Agriculture news in marathi 486 crore reduction in crop loan target in Parbhani | Agrowon

परभणीत पीककर्जाच्या उद्दिष्टात ४८६ कोटींची कपात 

टीम अॅग्रोवन
सोमवार, 17 मे 2021

जिल्ह्यात चालू आर्थिक वर्षात (२०२१-२२) बॅंकांना खरीप हंगामात १ हजार २१३ कोटी २२ लाख रुपये आणि रब्बी हंगामात ४०६ कोटी ९८ लाख रुपये असे दोन्ही हंगामांत मिळून एकूण १ हजार ६२० कोटी २० लाख रुपये एवढे पीककर्ज वाटपाचे उद्दिष्ट देण्यात आले आहे. 

परभणी ः जिल्ह्यात चालू आर्थिक वर्षात (२०२१-२२) बॅंकांना खरीप हंगामात १ हजार २१३ कोटी २२ लाख रुपये आणि रब्बी हंगामात ४०६ कोटी ९८ लाख रुपये असे दोन्ही हंगामांत मिळून एकूण १ हजार ६२० कोटी २० लाख रुपये एवढे पीककर्ज वाटपाचे उद्दिष्ट देण्यात आले आहे. 

गतवर्षीच्या तुलनेत यंदा खरीप पीककर्जाचे उद्दिष्ट ४४१ कोटी ९८ लाख रुपयांनी तर रब्बी पीककर्जाच्या उद्दिष्टात ४४ कोटी ८९ लाख रुपयांची कपात करण्यात आली आहे. शुक्रवार (ता. १४) पर्यंत जिल्ह्यातील ३ हजार २९९ शेतकऱ्यांना २० कोटी २३ लाख रुपये (४. ९७ टक्के) पीककर्ज वाटप करण्यात आले आहे. यंदा राष्ट्रीयीकृत बॅंकांना (वाणिज्यिक बॅंका) खरीप हंगामात ७८१ कोटी ५८ लाख रुपये, तर रब्बीत २६१ कोटी ९९ लाख रुपये पीककर्ज वाटपाचे उद्दिष्ट देण्यात आले आहे. खासगी बॅंकांना खरिपात १०१ कोटी १८ लाख रुपये तर रब्बीत ३४ कोटी २० लाख रुपये, महाराष्ट्र ग्रामीण बॅंकेला खरिपात १८७ कोटी ६३ लाख रुपये, तर रब्बीत ६३ कोटी १७ लाख रुपये, जिल्हा मध्यवर्ती सहकारी बॅंकेला खरिपात १४२ कोटी ८३ लाख रुपये, तर रब्बीत ४७ कोटी ६५ लाख रुपये पीककर्ज वाटपाचे उद्दिष्ट देण्यात आले आहे. 

पीककर्ज वाटपाची गती संथ 
कोरोनाच्या पार्श्‍वभूमीवर बॅंकांच्या कामकाजाची वेळेला मर्यादा घालण्यात आली आहे. कर्मचारी बाधित झाले आहेत. त्यामुळे अनेक बॅंकाच्या शाखेत अपुरे मनुष्यबळ आहे. पीककर्ज वाटपावर परिणाम झाला आहे. शुक्रवार (ता. १४) पर्यंत राष्ट्रीयीकृत बॅंकांनी ३१२ शेतकऱ्यांना २ कोटी ५१ लाख रुपये (०.९६ टक्का), खासगी बॅंकांनी १६३ शेतकऱ्यांना २ कोटी ५१ लाख रुपये (७.३४ टक्के), महाराष्ट्र ग्रामीण बॅंकेने २६६ शेतकऱ्यांना २ कोटी ५७ लाख रुपये (१.३७ टक्का), जिल्हा मध्यवर्ती सहकारी बॅंकेने २ हजार ५५८ शेतकऱ्यांना १२ कोटी ६४ लाख रुपये (८.८५ टक्के) पीककर्ज वाटप केले आहे. आजवर १७ शेतकऱ्यांनी २० लाख रुपयांच्या पीककर्जाचे नूतनीकरण केले आहे. सर्व बॅंकांनी मिळून ३ हजार २८२ शेतकऱ्यांना २० कोटी ३ लाख रुपयाचे नवीन पीककर्ज वाटप करण्यात आले आहे. खरीप हंगाम तोंडावर असताना पीककर्ज वाटपात अद्याप गती दिसत नाही. बियाणे, खते आदी निविष्ठा खरेदी करण्यासाठी हाती पैसा नसल्याने शेतकऱ्यांना अडचणी येत आहेत. सुरक्षेच्या उपाययोजना करून बॅंकांच्या कामकाजाच्या वेळेत वाढ करून पीककर्ज वाटपाचा वेग वाढवावा, अशी मागणी शेतकऱ्यांनी केली आहे. 


