सोलापूर जिल्ह्यात ५०० कृषी पर्यटन केंद्रे उभारणार

सोलापूर जिल्ह्यात ५०० कृषी पर्यटन केंद्रे उभारणार
सोलापूर जिल्ह्यात ५०० कृषी पर्यटन केंद्रे उभारणार

सोलापूर : ‘‘सोलापुरात शेतीक्षेत्रात मोठी संधी असून, कृषी पर्यटनाला मोठा वाव मिळू शकतो. सोलापूरचा नावलौकिक व्हावा, यासाठी सर्वांनी प्रयत्न करण्याची गरज आहे. जिल्ह्यात येत्या काळात ५०० कृषी पर्यटन केंद्रे उभी केली जातील,’’ असे सहकारमंत्री सुभाष देशमुख यांनी सोमवारी (ता. ८) सांगितले.

सोलापूर विद्यापीठाच्या कृषी पर्यटन केंद्राचे उद्‍घाटनमंत्री देशमुख यांच्या हस्ते झाले. त्या वेळी ते बोलत होते. कुलगुरू डॉ. मृणालिनी फडणवीस अध्यक्षस्थानी होत्या. याप्रसंगी विद्यापीठाचे विशेष कार्यासन अधिकारी प्रा. डॉ. व्ही. बी. पाटील, क्रीडा संचालक डॉ. एस. के. पवार, वैद्यकीय अधिकारी डॉ. अभिजित जगताप, प्रा. डॉ. गौतम कांबळे, केंद्राच्या समन्वयक डॉ. माया पाटील, प्रा. तेजस्विनी कांबळे, डॉ. विनायक धुळप आदी उपस्थित होते. रोटरी क्‍लब, लायन्स क्‍लब, आर्ट ऑफ लिव्हिंग या संस्थेच्या प्रतिनिधींचा सत्कार या वेळी करण्यात आला.

 देशमुख म्हणाले, ‘‘शेती-मातीचे विषय आपल्याला कळले पाहिजेत. विशेषतः ग्रामीण संस्कृती अनुभवता आली पाहिजे. त्याच हेतूने विद्यापीठाने सुरू केलेला हा उपक्रम स्तुत्य आहे. यापुढेही कृषी पर्यटनाला अधिकाधिक वाव मिळण्यासाठी कृषी पर्यटन केंद्र साकारण्याचा मानस आहे. त्या माध्यमातून सोलापूरच्या पर्यटनवाढीला चालना मिळेल. जेणेकरून मेक इन इंडिया, मेक इन महाराष्ट्रच्या धर्तीवर मेक इन सोलापूर होईल. त्यासाठी सर्वांचे योगदान हवे.’’

डॉ. फडणवीस म्हणाल्या, ‘‘कृषी पर्यटनाच्या माध्यमातून एक वेगळा उद्योग सुरू करून विकास साधण्याची संधी शेतकऱ्यांना मिळेल. या कृषी पर्यटनाचा विद्यार्थी, नागरिक व शेतकऱ्यांनी लाभ घ्यावा. विद्यापीठातील इनक्‍युबेशन सेंटरच्या माध्यमातूनही कृषी पर्यटन केंद्राच्या विकासासाठी प्रयत्न केले जाणार आहेत.’’

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com