agriculture news in Marathi, 4.5 thousand Savkar is Unauthorized in state , Maharashtra | Agrowon

राज्यात साडेचार हजार सावकार अनधिकृत

टीम अॅग्रोवन
शुक्रवार, 18 ऑक्टोबर 2019

पुणे : शेतकरी आत्महत्येच्या समस्येवर प्रभावी उपाय सापडत नसताना कमकुवत होत चाललेली सहकारी पतपुरवठा व्यवस्थेत दुसऱ्या बाजूला अनधिकृत सावकारी बोकाळली आहे. शासनाने आवाहन करूनदेखील उद्दाम बनलेल्या साडेचार हजार सावकारांनी आपल्या परवान्याचे नूतनीकरणदेखील केलेले नाही.  

पुणे : शेतकरी आत्महत्येच्या समस्येवर प्रभावी उपाय सापडत नसताना कमकुवत होत चाललेली सहकारी पतपुरवठा व्यवस्थेत दुसऱ्या बाजूला अनधिकृत सावकारी बोकाळली आहे. शासनाने आवाहन करूनदेखील उद्दाम बनलेल्या साडेचार हजार सावकारांनी आपल्या परवान्याचे नूतनीकरणदेखील केलेले नाही.  

अनधिकृत सावकारीला वेसण घालण्याचे काम सहकार विभागाकडून सुरू आहे. तथापि, कायद्याच्या कक्षेत येऊन पारदर्शक व्यवसाय करण्याची मानसिकता सावकार लॉबीचे नाही. राज्यात १३ हजारांच्या आसपास सावकार आहेत. तसेच, शासकीय यंत्रणेला फसवून परवाना न घेता सावकारी करणारे शेकडो महाभाग विविध जिल्ह्यांमध्ये आहेत. अनधिकृत सावकारांना रोखणारी तालुका पातळीवरील यंत्रणा बळकट नाही. तसेच, असलेली यंत्रणाही कुचकामी ठरली आहे. 

कायद्याच्या कक्षेत येत सर्व कागदपत्रे जमा करून यंदा जून २०१९ अखेरपर्यंत परवाना घेण्याची मुदत सावकारांना दिली गेली होती. मात्र,  केवळ सहा हजार ५४८ सावकारांनी पुन्हा परवाना घेतला आहे. जवळपास चार हजार ५१६ सावकारांनी परवान्याचे नूतनीकरण केलेले नाही. या सावकारांनी शेतकऱ्यांशी केलेले सर्व व्यवहार बेकायदा ठरणार आहेत. 

“सावकाराला एकदा परवाना मिळाला तरी त्याआधारे वर्षानुवर्षे सावकारी करता येत नाही. परवान्याचे नूतनीकरण न केल्यास अशी सावकारी कायद्याच्या व्याख्येनुसार अनधिकृत सावकारीत मोडते. त्यामुळे राज्यात साडेचार हजार सावकारांकडे सध्या असलेले परवाने मुदतबाह्य झालेले आहे. आता नूतनीकरणाची मुदतदेखील समाप्त झालेली आहे. त्यामुळे आता कोणत्याही सावकाराला पुन्हा परवाना घ्यावा लागेल. यासाठी सर्व प्रक्रिया नव्याने  राबवावी लागेल. अर्थात, दस्तावेज देखील अधिकृत जोडावे लागतील,” असे  सूत्रांचे म्हणणे आहे. 

राज्यात कोल्हापूर, लातूर, मुंबई  व पुणे विभागांत सर्वांत जास्त सावकार आहेत. सावकारांना मनमानी पद्धतीने शेतकऱ्यांना व्याज लावता येत नाही. सुरक्षित कर्जासाठी १५ टक्के तर असुरक्षित कर्जावर जास्तीत जास्त १८ टक्क्यांपर्यंत व्याज लावण्यास शासनाने मान्यता दिलेली आहे. २०१४ मधील कर्जमाफीच्या कालावधीत विदर्भ, मराठवाड्यात ६० कोटीपेक्षा जास्त रक्कम सावकारांना मिळाली आहे. यंदाच्या कर्जमाफीच्या कक्षेत सावकारी कर्जेदेखील आलेली आहेत. 

