Agriculture news in marathi, 42 crore loss due to heavy rainfall in Pune district | Agrowon

पुणे जिल्ह्यात अतिवृष्टीमुळे ४२ कोटींचे नुकसान

टीम अॅग्रोवन
सोमवार, 23 सप्टेंबर 2019

पुणे : गेल्या जुलै व ऑगस्ट महिन्यांत अतिवृष्टीमुळे ३३ टक्क्यांपेक्षा जास्त नुकसान पातळी ओलांडलेली शेती पिके, फळपिकांचे तसेच शेतजमिनीचे मिळून एकूण १६ हजार ३१६ हेक्टरवर क्षेत्राला फटका बसला आहे. यामुळे पुणे जिल्ह्यातील ४७ हजार २४७ शेतकऱ्यांचे आर्थिक नुकसान झाले असून हे सुमारे ४२ कोटी रुपये असल्याचे पंचनाम्यातून समोर आले आहे.

जिल्हाधिकारी नवल किशोर राम यांनी कृषी आयुक्त सुहास दिवसे यांना पुणे जिल्ह्यातील पिकांच्या नुकसानीबाबतचा अहवाल नुकताच सादर केला आहे. त्यामधून ही माहिती स्पष्ट झालेली आहे.

पुणे : गेल्या जुलै व ऑगस्ट महिन्यांत अतिवृष्टीमुळे ३३ टक्क्यांपेक्षा जास्त नुकसान पातळी ओलांडलेली शेती पिके, फळपिकांचे तसेच शेतजमिनीचे मिळून एकूण १६ हजार ३१६ हेक्टरवर क्षेत्राला फटका बसला आहे. यामुळे पुणे जिल्ह्यातील ४७ हजार २४७ शेतकऱ्यांचे आर्थिक नुकसान झाले असून हे सुमारे ४२ कोटी रुपये असल्याचे पंचनाम्यातून समोर आले आहे.

जिल्हाधिकारी नवल किशोर राम यांनी कृषी आयुक्त सुहास दिवसे यांना पुणे जिल्ह्यातील पिकांच्या नुकसानीबाबतचा अहवाल नुकताच सादर केला आहे. त्यामधून ही माहिती स्पष्ट झालेली आहे.

जिल्हाधिकारी, जिल्हा अधीक्षक कृषी अधिकारी आणि जिल्हा परिषदेचे मुख्य कार्यकारी अधिकारी यांनी एकत्रित तयार केलेला हा अहवाल आहे. नैसर्गिक आपत्तीमध्ये जिरायत क्षेत्रावरील बाधित बारा हजार ९७ हेक्टर पिके, बागायती क्षेत्रावरील बाधित पिके चार हजार १२७ हेक्टर तर फळपिकांखाली ९१ हेक्टर मिळून सुमारे सोळा हजार ३१६ हेक्टरवरील पिकांचे नुकसान झाले आहे. ही रक्कम ४१ कोटी ८८ लाख ७८ हजार रुपये होत आहे. 

या शिवाय दुसऱ्या वर्गात शेजजमिनीच्या नुकसानीपोटीही मदत दिली जाते. ज्यामध्ये शेतजमीन वाहून जाणे, माती येऊन साचणे, वरचा थर वाहून जाणे, बांध फुंटणे अशा प्रकारच्या नुकसानीचा समावेश आहे. जिल्ह्यात शेतजमिनीच्या नुकसानीचे क्षेत्र ६०५.६० हेक्टर इतके झालेले आहे. त्यासाठी सुमारे ८० लाख ९६ हजार रुपयांची मदत शेतकऱ्यांना मिळणे अपेक्षित आहे. म्हणजेच एकूण ४२ कोटी ६९ लाख रुपयांचे नुकसान झाल्याची माहिती जिल्हा अधीक्षक कृषी अधिकारी बाळासाहेब पलघडमल यांनी दिली.

भात, ऊस, बटाटा, भाजीपाल्याचे सर्वाधिक नुकसान    

जिल्ह्यात ३३ टक्क्यांपेक्षा जास्त नुकसान झालेले पीकनिहाय क्षेत्राचीही माहिती उपलब्ध झाली आहे. त्यामध्ये जिरायती पिकांमध्ये भात ५९९०.९ हेक्टर, भाजीपाला ३८८.८ हेक्टर, भुईमूग ४८७.९ हेक्टर, बटाटा १७३२ हेक्टर, फुलपिके ६.८ हेक्टर, बाजरी २०२ हेक्टर, वाटाणा १७०६ हेक्टर, घेवडा ३७७.३ हेक्टर, इतर पिके ४५६.२ हेक्टर, सोयाबीन ८४९.१ हेक्टर मिळून बारा हजार ९७ हेक्टरवरील पिकांचे नुकसान झाले आहे.

