agriculture news in marathi, 387 crore proposal falls for onion subsidy in Solapur | Agrowon

सोलापुरातील कांदा अनुदानाचा ३८७ कोटी रुपयांचा प्रस्ताव पडून

टीम अॅग्रोवन
शनिवार, 15 जून 2019

राज्यातील कांदा उत्पादक शेतकऱ्यांना यापूर्वी आकस्मित निधीतून कांदा अनुदान वितरित करण्यात आले. आता दुसऱ्या टप्प्यात कांदा उत्पादकांसाठी ३८७ कोटी रुपयांची शासनाकडे पुरवणी मागणी केली. विधानसभेच्या अधिवेशनात त्याला मंजुरी मिळेल. त्यानंतर शेतकऱ्यांच्या बॅंक खात्यात अनुदान जमा होईल. 
- यू. एस. घाद्याळे, उपसचिव, पणन

सोलापूर : कांद्याचे दर घसरल्याने गेल्या वर्षी डिसेंबरमध्ये शेतकऱ्यांना त्यासाठी प्रतिक्विंटल २०० रुपयांचे अनुदान देण्याचा निर्णय सरकारने घेतला. निवडणुकीअगोदर पहिल्या टप्प्यात तातडीने सुमारे २५० कोटी रुपयांचे वाटपही करण्यात आले. पण निवडणुका पार पडल्यानंतर सरकारला या विषयाचे विस्मरण झाल्याचे दिसून येते. दुसऱ्या टप्प्यातील ३८७ कोटी रुपयांचा प्रस्ताव पणनविभागाकडे पडून आहे. 

पैसे नसल्याचे कारण देण्यात येत असून आता विधिमंडळ अधिवेशनात पुरवणी मागण्यात यासंबंधीचा प्रस्ताव ठेवला जाईल. त्याला मान्यता घेऊन ते वाटप केले जाईल, असे सांगण्यात येते. पण निवडणुकीआधी जशी घाई करण्यात आली, तशी आता केली जात नसल्याने शेतकऱ्यांमध्ये तीव्र नाराजी आहे. 

दुष्काळ अनुदान आणि पीकविम्याच्या घोळाने अनेक भागांत शेतकऱ्यांच्या हाती काहीच पडले नाही. कांदा अनुदानाच्या पैशावर खरीप साधण्याचा प्रयत्न शेतकरी करणार आहेत. पण सरकार दरबारी सध्या चालढकल होत आहे. त्यामुळे शेतकऱ्यांच्या अडचणीत भर होत आहे. या योजनेसाठी पहिल्यांदा डिसेंबर आणि त्यानंतर फेब्रुवारीपर्यंत मुदतवाढ देण्यात आली. 

प्रतिक्विंटल २०० रुपये आणि सर्वाधिक २०० क्विंटलची मर्यादा त्यासाठी घालण्यात आली. त्यानुसार १६ डिसेंबर ते २८ फेब्रुवारी या कालावधीत राज्यातील तीन लाख ९३ हजार ३०० शेतकऱ्यांनी ७३ बाजार समित्यांमध्ये कांदा विकला. त्यापैकी पहिल्या टप्प्यातील ३० टक्के शेतकऱ्यांनाच त्याचा लाभ झाला. या टप्प्यात २५० कोटींचे अनुदान दिल्यानंतर दुसऱ्या टप्प्यात ३८७ कोटींची गरज आहे. मात्र सद्यःस्थितीत अनुदान देण्याकरिता शासनाकडे पैसेच नाहीत. 


इतर बातम्या
नाशिक विभागात रोज एक लाख टन उसाचे गाळपनगर  ः नाशिक विभागातील ३२ पैकी २५ साखऱ...
औरंगाबाद, नगर जिल्ह्यात कापसाची ३४ हजार...औरंगाबाद : राज्य कापूस उत्पादक पणन महासंघाच्या...
कृषी कायद्यांविरोधात साताऱ्यात धरणेसातारा : शेतकरी विरोधी कायदे मागे घेण्यासाठी...
साखरेची ‘एमएसपी’पेक्षा कमी किमतीने मागणीकोल्हापूर : देशांतर्गत बाजारात साखरेची विक्री...
जालना जिल्ह्यात दहा हजार क्‍विंटलवर...जालना : ‘‘जिल्ह्यात मक्याची किमान आधारभूत...
काजू उत्पादकांना दिलासामुंबई : महाविकास आघाडी सरकारने राज्यातील काजू...
का येताहेत चक्रीवादळे? भारताच्या पूर्व भागात असलेला बंगालचा उपसागर,...
कृषी कायद्यांविरोधात राज्यात...पुणे ः केंद्र सरकारने मंजूर केलेल्या कृषी आणि पणन...
किसान समन्वय समितीचा अकोले येथे मोर्चा नगर ः केंद्र सरकारने केलेल्या कृषी कायद्यांना...
महिनाभर जमीन आरोग्य सुधार अभियानऔरंगाबाद : जमिनीच्या सुपीकतेवर भर देण्याची गरज...
दक्षिण भारतात मुसळधार पाऊसपुणे ः बंगालच्या उपसागरात तयार झालेले बुरेवी...
खत विक्रीत वाढपुणे : देशात कोविड १९ ची समस्या तसेच लॉकडाउन...
राज्यात सूक्ष्म अन्नप्रक्रिया उद्योग...मुंबई : राज्यात पंतप्रधान सूक्ष्म अन्नप्रक्रिया...
कृषी प्रवेशासाठी सीईटीचा निकाल जाहीरपुणे : महाराष्ट्र शासनाच्या ‘स्टेट कॉमन...
बहिरम यात्रा अखेर रद्दअमरावती : लाखो भाविकांचे कुलदैवत आणि विदर्भात...
महाद्वार काल्याने कार्तिकी यात्रेची...सोलापूर : कोरोनाच्या पार्श्वभूमीवर पंढरपुरात...
विधान परिषदेच्या सहा जागांचा आज निकालमुंबई : महाराष्ट्र विधान परिषदेच्या तीन पदवीधर,...
सरसकट पीकविम्यासाठी महाजनआंदोलन उभारणारनांदेड : खरिपातील पिकांचा सरसकट विमा...
पुण्यातील रायफल एक्स्पर्ट काढणार...आष्टी, जि. बीड : बिबट्यांच्या उच्छादाने आष्टी...
‘गंगाखेड’ला परवाना देण्यासाठी...परभणी : गंगाखेड शुगर कारखान्यास यंदाच्या हंगामात...