“सावकारी कर्जमाफीमध्ये माफीची रक्कम शेतकऱ्याला न मिळता सावकाराला दिली जाते. मात्र, शेतकऱ्याने आधीच जर कर्ज चुकते केले असल्यास अशा रकमा सावकाराच्या देय रकमांमधून वगळल्या जातील,” असे सहकार विभागाचे म्हणणे आहे. 


इतर ताज्या घडामोडी
माजी मंत्री अनिल राठोड यांचे निधननगर, : नगर शहराचे माजी आमदार, तत्कालीन युती...
माजी मुख्यमंत्री शिवाजीराव पाटील...लातूर : काँग्रेसचे जेष्ठ नेते, माजी मुख्यमंत्री...
परभणी जिल्ह्यात तीन लाख ७२ हजार हेक्टर...परभणी : ‘‘पंतप्रधान पिकविमा योजनेअंतर्गंत...
लातूर विभागात विम्याचे २१ लाख हेक्टर...उस्मानाबाद : लातूर, उस्मानाबाद, नांदेड, परभणी,...
'रासाका' लवकर सुरू करा, शेतकऱ्यांची...नाशिक  : गेल्या काही दिवसांपासून निफाड...
खानदेशात कांदा रोपवाटिकांची स्थिती बिकट...जळगाव : खानदेशात कांदा रोपवाटिकांची स्थिती बिकट...
यावल, रावेरमध्ये मका पिकावर लष्करी अळी...जळगाव : यावल तालुक्यातील किनगाव, डांभुर्णी,...
नाशिक जिल्ह्यात लाल कांद्याच्या तुरळक...नाशिक : जिल्ह्यात खरीप हंगामातील कांदा लागवडीचा...
सोलापूर जिल्ह्यात सोयाबीनच्या निकृष्ट...सोलापूर : जिल्ह्यात सोयाबीनच्या निकृष्ठ...
अकोले तालुक्‍यात भात लागवडी रखडल्यानगर : जिल्ह्यातील अकोले तालुक्‍याच्या उत्तर...
गोंदियाची पीक कर्ज वाटपात आघाडीगोंदिया : पीक कर्ज वाटपात जिल्ह्याने आघाडी घेत...
जुन्नर, नारायणगावात टोमॅटोचे दर टिकूनपुणे ः जुन्नर कृषी उत्पन्न बाजार समितीच्या...
प्रतिबंधित कीटकनाशकांची विक्री करू नकाअकोला ः पिकांवर कीटकनाशक फवारणी करताना होणाऱ्या...
माळशिरस, करमाळ्यात मक्याची ३० हजार...सोलापूर  ः अकलूज कृषी उत्पन्न बाजार समिती...
रत्नागिरी जिल्ह्यात मुसळधार पाऊसरत्नागिरी : जिल्ह्यात वेगवान वाऱ्यासह पडणाऱ्या...
चंद्रपूर कृषी विभाग देणार रानभाज्यांची...गोंडपिपरी, जि. चंद्रपूर ः अळू, काटवल, सूरण, टरोटा...
कोल्हापूर जिल्ह्यात पावसाला सुरुवातकोल्हापूर : जिल्ह्यात सोमवारी सायंकाळपासून...
असे होते ग्लायफोसेट तणनाशकाचे निसर्गात...केंद्र सरकारकडून नुकताच मसुदा आदेश प्रसिध्द...
जळगावात गवार २००० ते ४२०० रुपये...जळगाव  ः कृषी उत्पन्न बाजार समितीमध्ये...
मराठवाड्यात पावसाच्या अंदाजानुसार ऑगस्ट...एकंदरीत या वर्षी मराठवाड्यात बहुतांश भागात...