agriculture news in Marathi, 374 well subsidy for backward class farmers, Maharashtra | Agrowon

मागासवर्गीय शेतकऱ्यांना विहिरींसाठी ३७४ कोटी
टीम अॅग्रोवन
शुक्रवार, 23 ऑगस्ट 2019

पुणे  : राज्यातील मागास गटातील शेतकऱ्यांना सिंचनावर आधारित आधुनिक शेतीकडे वळवण्यासाठी यंदा ३७४ कोटी रुपयांचे अनुदान वाटले जाणार आहे. यातून नवीन विहिरी, बोअरवेल व ड्रीपच्या सुविधा दिल्या जातील, अशी माहिती सूत्रांनी दिली. 

मागास गटातील शेतकऱ्यांना समृद्ध करायचे असल्यास शेती उत्पादन वाढवावे लागेल. मात्र सिंचन सुविधा व आधुनिक तंत्राचा वापर केल्याशिवाय उत्पादन वाढणार नाही, अशी शिफारस यापूर्वी अभ्यासगटाने केली होती. त्यावर धोरणात्मक स्वरूपाच्या दोन स्वतंत्र योजना तयार केल्या गेल्या. त्यातून राज्यात किमान १२ हजार नवे प्रस्ताव मंजूर होण्याची शक्यता आहे.

पुणे  : राज्यातील मागास गटातील शेतकऱ्यांना सिंचनावर आधारित आधुनिक शेतीकडे वळवण्यासाठी यंदा ३७४ कोटी रुपयांचे अनुदान वाटले जाणार आहे. यातून नवीन विहिरी, बोअरवेल व ड्रीपच्या सुविधा दिल्या जातील, अशी माहिती सूत्रांनी दिली. 

मागास गटातील शेतकऱ्यांना समृद्ध करायचे असल्यास शेती उत्पादन वाढवावे लागेल. मात्र सिंचन सुविधा व आधुनिक तंत्राचा वापर केल्याशिवाय उत्पादन वाढणार नाही, अशी शिफारस यापूर्वी अभ्यासगटाने केली होती. त्यावर धोरणात्मक स्वरूपाच्या दोन स्वतंत्र योजना तयार केल्या गेल्या. त्यातून राज्यात किमान १२ हजार नवे प्रस्ताव मंजूर होण्याची शक्यता आहे.

अनुसूचित जाती व नवबौद्ध शेतकऱ्यांना यंदा डॉ. बाबासाहेब आंबेडकर कृषी स्वावलंबन योजनेतून २७३ कोटी ६२ लाख रुपये अनुदान मिळेल. अनुसूचित जमातीच्या शेतकऱ्यांना बिरसा मुंडा कृषी क्रांती योजनेतून आदिवासी क्षेत्रात ६५ कोटी ८७ लाख रुपये, तर बिगर आदिवासी क्षेत्रात ३४ कोटी ८३ लाख रुपये अनुदान वाटले जाईल. त्यासाठी शेतकऱ्यांना ऑनलाइन अर्ज करावे लागतील. 

राज्यातील जिल्हा परिषदांच्या कृषी विभागाकडे या योजना राबविण्याचे काम दिले गेले आहे. मात्र शेतकरी www.agriwell.mahaonline.gov.in  या संकेतस्थळावर थेट अर्ज भरू शकतात. गेल्या वर्षी २७ हजार शेतकऱ्यांनी अर्ज भरले होते. त्यात कृषी स्वावलंबन योजनेतून १२ हजार १३१ शेतकऱ्यांचे अर्ज मंजूर केले गेले. आदिवासी क्षेत्रातील अनुदानासाठी तीन हजार १२६ अर्ज, तर बिगर आदिवासी क्षेत्रातील एक हजार ४४३ शेतकऱ्यांचे अर्ज मंजूर करण्यात आले आहेत. 

कशासाठी किती अनुदान मिळणार?
नव्या विहिरी खोदाईला अडीच लाख तर विहीर दुरुस्तीला ५० हजारांपर्यंत अनुदान. शेततळ्याच्या प्लॅस्टिक कागदासाठी एक लाख, पीव्हीसी पाइपला ३० हजार, इनवेल बोअरवेलसाठी २० हजार, पंपसंचासाठी १० हजार, तर वीज कनेक्शनला दहा हजार, ठिबकला ५० हजार, तर स्प्रिंकलरला २५ हजार रुपये.

