Agriculture news in Marathi 500 to 2300 per quintal of onion in the state | Page 2 ||| Agrowon

राज्यात कांदा प्रतिक्विंटल ५०० ते २३०० रुपये

टीम अॅग्रोवन
शुक्रवार, 18 जून 2021

कोरोनामुळे गेले काही दिवस बंद असलेले आठवडी बाजार गावागावात भरत असल्याने कांदा उठाव वाढत आहे. येत्या काळात हे दर सुधारण्याची शक्यता व्यक्त करण्यात आली. बाजारात कांद्याची किरकोळ विक्री १५ ते २५ रुपयांदरम्यान प्रतिकिलोने केली जात आहे.

अकोल्यात प्रतिक्विंटल ६०० ते १६०० रुपये
अकोला ः येथील बाजारपेठेत कांद्याला सहाशे ते १६०० रुपयांदरम्यान भाव मिळत आहे. दुय्यम दर्जाचा कांदा ६०० ते १००० पर्यंत विकत आहे. तर मध्यम ते उच्च दर्जाचा कांदा १००० ते १६०० दरम्यान विकल्या जात आहे. सरासरी १००० ते ११०० दरम्यान कांद्याला भाव मिळत असल्याचे व्यापारी सूत्राने सांगितले. येथील बाजारपेठेत कांद्याची दिवसाला २० ते २२ टनांची आवक होत आहे. बाजारात स्थानिक भागातील कांदाच सर्वाधिक विक्रीसाठी येत आहे. दुय्यम व मध्यम दर्जाचा कांद्याची अधिक आवक होत आहे. कोरोनामुळे गेले काही दिवस बंद असलेले आठवडी बाजार गावागावात भरत असल्याने कांदा उठाव वाढत आहे. येत्या काळात हे दर सुधारण्याची शक्यता व्यक्त करण्यात आली. बाजारात कांद्याची किरकोळ विक्री १५ ते २५ रुपयांदरम्यान प्रतिकिलोने केली जात आहे.

सोलापुरात प्रतिक्विंटल सर्वाधिक २३०० रुपये
सोलापूर ः सोलापूर कृषी उत्पन्न बाजार समितीच्या आवारात गतसप्ताहात कांद्याच्या दरात किंचित सुधारणा झाली. कांद्याला प्रतिक्विंटलला सर्वाधिक २३०० रुपये इतका दर मिळाल्याचे बाजार समितीच्या सूत्रांकडून सांगण्यात आले. बाजार समितीच्या आवारात कांद्याची आवक रोज ५० ते ८० गाड्यापर्यंत आवक राहिली. कांद्याची सर्व आवक स्थानिक भागातूनच झाली. बाहेरील आवक तुलनेने कमीच राहिली. कांद्याला मागणी असल्याने कांद्याचे दर किंचित वधारले. कांद्याला प्रतिक्विंटलला किमान १०० रुपये, सरासरी ९०० रुपये, सर्वाधिक २३०० रुपये दर मिळाला. या आधीच्या सप्ताहातही कांद्याची आवक तशी जेमतेमच राहिली. पण मागणी टिकून होती. कांद्याला प्रतिक्विंटलला किमान १५० रुपये, सरासरी १००० रुपये आणि सर्वाधिक २००० रुपये असा दर मिळाला. त्या आधीच्या पंधरवड्यातही कांद्याला किमान १०० रुपये, सरासरी ९५० रुपये आणि सर्वाधिक १८०० रुपये असा दर मिळाला. १०० ते २०० रुपयांच्या फरकाचा दरातील चढ-उतार वगळता दर टिकून राहिल्याचे बाजार समितीच्या सूत्रांकडून सांगण्यात आले.

सांगलीत सरासरी १५५० रुपये प्रतिक्विंटल
सांगली  : येथील विष्णूअण्णा पाटील दुय्यम बाजार आवारात कांद्याची कमी अधिक आवक आहे. गुरुवारी (ता. १७) कांद्याची १०६५ क्विंटल आवक झाली असून, त्यास प्रतिक्विंटल १००० ते २१००, तर सरासरी १५५० रुपये असा दर मिळाला, अशी माहिती बाजार समितीच्या सूत्रांनी दिली. बाजार समितीत सातारा, सोलापूर, पुणे आणि नगर जिल्ह्यांतून कांद्याची आवक होते. बुधवारी (ता. १६) कांद्याची १९१७ क्विंटल आवक झाली असून, त्यास प्रतिक्विंटल ७०० ते २१००, तर सरासरी १४०० रुपये असा दर होता. मंगळवारी (ता. १५) कांद्याची १३५५ क्विंटल आवक झाली असून, त्यास प्रतिक्विंटल ५०० ते २१००, तर सरासरी १३०० रुपये असा दर मिळाला. सोमवारी (ता. १४) कांद्याची १८०५ क्विंटल आवक झाली असून, त्यास प्रतिक्विंटल १००० ते २३००, तर सरासरी १६५० रुपये असा दर होता.

