लाख नवे रोजगार निर्माण होण्याचा अंदाज आहे.

कोविड-१९ संकटाचा सामना करण्यासाठी पंतप्रधान नरेंद्र मोदी यांनी आत्मनिर्भर भारत अभियान घोषित करून त्यासाठी २० लाख कोटींची तरतूद केली होती. आत्मनिर्भर अभियानात या योजनेचादेखील समावेश होता. त्यानुसार आता १० हजार कोटींची योजना घोषित करण्यात आली. कृषी प्रक्रिया उद्योगमंत्री हरसिमरत कौर बादल यांनी ऑनलाइन पद्धतीने या योजनेचा शुभारंभ केला.

‘‘देश आत्मनिर्भर होण्यासाठी अभियानातील ही योजना ऐतिहासिक स्वरूपाची ठरेल, यामुळे देशाच्या अन्नप्रक्रिया क्षेत्रातील लघू उद्योगांतील आठ लाख समूहांना माहिती, प्रशिक्षण, तसेच आर्थिक, तांत्रिक व व्यावसायिक पाठबळ मिळणार आहे,’’ असे मंत्री कौर यांनी स्पष्ट केले.

२०२५ पर्यंत चालू राहणाऱ्या या योजनेत १० हजार कोटींची प्राथमिक तरतूद करण्यात आली आहे. योजनेत होणाऱ्या खर्चात ६० टक्के वाटा केंद्र आणि ४० टक्के वाटा राज्याचा असेल. लघू अन्नप्रक्रिया समूहांसाठीच्या या योजनेत प्रत्येक जिल्ह्यात एक उत्पादन केंद्रित केले जाईल. ते उत्पादन निश्चित करण्याचा अधिकार राज्याला देण्यात आला आहे. या योजनेतून ४० हजार स्वयंसहायता गटांना खेळते भांडवल, तसेच छोटी अवजारे पुरवली जाणार आहेत.

देशात सध्या अन्नप्रक्रिया क्षेत्रातील २५ लाख समूहांकडून या क्षेत्रात ७४ टक्के रोजगार निर्माण होतो, त्यातील ६६ टक्के समूह हे स्थानिक आणि ग्रामीण भागात आहेत. त्यात पुन्हा यातील ८० टक्के समूह हे कुटुंबकेंद्रित आहेत, त्यामुळे ग्रामीण भागातील स्थलांतर रोखण्यास मदत होते आहे.

दरम्यान, केंद्राने ‘ऑपरेशन ग्रीन’ योजनेला आता मुदतवाढ देत नव्या फळपिकांचादेखील समावेश केला आहे. अन्नप्रक्रिया मंत्रालय आता अनुसूचित जाती व जमातीतून नवउद्योजक तयार करण्यासाठी ऑनलाइन प्रशिक्षण वर्ग सुरू करणार आहे. या योजनेतून ४१ प्रकारच्या कौशल्यांचे प्रशिक्षण मिळणार आहे.

अशी आहे योजना

  • संभाव्य गुंतवणूक ३५ हजार कोटी
  • रोजगारनिर्मिती ः ९ लाख
  • सरकारने केलेली आर्थिक तरतूद ः १० हजार कोटी रुपये
  • योजनेचा कालावधी ः २०२० ते २०२५
  • प्रक्रियेसाठी एक जिल्हा एक उत्पादन संकल्पना
  • नाशवंत शेतमाल (फळे, भाजीपाला), कडधान्य तसेच अन्नधान्य आधारित उत्पादनांचा समावेश
  • सूक्ष्म प्रक्रिया युनिटला ३५ 
  • टक्क्यांपर्यंत १० लाख रुपयांच्या मर्यादेत अर्थसाह्य

इतर अॅग्रो विशेष
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...
पुण्यात शेतमाल पुरवठा देखील बंद पुणे: कोरोनाची उफाळून आलेली साथ रोखण्यासाठी...
देशाच्या सूत निर्यातीत मोठी घट जळगाव ः कोरोना व इतर संकटांमध्ये देशातील सूत...
मराठवाड्यात २६ टक्के पीककर्ज वितरणऔरंगाबाद : मराठवाड्यातील आठही जिल्ह्यांत...
कृषी निविष्ठा विक्रेत्यांचा राज्यात बंद...औरंगाबाद: कृषी निविष्ठा विक्रेत्यांच्या...
राज्यात पावसाला पोषक हवामानपुणे : राज्यात पावसाला पोषक हवामान होत असल्याने...
जलसंधारण,शिक्षण अन् कृषी विकासाचा रचला...सुदृढ, आत्मनिर्भर समाज घडविणे या उद्देशातून जळका...
दुग्ध व्यवसाय ठरतोय शेतीला आधारपनवेल येथील बांधकाम व्यावसायिक अनिल लक्ष्मण...
कृषी आयुक्त दिवसेंची बदली, गायकवाड...मुंबई : राज्य सरकारने शनिवारी महत्त्वपूर्ण...
कृषी निविष्ठा विक्रेत्यांना आरोपी नव्हे...पुणे : राज्यात खते, बियाणे, कीटकनाशकांची विक्री...
आनंदाची पातळी बदलतेय उत्पन्नांनुसारआजच्या जगामध्ये सामाजिक आर्थिक निकषांमध्ये वेगाने...
शेती क्षेत्रातील बदल टप्याटप्याने...नागपूर ः शेतकऱ्यांच्या बांधापर्यंत कृषी...
राज्यात कृषी सेवा केंद्रांचा बंद सुरूपुणेः सोयाबीन बियाणे न उगवल्या प्रकरणी...
औरंगाबाद जिल्ह्यातील थेट शेतमाल विक्री...औरंगाबाद : कोरोना संकटामुळे शेतकरी ते ग्राहक...
रुतलेले अर्थचक्राने विकासालाही ‘ब्रेक’''मूडी'' या पतमानांकन संस्थेने अलीकडेच आपला अहवाल...
बेलखेडा होणार संत्रा उत्पादक गावरिसोड, जि. वाशीम ः तालुक्यातील दोन हजार लोकसंख्या...