जिल्ह्यात बागायती पिकांमध्ये ऊस दोन हजार २०३ हेक्टर, भाजीपाला १००७ हेक्टर, भुईमूग १०४ हेक्टर, चारापिके ६८ हेक्टर, इतर पिके १२९ हेक्टर आदींसह ४१२७.८४ हेक्टर तर फळपिकांमध्ये डाळिंब ५३.५ हेक्टर, केळी २१ हेक्टर आदींसह फळपिकांचे मिळून एकूण ९१.१३ हेक्टरवरील पिके बाधित झालेली आहेत.

तालुका क्षेत्र शेतकरी संख्या
भोर १५६९ ५८३०
वेल्हा ४८.८ ५७७ 
मुळशी ६५०.२९ २६६२
मावळ १४६३ ३३५४ 
हवेली १२३४.२१ ५९९३ 
जुन्नर  २३३०.५२ ५९३१ 
आंबेगाव १९९३.३६ ५४२६
खेड २१६४.८१ ६४९७
शिरूर ३३३.५० ७९९
पुरंदर २३१३.७७ ५०६०
बारामती  २८८.२१ ७७०
इंदापूर ६२३.४६ १८१५ 
दौंड  १३०३ २५३३  

 


इतर ताज्या घडामोडी
खानदेशात कांदेबाग केळी लागवडीची तयारी...जळगाव : खानदेशात कांदेबाग केळी लागवडीची तयारी...
औरंगाबाद, जालना, परभणीत बहुतांश मंडळांत...औरंगाबाद : औरंगाबाद, जालना, परभणी या तीनही...
नाशिक बाजार समितीतील कर्मचारी...नाशिक : नाशिक कृषी उत्पन्न बाजार समितीच्या...
सोलापूर जिल्हा परिषदेत सेसफंड, करनिधी...सोलापूर  ः कोरोनामुळे कधी नव्हे, ती सहा-सात...
नगर जिल्ह्यात शेततळ्यांच्या कामांची...नगर ः दुष्काळी परिस्थितीत शेततळ्याच्या पाण्यावर...
पूर्णा नदी काठच्या गावांना सतर्कतेचा...हिंगोली  ः ‘‘जिल्ह्यातील पूर्णा नदीवरील...
वाखारी येथे शेतकरी, शेतमजुरांना कौशल्य...पुणे ः कृषी तंत्रज्ञान व्यवस्थापन यंत्रणा व...
नांदेड, परभणी, हिंगोली जिल्ह्यात १४२...नांदेड : नांदेड, परभणी, हिंगोली जिल्ह्यातील १४२...
दहिवडीत शेतीकामांच्या मजुरीदरांसह...नाशिक : कोरोनाच्या पार्श्वभूमीवर शेतीव्यवस्था...
औरंगाबाद, जालना जिल्ह्यात दीड लाख...औरंगाबाद  : दोन जिल्ह्यांतील साडेचार हजारावर...
उजनीची पाणीपातळी २८ टक्केवर सोलापूर  ः पुणे जिल्ह्यातील पावसाच्या...
वरखेडीतील पशुधनाचा बाजार उद्यापासून...पाचोरा, जि.जळगाव  ः वरखेडी (ता.पाचोरा) येथील...
जळगाव जिल्ह्यात शेतकऱ्यांवर लिंबं...भडगाव, जि.जळगाव  ः जिल्ह्यात लिंबू पिकासाठी...
कृषी महाविद्यालयाच्या जागेचा प्रश्न...भंडारा : कृषी महाविद्यालयाच्या प्रस्तावित...
परभणी जिल्ह्यात कपाशी बियाण्याच्या साडे...परभणी : जिल्ह्यात यंदा खरीप हंगामात विविध...
सिंधुदुर्ग जिल्ह्यातील ७०...वैभववाडी, जि. सिंधुदुर्ग ः ऑगस्ट महिन्यात मुदत...
चंद्रपूर जिल्ह्यात कापूस कोंडीत भर...चंद्रपूर : येत्या  हंगामातील कापूस खरेदीसाठी...
पंधरा शेतकऱ्यांच्या सौरकृषी पंपात...चंद्रपूर : मुख्यमंत्री सौर कृषी पंप योजनेअंतर्गत...
जलालखेडा येथील दीडशे शेतकरी...नागपूर : खरीप कर्जाचे वाटप शनिवार (ता. १५) पर्यंत...
सांगली जिल्ह्यात डाळिंब संकटांच्या...सांगली ः वातावरणातील बदलाने डाळिंबावर तेलकट डाग...