अकोल्यात उच्चांकी ४३.२ अंश तापमान

अकोल्यात उच्चांकी ४३.२ अंश तापमान
अकोल्यात उच्चांकी ४३.२ अंश तापमान

पुणे: उन्हाचा चटका वाढल्याने अंगाची लाहीलाही होत आहे. राज्यात अनेक ठिकाणी तापमान ४२ अंशांच्या पुढे गेले आहे. तर अकोला आणि नगर येथे उष्णतेची लाट आली आहे. अकोल्यात राज्यातील यंदाच्या हंगामातील उच्चांकी ४३.२ अंश सेल्सिअस तापमानाची नोंद झाली आहे. आज (ता. ३१) विदर्भात उष्णतेच्या लाटेचा इशारा आहे. तसेच पूर्व विदर्भात तुरळक ठिकाणी पावसाची शक्यता हवामान विभागाने वर्तविली आहे.  तापमान ४० अंशांपेक्षा अधिक असेल आणि सरासरीपेक्षा ४.५ अंशांची वाढ झाली असेल तर उष्णतेची लाट समजली जाते. त्यानुसार शनिवारी (ता. ३०) सकाळपर्यंतच्या २४ तासांमध्ये राजस्थान, पश्चिम मध्य प्रदेश, महाराष्ट्र, गुजरात राज्यांत काही ठिकाणी उष्णतेची लाट होती. पश्चिम मध्य प्रदेशातील खारगोणे येथे देशातील उच्चांकी ४४.५ अंश सेल्सिअस तापमानाची नोंद झाली. महाराष्ट्रातील अकोला आणि नगर येथे उष्णतेच्या लाटेची स्थिती होती.  दरम्यान, उन्हाचा ताप वाढू लागल्याने उकाडा असह्य होऊ लागला असून, दुपारच्या वेळी घराबाहेर पडणेही त्रासदायक ठरत आहे. कोकण वगळता राज्यात बहुतांशी ठिकाणी तापमानाचा पारा चाळीशीपार आहे. तर अकोला, नगरबरोबरच जळगाव, सोलापूर, परभणी, अमरावती, चंद्रपूर, वर्धा येथे तापमान ४२ अंशांच्या वर गेले आहे. पावसाला पोषक हवामान असल्याने पूर्व विदर्भातील भंडारा, चंद्रपूर, गडचिरोली, गोंदिया, नागपूर जिल्ह्यांत तुरळक पावसाची शक्यता हवामान विभागाने वर्तविली आहे. 

शनिवारी (ता. ३०) सकाळी साडेआठ वाजेपर्यंतच्या २४ तासांत राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे ४०.४ (३.०), नगर ४२.६ (४.८), धुळे ४१.८, जळगाव ४२.० (२.४), कोल्हापूर ३८.७ (२.१), महाबळेश्वर ३५.४ (३.९), नाशिक ४०.० (३.८), सांगली ३९.० (१.४), सातारा ३९.८ (४.०), सोलापूर ४२.२ (३.४), आलिबाग ३०.४ (-०.९), डहाणू ३३.७ (१.७), सांताक्रूझ ३१.६ (-०.४), रत्नागिरी ३१.५(-०.३), औरंगाबाद ४१.२ (४.१), परभणी ४२.१ (३.४), बीड ४१.५ (३.६), उस्मानाबाद ४०.५ (३.३), अकोला ४३.२ (४.५), अमरावती ४२.६ (४.०), बुलडाणा ३९.२ (३.७), बह्मपुरी ४१.२ (२.८), चंद्रपूर ४२.० (२.६), गडचिरोली ३८.६ (०.४), गोंदिया ३९.८ (०.६), नागपूर ४१.१ (३.१), वाशीम ४०.२ (०.६), वर्धा ४२.० (३.२), यवतमाळ ४१.५ (३.६).   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com