agriculture news in marathi, 45,000 farmers deprived from Pikvima | Agrowon

पीकविम्यापासून ४५ हजार शेतकरी वंचित

टीम अॅग्रोवन
रविवार, 22 जुलै 2018

जळगाव : जिल्ह्यात मागील हंगामात राबविलेल्या खरीप पीकविमा योजनेपासून सुमारे ४५ हजार शेतकरी वंचित असून, महसुली अधिकाऱ्यांच्या चुकीच्या पद्धतीने राबविलेल्या उंबरठा उत्पादन पद्धतीचा फटका शेतकऱ्यांना बसला आहे.  

जळगाव : जिल्ह्यात मागील हंगामात राबविलेल्या खरीप पीकविमा योजनेपासून सुमारे ४५ हजार शेतकरी वंचित असून, महसुली अधिकाऱ्यांच्या चुकीच्या पद्धतीने राबविलेल्या उंबरठा उत्पादन पद्धतीचा फटका शेतकऱ्यांना बसला आहे.  

पाचोरा तालुका यातून वगळण्यात आल्याने कोणालाच पीकविम्याचा लाभ मिळालेला नाही. त्यामुळे शेतकऱ्यांमध्ये संताप व्यक्त होत आहे. असाच प्रकार जळगाव, यावलमधील शेतकऱ्यांबाबत झाला आहे. जे शेतकरी कर्जदार होते, त्यांना हा विमा सक्तीचा होता. त्याची रक्कम संबंधित बॅंकेने परस्पर कापून घेतली. सुमारे एक लाख शेतकऱ्यांनी या योजनेत मागील हंगामात सहभाग घेतला. पण राष्ट्रीयीकृत व जिल्हा बॅंकेच्या मिळून फक्त ३५ हजार शेतकऱ्यांना लाभ मिळाला असल्याची माहिती मिळाली.

योजनेत सहभागी झालेल्या शेतकऱ्यांबाबत काही बॅंकांनी मंडळ व पिकनिहाय घोषणापत्र सादर केले नाही. विमा पोर्टलसंबंधी माहिती भरलीच नाही. याशिवाय प्रशासनाने उंबरठा उत्पादनाची माहिती वास्तवाला धरून दिली नाही. मागील पाच वर्षांची उत्पादन, उत्पादकता याची सविस्तर माहिती सादर करायची होती. ती व्यवस्थित संकलित केली नाही. टेबलवर बसून काम केले, असा आरोप शेतकऱ्यांनी केला आहे.

प्रशासनाच्या चुकीच्या कार्यपद्धतीमुळे पीकविमा मंजुरीच्या यादीतून वगळला गेला आहे. बॅंकेने पीकविमा भरला असून, त्यात कुठल्याही शेतकऱ्याचे नाव आले नसल्याचे बॅंकेतर्फे सांगण्यात येते. सरसकट शेतकऱ्यांना परत पाठविले जाते, असे रावेर येथी शेतकरी रामेश पाटील (रावेर) यांनी सांगितले.

डाळिंब पीकविम्याची भरपाई शेतकऱ्यांच्या खात्यांत जमा
धुळे ः डाळिंबाच्या हवामान आधारित पीकविमा भरपाईपासून वंचित असलेल्या नेर (ता. धुळे) व परिसरातील ६२ पैकी ५९ शेतकऱ्यांना २० लाखांची भरपाई नाशिकच्या विभागीय सेंट्रल बॅंकेने शेतकऱ्यांच्या खात्यांत जमा केली आहे. त्यामुळे शेतकऱ्यांनी समाधान व्यक्त केले आहे.

नेर मंडळातील ६२ शेतकऱ्यांपैकी ५९ शेतकऱ्यांना भरपाई मिळाली. मात्र उर्वरित तीन शेतकऱ्यांना तांत्रिक माहितीअभावी भरपाई मिळाली नाही. त्यात सातबारा नसणे, अर्ज नाही, एका शेतकऱ्याच्या खात्यावर व्यवहार नाही, असे कारण सांगितले जाते. पीकविम्याची परस्पर खात्यावर जमा झालेली रक्कम बॅंकेने कर्जात वर्ग न करता शेतकऱ्यांना दिली आहे, असे बॅंकेच्या सूत्रांनी सांगितले.