औरंगाबाद येथे सरासरी १०५० रुपये प्रतिक्विंटल
औरंगाबाद ः येथील कृषी उत्पन्न बाजार समितीमध्ये गुरुवारी (ता. १७) कांद्याची २५५६ क्‍विंटल आवक झाली. या कांद्याला सरासरी १०५० रुपये प्रतिक्‍विंटल असा दर मिळाल्याची माहिती बाजार समितीच्या वतीने देण्यात आली. औरंगाबाद बाजार समितीमध्ये १० जूनला कांद्याची २०१० क्‍विंटल आवक झाली. या कांद्याचे सरासरी दर ९५० रुपये प्रतिक्विंटल राहिले. १२ जूनला १४१३ क्विंटल आवक झालेल्या कांद्याला सरासरी १०२५ रुपये प्रतिक्विंटल असा दर मिळाला. १३ जूनला १८७० क्विंटल आवक झालेल्या कांद्याचे सरासरी दर १००० रुपये प्रतिक्विंटल राहिले. १४ जूनला कांद्याची आवक १५०३ क्विंटल, तर सरासरी दर १०५० रुपये प्रतिक्विंटल राहिले. १५ जूनला १०८७ क्विंटल आवक झालेल्या कांद्याला सरासरी १०५० रुपये प्रतिक्‍विंटल असा दर मिळाला. सोळा जूनला १०५७ क्विंटल कांद्याची आवक झाली. तर सरासरी दर १०२५ पंचवीस रुपये प्रतिक्विंटल राहिल्याची माहिती बाजार समितीच्या वतीने देण्यात आली.

जळगावात ८५० ते १५५० रुपये प्रतिक्विंटल
जळगाव : कृषी उत्पन्न बाजार समितीत गुरुवारी (ता. १७) ६०० क्विंटल लाल कांद्याची आवक झाली. दर प्रतिक्विंटल ८५० ते १५५० व सरासरी १२०० रुपये एवढा मिळाला. आवक जामनेर, जळगाव, यावल, चोपडा आदी भागांतून होत आहे. 

कोल्हापुरात प्रतिक्विंटल ५०० ते २१०० रुपये
कोल्हापूर : येथील बाजार समितीत कांद्याची ६००० ते ७००० पोत्यांची आवक होत आहे. कांद्यास प्रति दहा किलोस ५० ते २१० रुपये दर मिळाला. गेल्या काही दिवसांपासून कांद्याच्या आवकेत काहीशी वाढ होत आहे. अजूनही लॉकडाउनचा परिणाम जाणवत असल्याने कांद्याची विक्री अपेक्षित प्रमाणात होत नसल्याची माहिती व्यापारी सूत्रांनी दिली. गेल्या पंधरा दिवसांपासून कांद्याचे दर स्थिर असल्याचे व्यापाऱ्यांनी सांगितले. सध्या बाजार समितीत नगर, नाशिक, पुणे, सोलापूर भागांतून कांद्याची आवक होत आहे.

परभणीत प्रतिक्विंटल ९०० ते १४०० रुपये
परभणी ः येथील पाथरी रस्त्यावरील फळे भाजीपाला मार्केटमध्ये कांद्याचे दर प्रतिक्विंटल किमान ९०० ते कमाल १४०० रुपये, तर सरासरी ११५० रुपये होते, अशी माहिती मार्केटमधील सूत्रांनी दिली. येथील मार्केटमध्ये आठवड्यातील मंगळवारी आणि शनिवारी कांद्याची आवक होत असते. दरात तेजी आल्यामुळे नाशिक जिल्ह्यातील लासलगाव तसेच अन्य ठिकाणाहून होणारी कांद्याची आवक सध्या बंद असल्यामुळे एकूण आवक कमी आहे. सध्या स्थानिक परिसरातून कांद्याची आवक होत आहे. शनिवारी (ता. १२) कांद्याची २०० क्विंटल आवक झाली. त्या वेळी प्रतिक्विंटल ९०० ते १४०० रुपये दर मिळाले. मंगळवारी (ता. १५) कांद्याची १२५ क्विंटल आवक झाली. त्या वेळी प्रतिक्विंटल ८०० ते १३०० रुपये दर मिळाले. गुरुवारी (ता. १७) शहरातील विविध ठिकाणच्या बाजारांमध्ये कांद्याची किरकोळ विक्री १५ ते २५ रुपये दराने सुरू होती, असे व्यापारी सुरेश गव्हाणे यांनी सांगितले.

