agriculture news in Marathi, 40 percent maize damage by American fall army worm, Maharashtra | Agrowon

खानदेशात लष्करी अळीकडून ४० टक्के मका फस्त

चंद्रकांत जाधव
शुक्रवार, 20 सप्टेंबर 2019

मक्‍यावर लष्करी अळी सुरवातीलादेखील होती. तिचा जीवनक्रम मोडीत निघालेला नाही. क्रॉपसॅपच्या सर्वेक्षणानुसार ही अळी अनेक भागांत आहे. नुकसानीची पातळी ४० टक्‍क्‍यांपर्यंत आहे. ती आता कणसात असल्याने फवारण्या किंवा इतर उपाय करणे शक्‍य होत नसल्याची स्थिती आहे. 
- अनिल भोकरे, कृषी उपसंचालक, जळगाव

जळगाव  ः खानदेशात मका पिकावर अमेरिकन लष्करी अळीचा प्रकोप कायम असून, कणसे पोखरून त्याची आतोनात हानी सुरूच आहे. मध्यंतरी आटोक्‍यात आलेली अळी पुन्हा सक्रिय झाल्याचे शेतकऱ्यांचे म्हणणे आहे. सुमारे ४० टक्के नुकसान या अळीमुळे झाले असून, यास जळगाव येथील कृषी विभागाने दुजोरा दिला आहे. 

सुरवातीला जळगाव जिल्ह्यातील एरंडोल, चोपडा, पाचोरा, भडगाव, जामनेर, रावेर, यावल, जळगाव, भुसावळात, धुळ्यातील शिरपूर, नंदुरबारमधील शहादा, नवापूर व नंदुरबारात ही लष्करी अळी दिसून आली होती. जुलै महिन्यात अळीच्या नियंत्रणासंबंधी कृषी विभाग व जळगाव येथील कृषी विज्ञान केंद्राने खासगी कंपन्या, कीडनाशक उत्पादक कंपन्यांचे प्रतिनिधी यांच्या मदतीने जनजागृती सुरू केली. अनेक भागांत पिकात कामगंध सापळे लावले. चोपडा, जळगाव, रावेर, यावल, भुसावळ व जामनेर भागांत अळी बऱ्यापैकी नियंत्रणात आली.

जुलैच्या अखेरीस व ऑगस्टमध्ये चांगला पाऊस झाल्याने पिकाची वाढही चांगली झाली. पीक निसवल्यांतर कणसे भरत आली. दाणे पक्व होतानाच ही अळी जळगाव जिल्ह्यातील पाचोरा, जामनेर, पारोळा, चोपडा, जळगाव, धुळ्यातील शिरपूर, शिंदखेडा, साक्री या भागांत दिसत आहे. जळगाव जिल्ह्यात ७५ हजार व धुळे, नंदुरबारात मिळून सुमारे २१ हजार हेक्‍टरवर मक्‍याची लागवड झाली होती. 

जळगाव जिल्ह्यात सुमारे २५ हजार हेक्‍टर, धुळे व नंदुरबारमधील मिळून पाच हजार हेक्‍टर क्षेत्र लष्करी अळीमुळे बाधित झाले आहे. कणसांवर कशी फवारणी करायची? कारण पिकाची वाढ झाली आहे, असे शेतकऱ्यांचे म्हणणे आहे. कणसे वरच्या भागातून पोखरायला सुरवात झाली आहे. एका कणसात तीन ते चार अळ्या दिसून येत आहेत. कोवळे दाणे अळ्या फस्त करीत असल्याचे शेतकऱ्यांचे म्हणणे आहे. 

प्रतिक्रिया
आमच्या भागात लष्करी अळी मका पिकात कणसे पोखरत आहे. कणसांवर दाणेच शिल्लक राहणार नाहीत, अशी स्थिती आहे. ५० टक्‍क्‍यांवर हे नुकसान जाईल. खासगी कंपन्या, शासकीय यंत्रणा यांच्याकडून वेळीच उपाययोजना झालेल्या नसल्याने ही स्थिती निर्माण झाली आहे. 
- नाना पाटील, शेतकरी, पिंप्री खुर्द (जि. जळगाव)

 


इतर बातम्या
शेतकरी मागण्यांवर ठाम; ट्रॅक्टर रॅलीही...नवी दिल्ली : प्रजासत्ताक दिनी दिल्लीत ट्रॅक्‍टर...
बर्ड फ्लू नुकसानग्रस्त पोल्ट्री...नागपूर ः राज्यात ११ जिल्ह्यांमध्ये बर्ड फ्लूचा...
एक लाख शेतकऱ्यांची तूर विक्रीसाठी...अकोला ः राज्यात या हंगामात उत्पादित तूर खरेदीला...
कापूस उत्पादकतावाढीसाठी ‘सीआयसीआर’चा ॲ...नागपूर ः जगाच्या तुलनेत भारताची आणि त्यातही...
सांगली जिल्ह्यातील द्राक्ष हंगामास उशीरसांगली ः जिल्ह्यात अगदी क्वचितच आगाप छाटणी...
आजरा घनसाळसह तूरडाळ, घेवडा मिळणार...कोल्हापूर : पारंपरिक विक्री व्यवस्थेच्या पलीकडे...
थंडीत चढ-उतार सुरुच पुणे ः हिमालय आणि पश्चिम बंगालच्या परिसरात कमी...
खांबापासून ३० मीटरच्या आतील कृषिपंपांना...पुणे ः राज्यातील शेतकऱ्यांना कृषिपंपांसाठी...
ट्रक वाहतूकदारांचे दोन हजार कोटींचे...अमरावती : नवीन कृषी कायदे मागे घेण्यासाठी दिल्लीत...
गव्यांच्या कळपाकडून केळी बागांचे नुकसानसिंधुदुर्गनगरी ः जिल्ह्यातील विलवडे मळावाडी (ता....
गोरेवाडा प्राणिसंग्रहालय नामकरणाला विरोधनागपूर ः नागपूर शहरापासून अवघ्या काही मिनिटांच्या...
औरंगाबाद विभागात उसाचे ४७ लाख टन गाळपऔरंगाबाद : येथील प्रादेशिक सहसंचालक (साखर)...
वीज तोडल्यास गाठ आमच्याशी : कृती समितीकोल्हापूर ः कोरोना काळातील वीजबिले माफ करण्याची...
बीटी कापूस बियाण्यातील शेतकऱ्यांची...बुलडाणा ः कापूस उत्पादकांना कमी खर्चात अधिक...
अण्णांचे दिल्लीऐवजी राळेगणसिद्धीत आंदोलननगर : शेतकऱ्यांच्या विविध मागण्यांसाठी नवी...
उत्पादनवाढीसाठी योग्य तंत्रज्ञान वापरा...सोलापूर ः हरभरा, तूर या कडधान्य पिकाखालील...
गावठाण भूमापन कामाचे ड्रोनद्वारे...नांदेड : ‘‘भूमी अभिलेख विभाग व भारतीय सर्वेक्षण...
जमिनींचा लिलाव रोखा ; शेतकरी संघटनेची...नाशिक : शेतकऱ्यांचे चोहोबाजूंनी नुकसान झाले आहे....
सातारा जिल्ह्याची वीजबिल थकबाकी ४४...नगर ः खरीप हंगामात तयार झालेल्या तुरीला बाजारात...
केंद्र सरकारकडून कृषी कायदांना...नवी दिल्ली ः दिल्लीच्या सीमांवर कृषी...