"वंचित तीन शेतकऱ्यांना पीकविम्याचा लाभ मिळावा, यासाठी योग्य माहिती घेऊन तांत्रिक दोष बाजूला करण्यात येतील. भरपाईसाठी त्या शेतकऱ्यांचा प्रस्ताव सादर करू, तशी प्रक्रिया सुरू आहे,`` असे नेर येथील सेंट्रल बॅंकचे  शाखा व्यवस्थापक एस. डी. निंकुभे यांनी सांगितले.


इतर बातम्या
तोलाई मजुरीसाठी सांगली बाजार समितीच्या...सांगली : कृषी उत्पन्न बाजार समितीमध्ये तोलाई...
महिनाभरात पडणार नाशिक विभागातील साखर...नगर ः नगर, नाशिक जिल्ह्यामध्ये यंदा ३२ पैकी केवळ...
महिलांनी मालक बनले पाहिजे ः राज्यपालमुंबई ः महालक्ष्मी सरस प्रदर्शनातून महिलांचे...
परभणी जिल्ह्यात सिंचनाची ५० कोटींवर...परभणी : जिल्ह्यातील लघू, मध्यम, मोठ्या...
कर्जमाफीपासून वंचित शेतकऱ्यांसाठी...मुंबई ः दोन लाख रुपयांपेक्षा जास्त थकबाकी...
ग्रामीण कुटुंबांचे उत्पन्न का वाढत नाही...पुणे: देशात ५० टक्के रोजगार हा शेतीशी निगडित व...
नागपूर : थंडीची तीव्रता वाढली; अंडी...नागपूर ः थंडीच्या दिवसांत मागणी वाढत अंड्यांचे...
निफाडला २.४ अंश तापमान; राज्य थंडीने...पुणे : उत्तरेकडून वाहणाऱ्या थंड वाऱ्यांच्या...
शेतात नवे प्रयोग करणारे शेतकरी आमचे...मुंबई ः प्रत्यक्ष शेतात राबून नवनवीन प्रयोग...
चिखलदऱ्याच्या स्ट्राॅबेरीला हवाय...अमरावती ः लागवड खर्चाच्या दुप्पट उत्पन्न मिळवून...
मराठवाड्यातील पाच जिल्ह्यांत १८ लाख टन...औरंगाबाद: मराठवाड्यातील औरंगाबाद साखर सहसंचालक...
खानदेशात रब्बी ज्वारी, मक्यावर लष्करी...जळगाव : खानदेशात खरिपात शेतकऱ्यांना फटका बसलेला...
औरंगाबाद, जालना, बीड जिल्ह्यांत साडेआठ...औरंगाबाद : औरंगाबाद, जालना, बीड या तीन...
अमरावती विभागात सहा लाख ८३ हजार शेतकरी...अमरावती ः महात्मा जोतिराव फुले शेतकरी कर्जमुक्ती...
एम्प्रेस गार्डनच्या पुष्पप्रदर्शनाला...पुणे ः एम्प्रेस बोटॅनिकल गार्डनच्या वतीने आयोजित...
अकोल्यात भारिप, वाशीममध्ये...अकोला ः जिल्हा परिषदेच्या अध्यक्ष-उपाध्यक्ष...
पुणे जिल्ह्यात उद्या पल्स पोलिओ लसीकरण...पुणे : पोलिओच्या आजाराचे उच्चाटन करण्याच्या...
पत्नीच्या नावे कामकाजासाठी येणाऱ्या...बुलडाणा ः स्थानिक स्वराज्य संस्थांमध्ये महिलांना...
पाणी, शेती विकासासह समाजकारणाला...नगर : निवडणुकीत पराभव मी मानत नाही. लोकांचे...
पुणे जिल्ह्यात ज्वारी पिकावर चिकट्याचा...पुणे ः पुणे जिल्ह्याच्या पश्चिम जिरायत भागात...