इतर बातम्या
तुरळक ठिकाणी मुसळधार शक्य पुणे : कोकणसह राज्यात तुरळक ठिकाणी जोरदार पाऊस...
कोकण, मराठवाड्यात जोरदार पावसाची हजेरी पुणे : राज्यातील अनेक भागांत पावसाचा जोर कमी झाला...
पेरणीची घाई नको : कृषी आयुक्तालयपुणेः राज्यात खरीप हंगामाच्या पार्श्वभूमीवर...
मॉन्सूनला पोषक वातावरण पुणे : नैऋत्य मोसमी वारे (मॉन्सून) वेगाने प्रवास...
दूध दरातील कापतीने शेतकऱ्यांची परवड औरंगाबाद: महिनाभरातच दुधाच्या दरात तब्बल ११...
सातव्या वेतन आयोगासाठी महामंडळांमधील...नगर : राज्यातील विविध महामंडळांमधील अधिकारी-...
पीककर्ज व्याज सवलत योजनेचे पालकत्व...पुणेः शेतकऱ्यांना शून्य टक्के व्याजाने तीन...
राज्यातील प्रकल्पांमध्ये केवळ २१ टक्के...पुणे ः मे आणि जून महिन्यात पाण्याची मागणी...
कमी दराने कांदा खरेदी सुरूच नाशिक : सिन्नर कृषी उत्पन्न बाजार समितीच्या...
रत्नागिरी, संगमेश्‍वर, राजापूरला ...रत्नागिरी : सलग दुसऱ्या दिवशी रत्नागिरी...
दूध दरासाठी गुरुवारी आंदोलन नगर : लॉकडाउनचा गैरफायदा घेत दूध उत्पादक...
चक्रीवादळामुळे नुकसान झालेल्यांना...वडाळी जि. अकोला : या हंगामाला सुरुवात होताच...
पशुचिकित्सा व्यावसायिक संघटना करणार...नागपूर : पशुचिकित्सा व्यवसायी संघटनेच्या...
जागोजागी होणारी लुट थांबवा, ...नगर : ‘‘राज्यात जागोजागी प्रत्येक क्षेत्रात...
‘घटनादुरुस्ती करून आरक्षण देणे  हाच...कोल्हापूर : घटनादुरुस्ती करून मराठा आरक्षण देणे...
कोकणातील डच, पोर्तुगाल वखारींचे होणार...पुणे : भारतातील आंतरराष्ट्रीय सागरी व्यापारासाठी...
गोसीखुर्द प्रकल्प पूरनियंत्रणासाठी ...मुंबई ः गोसीखुर्द प्रकल्प पूरनियंत्रणाबाबत...
प्रकल्पग्रस्तांच्या जमिनींना पाच पट...नाशिक : देशातील पहिला सेमी हायस्पीड रेल्वेमार्ग...
आरक्षण देण्याची राज्यकर्त्यांची इच्छाच...पुणे : मराठा समाजाला आरक्षण देण्याची राजकीय...
नांदेडमध्ये थकीत ‘एफआरपी’साठी धरणेनांदेड : ऊस गाळप होऊनही पैसे न दिल्याने...