Agriculture news in marathi 48% sugar exports to Indonesia, Afghanistan | Page 3 ||| Agrowon

इंडोनेशिया, अफगाणिस्तानला ४८ टक्के साखर निर्यात 

टीम अॅग्रोवन
सोमवार, 19 एप्रिल 2021

गेल्या सहा महिन्यांत देशातून निर्यात झालेल्या साखरेपैकी ४८ टक्के साखर इंडोनेशिया आणि अफगाणिस्तानला गेली आहे. आतापर्यंत २९ लाख टन साखर प्रत्यक्षात निर्यात झाली. यापैकी इंडोनेशियाने ११.५, तर अफगाणिस्ताने ४.७ लाख टन साखर खरेदी केली. 

कोल्हापूर : गेल्या सहा महिन्यांत देशातून निर्यात झालेल्या साखरेपैकी ४८ टक्के साखर इंडोनेशिया आणि अफगाणिस्तानला गेली आहे. आतापर्यंत २९ लाख टन साखर प्रत्यक्षात निर्यात झाली. यापैकी इंडोनेशियाने ११.५, तर अफगाणिस्ताने ४.७ लाख टन साखर खरेदी केली. 

यंदा अनंत अडचणींनंतरही निर्यातीचा वेग चांगला आहे. एप्रिल मध्यापर्यंत ४६ लाख टनांपेक्षा अधिक साखरेचे करार झाले. यापैकी २९ लाख टन साखर संबधित देशांना पोहोच झाली. इंडोनेशियाला यापूर्वी थायलंडकडून साखरेचा पुरवठा होत होता. पण गेल्या वर्षीपासून थायलंडच्या उसाच्या क्षेत्रात पर्यायाने साखर उत्पादनात पन्नास टक्क्यांपर्यंत घट झाली. याचा परिणाम थायलंडच्या निर्यातीवर झाला. इंडोनेशियाची साखरेची गरज कायम राहिल्याने भारताला त्यांच्या बाजारपेठेत प्रवेश करणे सहज शक्य झाले. इंडोनेशियाने दीड वर्षापूर्वीच आयात शुल्कात कपात करीत भारताला साखरनिर्यातीसाठी दारे उघडी करून दिली. याचा फायदा भारताला गेल्या वर्षीपासून होत असल्याचे साखर उद्योगातील सूत्रांनी सांगितले. 

गेल्या वर्षीच्या निर्यातीची तुलना करता यंदा प्रत्यक्षात झालेली साखर निर्यात काहीशी कमी आहे. गेल्या वर्षी मार्चअखेरपर्यंत ३०.६४ लाख टन साखरेची निर्यात झाली होती. यंदा ती २९ लाखांपर्यंत आहे. गेल्या हंगामात निर्यात धोरण लवकर जाहीर झाले होते. या तुलनेत यंदा उशीरा हे धोरण जाहीर झाले. तरीही निर्यातीची गती मात्र धोरण जाहीर झाल्यापासूनच तातडीने वाढली. विशेष म्हणजे पहिल्या तीन महिन्यांतच कारखान्यांनी २५ लाख टनांहून अधिक साखर निर्यात केली. यामध्ये मार्चमध्ये सर्वाधिक १२ लाख टन साखर निर्यात झाली. 

आतापर्यंत एकूण उद्दिष्टाच्या म्हणजे ६० लाख टनांच्या ४२ टक्के साखर परदेशी निर्यात झाली. प्रत्यक्षात गेलेल्या साखरे व्यतिरिक्त सुमारे ९ लाख टन साखर निर्यातीच्या वाटेवर आहे. एप्रिल अखेरपर्यंत ही निर्यात पूर्ण होईल, असा अंदाज आहे. ही साखर बाहेर पडल्यास एप्रिल अखेर ३८ लाख टन साखर निर्यात झालेली असेल, असे साखर उद्योगातून सांगण्यात आले. 
 

मार्च अखेरची निर्यातीची स्थिती (लाख टन) 
झालेले निर्यात करार ४६ 
प्रत्यक्षात निर्यात २९ 
इंडोनेशिया, अफगाणिस्तानला निर्यात १६.२
निर्यातीसाठी कारखान्यांतून बाहेर पडलेली साखर ८ 
(स्रोत- इस्मा) 

इतर अॅग्रोमनी
सोयाबीन दराची पुन्हा दहा हजारी; दर...पुणे ः गेल्या सप्ताहात सोयाबीन दरात मोठी सुधारणा...
कडधान्याचे गणित पावसावरच अवलंबूनमुंबई : देशात यंदा मॅान्सूनची सुरुवात चांगली झाली...
साखरदराचा वारू चौखूर उधळला; ३५०० चा...कोल्हापूर : गेल्या पंधरा दिवसांपासून स्थानिक...
पंढरपुरात बेदाण्यास सर्वाधिक ३०५ रुपये...सोलापूर : पंढरपूर कृषी उत्पन्न बाजार समितीमध्ये...
सोयापेंड आयात थांबवा : राज्य सरकारचे...पुणे : जनुकीय परावर्तित (जीएम) सोयाबीनपेंडच्या...
साखर दराला झळाळी; दोन वर्षांतील...कोल्हापूर : साखरेच्या आंतरराष्ट्रीय बाजारात...
ब्राझीलला दणका; भारतीय साखर उद्योगास...जगात घडणाऱ्या प्रत्येक छोट्या-मोठ्या घटनांमुळे...
ग्लोबल एक्सलन्स ॲवॉर्डने अनिल जैन यांचा...जळगाव : पाणी क्षेत्रातील उत्तम कामगिरीबद्दल ‘...
साखरच्या दरात २०० रुपयांनी वाढकोल्हापूर : आंतरराष्ट्रीय बाजारात साखरेचे दर वाढत...
कच्ची साखरनिर्यात यंदा फायदेशीर कोल्हापूर ः येत्या साखर हंगामात आंतरराष्ट्रीय...
उत्पादक कंपनीच्या संचालक मंडळाचे कार्यप्रत्येक ‘एफपीओ’चे संचालक मंडळ पाचपेक्षा कमी...
राज्यात हंगामावर यंदा जादा साखरेचे ओझेकोल्हापूर : यंदाच्या हंगामापूर्वी देशात गेल्या...
भारतीय साखरेला थायलंडचे आव्हानकोल्हापूर : येत्या हंगामात साखरनिर्यातीसाठी...
जागतिक बाजारात साखर दरात घटकोल्हापूर : जगातील सर्वांत जास्त साखर उत्पादन...
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
सोयाबीन लागवड क्षेत्रात दहा टक्के...नागपूर : देशात सोयाबीन लागवड क्षेत्र आणि...
मोहरीतील तेजीची कारणे  वेगळीच ः विजय...नागपूर : बाजारात हमीभावापेक्षा मोहरीला जास्त दर...
प्रक्रियायुक्‍त खाद्यपदार्थांच्या...नवी दिल्ली : कोरोनाकाळात सर्वच क्षेत्रांना मोठ्या...