शाळांमधील ४९८ खोल्या धोकादायक

शाळांमधील ४९८ खोल्या धोकादायक
शाळांमधील ४९८ खोल्या धोकादायक

पुणे : जिल्हा परिषदेच्या शिक्षण विभागाने केलेल्या सर्व्हेनुसार जिल्ह्यातील २४२ शाळांमधील ४९८ वर्गखोल्या धोकादायक असल्याचे समोर आले आहे. त्यामुळे या खोल्यांमध्ये शाळा भरवू नयेत, असा सूचना संबधित शाळेच्या मुख्याध्यापकांना देण्यात आल्या. या शाळांतील विद्यार्थ्यांना तात्पुरते अन्य ठिकाणी स्थलांतरित करण्यात आले आहे, अशी माहिती प्राथमिक शिक्षणाधिकारी सुनील कुऱ्हाडे यांनी दिली.

नारायणपूर येथील जिल्हा परिषदेच्या शाळेत घडलेल्या घटनेमध्ये चार मुले गंभीर जखमी झाली. या घटनेचे  पडसाद सर्वसाधारण सभेत उमटले. अध्यक्ष विश्‍वास देवकाते आणि उपाध्यक्ष विवेक वळसे-पाटील यांनी जिल्ह्यातील सर्व धोकादायक शाळांची माहिती घेऊन अहवाल सादर करण्याचे आदेश प्राथमिक शिक्षणाधिकारी यांना दिले.

दरम्यान, जिल्ह्यात ३ हजार ६७२ जिल्हा परिषदेच्या शाळा आहेत. त्यामध्ये २४२ शाळांमधील ४९८ वर्गखोल्या धोकादायक असून, त्या वापरण्यास अयोग्य असल्याचे शिक्षण विभागाने दिलेल्या अहवालातून स्पष्ट होते.

जुन्नर, दौंड, हवेली, मावळ आणि आंबेगाव या तालुक्‍यातील धोकादायक वर्गखोल्यांची संख्या अधिक आहे. या खोल्या पाडून नव्याने उभारण्यात येणार आहेत. त्यासाठी राज्य शासनाकडून केंद्र शासनाकडे सर्व शिक्षा अभियानांतर्गत निधी मिळण्याबाबत प्रस्ताव पाठविण्यात आला आहे. तसेच जिल्हा नियोजन समिती आणि जिल्हा परिषदेचा निधीच्या माध्यमातून या शाळा बांधण्यात येणार असून, त्याबाबत प्रस्ताव करण्यात येत असल्याचे शिक्षण विभागाकडून सांगण्यात आले.

धोकादायक शाळांची संख्या, कंसात धोकादायक

वर्गखोल्यांची संख्या : आंबेगाव २३ (४६), बारामती ८ (१६), भोर १६ (२९), दौंड २३ (५७), हवेली १८ (५७ वर्ग), इंदापूर १९ (३०), जुन्नर २७ (६४), खेड २५ (५२), मावळ २१ (५०), मुळशी १३ (२१), पुरंदर १२ (२६), शिरूर ७ (२०), वेल्हे ३० (३०).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com