नागपुरात प्रतिक्विंटल १३०० ते १६०० रुपये
नागपूर : कळमना बाजार समितीत पांढऱ्या आणि लाल कांद्याची नियमित आवक आहे. विदर्भासह नाशिक जिल्ह्यातून देखील कांद्याची आवक होत असल्याची माहिती सूत्रांनी दिली. दररोज सरासरी २००० क्विंटलपेक्षा अधिक आवक बाजार समितीत होत आहे. बाजारात पांढऱ्या  कांद्याचे दर १३०० ते १६०० रुपये प्रति क्विंटल होते. लाल कांद्याचे व्यवहार १७०० ते २२०० रुपये चिंतामणी होत असल्याची माहिती व्यापाऱ्यांकडून देण्यात आली. लगतच्या मध्य प्रदेशमध्ये देखील कांदा लागवड क्षेत्र असून छिंदवाडा भागातून कळमना बाजार समितीत कांद्याची आवक होत आहे. किरकोळ बाजारात कांदा प्रति किलो २५ रुपये दराने विकला जात आहे. पांढऱ्या कांद्याचे दर २० रुपये किलो होते. ग्राहकांकडून पांढऱ्या ऐवजी लाल कांद्याला अधिक मागणी राहते, असेही व्यापाऱ्यांनी सांगितले.


इतर अॅग्रो विशेष
राज्यात दीड महिन्यांत धरणांत ३७३ टीएमसी...पुणे : राज्यातील बहुतांश भागात जुलैमध्ये पावसाने...
हजारो नुकसानग्रस्त दाव्यापासून वंचित नांदेड : अतिवृष्टी तसेच संततधार पावसामुळे...
कोल्हापुरात पुराचे पाणी ओसरू लागले कोल्हापूर : जिल्ह्यात पावसाने पूर्णपणे उघडीप दिली...
राज्याची फळबाग लागवड योजना बंद नगर ः फळबागेचे क्षेत्र वाढीसाठी राज्यात सध्या...
विना नांगरणी तंत्राने कपाशी, तुरीची शेतीदेवगाव (ता. पैठण, जि. औरंगाबाद) येथील प्रयोगशील,...
हिंमत, परिश्रमातून पूर्णाबाईंनी साधली...शिरेगाव (जि. नगर) येथील अल्पभूधारक पूर्णाबाई होन...
मानवनिर्मित आपत्ती!राज्यात बेफामपणे कोसळणाऱ्या पावसाने सगळीकडे एकच...
दोन लाख हेक्टरवरील पिकांचे नुकसानपुणे : राज्यातील बहुतांश भागांत पावसाने उघडीप...
मका पिकात अमेरिकन लष्करी अळीचा...शिरपूर, जि. धुळे : जिल्ह्यात अनेक भागांत मका...
कोकणात पावसाची शक्यता पुणे : बंगालचा उपसागरात तयार झालेल्या कमी दाब...
कोल्हापुरात नद्यांचे पाणी ओसरण्याऐवजी...कोल्हापूर : सलग दुसऱ्या दिवशी पावसाने विश्रांती...
शेतकरी संसदेत आज ‘महिला राज’ नवी दिल्ली ः मोदी सरकारचे तीन कृषी कायदे रद्द...
आंदोलनादरम्यान एकही शेतकरी मृत्यूची...नवी दिल्ली ः केंद्राच्या कृषी कायद्यांविरोधात...
थेट कृषिमंत्र्यांचीच केली दिशाभूल; ‘...अमरावती : विमा कंपनीच्या प्रतिनिधीने खोटी माहिती...
सर्वंकष आढावा घेऊन नुकसान भरपाई जाहीर...रत्नागिरी : ‘‘तुम्हाला पायावर उभे करण्यासाठी...
बहुपीक पद्धतीतून साधले नफ्याचे सूत्रकोल्हापूर जिल्ह्यातील शेंडूर (ता. कागल) येथील...
पावसाची उघडीप; पूरस्थिती कायम पुणे : कोकण, सातारा, कोल्हापूर, सांगली, पुण्यासह...
सांगलीत चौदा हजार जनावरांचे स्थलांतरसांगली : जिल्ह्यात अतिवृष्टीमुळे पूर पट्यातील...
कोसळलेला प्रसंग मोठा; तुमचं पुनर्वसन...मुंबई ः तुमच्यावर कोसळलेला प्रसंग मोठा आहे....
पावसाचा जोर पंधरा दिवस कमी राहण्याची...पुणे : मुसळधार पावसाने रत्नागिरी, रायगडसह,...