कोणती कागदपत्रे द्यावी लागतील 
वार्षिक उत्पन्न दीड लाखापर्यंत असल्याचे प्रमाणपत्र, जात प्रमाणपत्र, तसेच सातबारा व आठ ‘अ’चा उतारा, शेतजमीन किमान २० आर किंवा कमाल सहा हेक्टर हवी. मात्र नवी विहीर असल्यास किमान ४० आर जमीन हवी. 

पीव्हीसी पाइपसाठी ५० हजार अनुदान
अनुसूचित जमातीच्या शेतकऱ्यांना नव्या विहिरीला अडीच लाख व विहीर दुरुस्तीसाठी कमाल ५० हजारांपर्यंत अनुदान मिळेल. याशिवाय परसबागेला ५०० रुपये, ठिबकसंचाला ५० हजार, तुषार संचाला २५ हजार, बोअरिंगसाठी २० हजार, शेततळ्याच्या प्लॅस्टिक कागदासाठी एक लाख, पीव्हीसी किंवा एचडीपीई पाइपला ३० हजार वीज कनेक्शनला दहा हजार रुपये मिळतील.

इतर ताज्या घडामोडी
नाशिकमध्ये उद्या द्राक्ष ऑक्टोबर छाटणी...नाशिक : महाराष्ट्र राज्य द्राक्ष बागायतदार संघ,...
सीताफळ कोरडवाहू क्षेत्रासाठी लाभदायी ः...अमरावती ः सीताफळ हे कोरडवाहू क्षेत्राला तारून...
वर्धा ः पांदण रस्ते विकासाकरिता दहा...वर्धा ः निविष्ठा व शेतमालाच्या वाहतुकीत पांदण...
अतिवृष्टीबाधितांना प्रशासनाकडून आर्थिक...गडचिरोली ः अतिवृष्टी व पुरामुळे बाधित झालेल्या...
नुकसानग्रस्त मका उत्पादकांना एकरी २५...परभणी : लष्करी अळीच्या प्रादुर्भावाने मका पिकाचे...
शिक्षक, ग्रामसेवकांना नोकरीच्या ठिकाणी...पुणे  : जिल्हा परिषदेकडून नियुक्त करण्यात...
हिंगोली जिल्ह्यात हळदीच्या क्षेत्रात...हिंगोली  ः यंदा (२०१९-२०) हिंगोली जिल्ह्यात...
नगर जिल्ह्यातील सहा तालुक्यांत अजूनही...नगर ः जिल्ह्यातील सहा तालुक्यांत अजूनही कमीच...
कर्जमुक्तीच्या मागणीसाठी चार गावांमध्ये...परभणी  ः शासनाने केलेली कर्जमाफी फसवी आहे....
सरकारने शेतकऱ्यांना  ५० हजार कोटींची...सातारा   : गेल्या पाच वर्षांत राज्य...
पितृपंधरवाड्यामुळे पुण्यात भाज्यांना...पुणे ः गुलटेकडी येथील कृषी उत्पन्न बाजार...
दुष्काळमुक्त महाराष्ट्रासाठी...सिंधुदुर्ग  ः कर्जमुक्त आणि दुष्काळमुक्त असा...
मागण्या मंजूर झाल्याने ग्रामसेवकांचे...अकोला  ः विविध मागण्यांसाठी राज्यात २२...
उदयनराजे भोसले यांचा अखेर भाजपमध्ये...नवी दिल्ली  : राष्ट्रवादी काँग्रेसचे...
औषधी गुणधर्म लक्षात घेता, पेरू, शेवगा...सोलापूर ः ‘‘पेरू आणि शेवगा ही तशी दुर्लक्षित पिके...
वंचित, कष्टकरी संघटना विधानसभा लढविणार...पुणे  : राज्य आणि केंद्र सरकारच्या विरोधात...
भंडारा जिल्‍ह्यात पावसामुळे शेकडो हेक्‍...भंडारा ः मध्य प्रदेशातील संततधारेमुळे जिल्ह्यात...
सांगली येथे गूळ ३२०० ते ३८७५ रुपये...सांगली  : येथील बाजार समितीत शनिवारी (ता. १४...
`कांदा आयातीचे धोरण शेतकऱ्यांना...पुणे  : कांदा आयात करण्याचे केंद्र सरकारचे...
स्मार्ट ग्रामअंतर्गत सायखेडा, गिरोली,...वाशीम ः जिल्हा परिषद पंचायत विभागातर्फे...