पुणे जिल्ह्यात आरोग्य विभागात ३५० पदे रिक्त

पुणे ः सध्या ‘कोरोना विषाणू’च्या प्रादुर्भावाने चांगलेच थैमान घातले आहे. त्या पार्श्वभूमीवर शासकीय आरोग्य विभागात आरोग्य सेवकांसह आरोग्य सहायक, औषधनिर्माण अधिकारी अशा विविध पदांची गरज आहे. मात्र, पुणे जिल्ह्यातील प्राथमिक आरोग्य केंद्रामध्ये रिक्त झालेल्या पदावर नवीन भरती प्रक्रिया न केल्यामुळे जिल्ह्यात सुमारे ३५० पदे रिक्त असल्याची माहिती समोर आली आहे.
350 posts vacant in health department in Pune district
350 posts vacant in health department in Pune district

पुणे ः सध्या ‘कोरोना विषाणू’च्या प्रादुर्भावाने चांगलेच थैमान घातले आहे. त्या पार्श्वभूमीवर शासकीय आरोग्य विभागात आरोग्य सेवकांसह आरोग्य सहायक, औषधनिर्माण अधिकारी अशा विविध पदांची गरज आहे. मात्र, पुणे जिल्ह्यातील प्राथमिक आरोग्य केंद्रामध्ये रिक्त झालेल्या पदावर नवीन भरती प्रक्रिया न केल्यामुळे जिल्ह्यात सुमारे ३५० पदे रिक्त असल्याची माहिती समोर आली आहे.

‘कोरोना’च्या पार्श्वभूमीवर ग्रामीण व शहरी भागातील ग्रामीण रुग्णालये, आरोग्य केंद्र व उपक्रेंद्राच्या अनेक ठिकाणी पदे रिक्त झालेली आहेत. याशिवाय, इमारतीची दुरवस्था झाली असल्याने काही ठिकाणी विविध सुविधांचा अभाव असल्याचे समोर आले आहे. मात्र, प्रत्येक ठिकाणी विविध पदांच्या जागा मोठ्या प्रमाणात रिक्त असल्यामुळे विविध अडचणींचा सामान करावा लागत आहे. राज्य सरकारकडून भरती प्रक्रिया होत नसल्याने अनेक ठिकाणी आरोग्य केंद्रात या अडचणी निर्माण झाल्या आहेत.

सध्या जिल्ह्यातील भोर तालुक्यात वैद्यकीय अधिकारी गट ‘अ’मध्ये १८७ पदापैकी अवघी एक जागा रिक्त आहे. वैद्यकीय अधिकारी गट ‘ब’ मधील ३३ पैकी ३३ असून एकही रिक्त नाही. मात्र, आरोग्य सेवक महिला एकूण ६५० जागांपैकी १०४, तर पुरुष सेवकांमध्ये २९० पैकी ८१ अशा एकूण १८५ जागा रिक्त आहेत. त्यामध्ये जुन्नर, आंबेगाव व शिरूर तालुक्यामध्ये सर्वाधिक जागा रिक्त आहेत. 

आरोग्य सहायक महिलांच्या १०० पदांपैकी १२ व पुरुषांमध्ये १५९ पदांपैकी १२ अशी एकूण २४ पदे रिक्त आहेत. तसेच आरोग्य पर्यवेक्षकांच्या १९ पदांपैकी पाच पदे रिक्त आहेत. प्रयोगशाळा तंत्रज्ञानाच्या नऊ पदांपैकी तीन पदे रिक्त आहेत. उर्वरित कनिष्ठ सहायक व परिचारकांचीही काही पदे रिक्त असून, एकूण सुमारे ३५० पदे रिक्त असल्याची माहिती जिल्हा आरोग्य कार्यालयाच्या सूत्रांनी दिली.

तालुकानिहाय रिक्त असलेली पदे खेड १५, दौंड १८, जुन्नर ३९, भोर १२, हवेली १७, आंबेगाव २७, बारामती १२, शिरूर २५, मावळ १६, मुळशी १४, वेल्हे ५, इंदापूर १७, पुरंदर १९, मुख्यालय २.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com