Agriculture news in Marathi 45 lakh quintals of paddy likely to be spoiled in East Vidarbha | Page 2 ||| Agrowon

पूर्व विदर्भात ४५ लाख क्विंटल धान खराब होण्याची शक्यता

टीम अॅग्रोवन
बुधवार, 12 मे 2021

भात उत्पादक पूर्व विदर्भातील पाच जिल्ह्यांत गेल्या खरीप हंगामात एक कोटी क्विंटल धानाची खरेदी करण्यात आली. मात्र राइस मिलर्स असोसिएशनने धान भरडाईचे काम थांबविल्याने धानाची उचल होऊ शकली नाही.

गोंदिया : भात उत्पादक पूर्व विदर्भातील पाच जिल्ह्यांत गेल्या खरीप हंगामात एक कोटी क्विंटल धानाची खरेदी करण्यात आली. मात्र राइस मिलर्स असोसिएशनने धान भरडाईचे काम थांबविल्याने धानाची उचल होऊ शकली नाही. परिणामी ४५ लाख क्विंटल धान उघड्यावर, तर उर्वरित गोदामात असून ते खराब होण्याची शक्यता निर्माण झाली आहे.

शासकीय धान्य खरेदी केंद्रावर खरेदी केलेल्या धानाची जिल्हा मार्केटिंग फेडरेशन व राइस मिलर्स यांच्यामध्ये करार होऊन भरडाई होते. राइस मिलर्स भरडाई केलेला सी.एम.आर. तांदूळ शासनाकडे जमा करतात. मात्र यंदा धान खरेदी केंद्रावर खरेदी केलेल्या धानाची गुणवत्ता योग्य नसल्याचा आरोप आहे. भरडाईनंतर धानाचा उतारा कमी असून, तुकडा होण्याचे प्रमाण ४५ टक्के आहे. त्यामुळे राइस  मिलर्सला प्रतिक्विंटल तीनशे रुपयांचे नुकसान सहन करावे लागत आहे. त्याच्या परिणामी पूर्व विदर्भातील पाचही जिल्ह्यांत राइस मिलर्संनी धानाची उचल करण्याचे काम गेल्या तीन महिन्यांपासून थांबविले आहे.

राइस मिलर्सला प्रतिक्विंटल धानापासून ६७ किलो तांदूळ शासनाकडे जमा करावा लागतो. तर २५ टक्क्यांपर्यंत तुकडा स्वीकारला जातो. मात्र सध्या एक क्विंटल तांदूळ भरडाई केल्यानंतर त्यापासून ६३ किलो तांदूळ होत आहे. याचे प्रमाण ४५ टक्के आहे. शिवाय धानाची गुणवत्ता सुद्धा योग्य नसल्याने प्रतिक्विंटल मागे राइस मिलर्सला तीनशे रुपयांचे नुकसान होत आहे. त्यामुळे तांदळाच्या गुणवत्तेवर सुद्धा परिणाम होत असून भरडाई केलेला तांदूळ सुद्धा स्वीकारण्यास एफसीआय नकार देत आहे. त्यामुळे धानाची भरडाई पूर्णपणे ठप्प आहे.

धानाला अपग्रेड करा
धान्याची गुणवत्ता योग्य नाही. परिणामी तांदळाचा उतारा कमी येत आहे. त्याची दखल घेत धानाला अपग्रेड करून प्रतिक्विंटल दोनशे रुपये राईस मिलर्सला देण्यात यावे. तांदळातील तुकड्याचे प्रमाण २५ टक्के वरून ४० करण्यात यावे, अशी मागणी राईस मिलर्स असोसिएशनने शासनाकडे केली आहे.


इतर ताज्या घडामोडी
अकोल्यात ५५ हजार हेक्टरला तडाखाअकोला ः गेल्या आठवड्यात जिल्ह्यात ५२ पैकी ३५...
रत्नागिरीत हजार हेक्टर भातक्षेत्र...रत्नागिरी : अतिवृष्टीमुळे मोठ्या नद्यांना आलेल्या...
सांगलीत ३३ हजार हेक्टर पिकांचे नुकसानसांगली : जिल्ह्यात गेल्या चार-पाच दिवसांपासून...
खानदेशात पंधरा हजार हेक्टर बाजरीची...जळगाव : खानदेशात यंदा पाऊस लांबल्याने आणि...
नाशिक बाजार समितीच्या कर्मचाऱ्यांचे...नाशिक : नाशिक बाजार समितीसंदर्भात शासनाकडे...
खानदेशात हलक्या सरी; जोरदार पावसाचा अभावजळगाव : खानदेशात यंदा पाऊसमान अद्याप कमी आहे....
नांदेड जिल्ह्यात पीकविमा योजनेत नऊ लाख...नांदेड : पंतप्रधान पीक विमा योजनेत शेतकऱ्यांनी...
मराठवाड्यातील पशुविज्ञान केंद्राचे घोडे...परभणी ः भारतीय कृषी संशोधन परिषदेने महाराष्ट्र...
परभणी जिल्ह्यात भाजीपाला पिकांची नासाडीपरभणी ः अतिवृष्टीमुळे जिल्ह्यातील शेकडो एकरवरील...
पैसे थकवणाऱ्या व्यापाऱ्यांचे लिलाव बंद...सोलापूर ः शेतकऱ्यांच्या शेतमालाच्या पट्ट्या...
पुण्यात लाख हेक्टरवर खरिपाच्या पेरण्या पुणे : जिल्ह्यात जुलै महिन्याच्या तिसऱ्या...
पीकविम्यासाठी स्वाभिमानीचा कृषी...पुणे : पीकविमा योजनेतील गेल्या खरिपाची नुकसान...
नगरमध्ये खरीप पेरण्यांनी सरासरी ओलांडली नगर : नगर जिल्ह्यात खरिपाच्या पेरण्यांनी सरासरी...
`लातूरला शेतकऱ्यांनी भरला २३ कोटीचा...लातूर : ‘‘पंतप्रधान खरीप पीक विमा २०२१...
नियमित कर्जदार शेतकऱ्यांना  मिळणार...गोंदिया : राज्य सरकारने नियमित कर्ज परतफेड...
सातारा : पाच हजार हेक्टर क्षेत्र ...सातारा : जिल्ह्यात मागील आठवड्यात झालेल्या...
सांगलीतील पूर ओसरू लागला  सांगली : कृष्णा नदीला आलेल्या महापुराचा सांगली...
सिंधुदुर्गमध्ये नुकसानीचे पंचनामे सुरू सिंधुदुर्गनगरी : जिल्ह्यात अतिवृष्टीने झालेल्या...
पुराचा वारंवार फटका बसणाऱ्या घरांच्या...सांगली : ज्या भागातील घरांना आणि रहिवाशांना...
रानभाज्यांचे आहारातील महत्त्वमहाराष्ट्रामध्ये स्थानिक वातावरणानुसार, तिथे...