जस्तगावातील सोयाबीनचा विमा मंजूर करा

तेल्हारा, जि. अकोला :  तालुक्यातील जस्तगाव परिसरात सोयाबीन पिकावर मोठ्या प्रमाणावर कीड आहे. सोयाबीन बियाणे निकृष्ट असल्याने त्यावर शेंगा धरलेल्या नाहीत. यामुळे शेतकऱ्यांचे मोठे नुकसान झाले आहे. शासनाने शेतकऱ्यांना तातडीने नुकसान भरपाई द्यावी, अशी मागणी जस्तगाव येथील शेतकऱ्यांनी केली. 

याबाबत तेल्हारा गटविकास अधिकारी भारत चव्हाण यांच्यामार्फत शासनाला निवेदन देण्यात आले. निवेदनानुसार, शेतकऱ्यांनी कर्ज ‌व सोने गव्हाण ठेवून सोयाबीनची पेरणी केली. ‌पिकाचा विमा सुध्दा काढला आहे.

सततच्या ‌पावसामुळे अतोनात ‌नुकसान झाले. ऐन वेळेवर‌‌ बहारावरच पाण्याने मुसंडी मारली. त्यामुळे‌‌ झाडांना शेंगाच लागल्या नाहीत. या भागात सोयाबीन हेच मुख्य पीक आहे. शासनाने तातडीने पीक विमा मंजुर ‌करावा, अशी मागणी डॉ. किशोर जवंजाळ, निलेश जवंजाळ, गोपाल जवंजाळ, गजानन पुंडे, रवी जवंजाळ, गोपाल कवळे, नितीन गावंडे व लोकजागर मंचाचे तालुकाअध्यक्ष अमोल जवंजाळ यांच्यासह इतर उपस्थित होते.