Agriculture news in Marathi 53 Sugar Factories in the list of 'Tagging' Reduction Initiatives | Agrowon

‘टॅगिंग’ कपात उपक्रमाच्या यादीत ५३ साखर कारखाने

टीम अॅग्रोवन
सोमवार, 18 ऑक्टोबर 2021

थकीत देणी वसूल करण्यासाठी राज्य सरकारने यंदा लागू केलेल्या ‘टॅगिंग’ कपात उपक्रमाच्या यादीत ५३ साखर कारखान्यांचा समावेश आहे. ‘टॅगिंग’ संमतीसाठी या कारखान्यांच्या अध्यक्ष, कार्यकारी संचालकांकडून हमीपत्र लिहून घेतले जाणार आहे. 

पुणे ः थकीत देणी वसूल करण्यासाठी राज्य सरकारने यंदा लागू केलेल्या ‘टॅगिंग’ कपात उपक्रमाच्या यादीत ५३ साखर कारखान्यांचा समावेश आहे. ‘टॅगिंग’ संमतीसाठी या कारखान्यांच्या अध्यक्ष, कार्यकारी संचालकांकडून हमीपत्र लिहून घेतले जाणार आहे. 

शासकीय भागभांडवल, शासकीय कर्जे आणि हमीशुल्कापोटी या कारखान्यांकडे थकीत असलेली देणी वसूल करण्यासाठी साखर आयुक्त शेखर गायकवाड यांनी अंकन (टॅगिग) नियमावलीचे आदेश जारी केले आहेत. त्यामुळे या साखर कारखान्यांना कर्ज देणाऱ्या बॅंका आता त्यांच्या कर्जाची वसुली करताना सरकारी थकीत देणीच्या रकमादेखील कापून घेणार आहेत. साखर विक्री करताना कारखान्यांना मिळणाऱ्या रकमेतून ही कपात होईल. 

‘‘टॅगिंगचे नियोजन करताना संबंधित कारखान्यांनी वाटलेले रास्त व किफायतशीर दर (एफआरपी) पाहून साखर आयुक्तालयाने दोन याद्या तयार केल्या आहेत. 

३१ ऑगस्ट २०२१ अखेर पूर्ण एफआरपी देणारे कारखाने ‘अ’ यादीत असतील. त्यांना साखरेच्या प्रतिक्विंटलवर ५० रुपये टॅगिंग असेल, तर ३१ ऑगस्टअखेर पूर्ण एफआरपी न दिलेले कारखाने ‘ब’ यादीत असून, त्यांना २५ रुपये टॅगिंग द्यावे लागेल. टॅगिंग आदेशाची अंमलबजावणी संबंधित बॅंका करणार आहेत. या प्रक्रियेवर प्रादेशिक सहसंचालक लक्ष ठेवतील,’’ अशी माहिती सूत्रांनी दिली. 

५० रुपये टॅगिंग कपात असलेले कारखाने
कोल्हापूर ः कुंभी कासारी सहकारी साखर कारखाना (ससाका), सदाशिवराव मंडलीक ससाका, दौलत ससाका (भाडेतत्त्वावर सध्या अथर्व इंटर ट्रेडकडे). सांगली ः सर्वोदय ससाका, राजे विजयसिंह डफळे- राजारामबापू पाटील युनिट ४, वसंतदादा ससाका (भाडेतत्त्वावर सध्या दत्त इंडियाकडे), विश्‍वासराव नाईक ससाका, मोहनराव शिंदे ससाका. सातारा ः रयत ससाका (भाडेतत्त्वावर सध्या अथनी शुगरकडे), श्रीराम ससाका (भाडेतत्त्वावर सध्या जवाहर शेतकी ससाकाकडे). पुणे ः कर्मयोगी शंकरराव पाटील ससाका, संत तुकाराम ससाका, राजगड ससाका. उस्मानाबाद ः डॉ. बाबासाहेब आंबेडकर ससाका, शिवशक्ती शेतकी ससाका. नगर ः अगस्ती ससाका, वृद्धेश्‍वर ससाका, केदारेश्‍वर ससाका, भाऊसाहेब थोरात ससाका, साईकृपा. नाशिक ः वसंतदादा वसाका. औरंगाबाद ः शरद ससाका, संत एकनाथ ससाका. जालना ः सागर ससाका, रामेश्‍वर ससाका. बीड ः सुंदरराव सोळंके ससाका, छत्रपती ससाका, जयभवानी ससाका, अंबाजोगाई ससाका. हिंगोली ः पूर्णा ससाका, टोकाई ससाका. लातूर ः रेणा ससाका.

२५ रुपये टॅगिंग कपात असलेले कारखाने
कोल्हापूर ः अजरा ससाका, अप्पासाहेब नलावडे ससाका. पुणे ः छत्रपती ससाका. सातारा ः किसनवीर ससाका. सोलापूर ः संत दामाजी ससाका, विठ्ठल ससाका, मकाई ससाका, संत कुर्मदास ससाका, भीमा ससाका, वसंतराव काळे ससाका, सांगोला तालुका ससाका. नंदूरबार ः सातपुडा ससाका, आदिवासी ससाका. बीड ः वैद्यनाथ ससाका. हिंगोली ः मराठवाडा कळमनुरी ससाका. नांदेड ः शंकर ससाका.

एफआरपीनुसार दोन याद्या
राज्यात साखर कारखान्यांनी सरकारी तिजोरीतून कोट्यवधी रुपयांचे भांडवल तसेच हमी प्राप्त केली आहे. मात्र ती देणी वर्षानुवर्षे थकीत ठेवण्यात आल्याने आता २०२१-२२ च्या गाळप हंगामात साखर विक्री करताना ‘टॅगिंग’ उपक्रम राबवून या थकीत रकमा वसूल केल्या जातील. 
 


इतर बातम्या
कापूस उत्पादकांचा बळी नकोकापसाचे दर वाढल्यामुळे कापूस प्रक्रिया...
मध्य महाराष्ट्र, मराठवाडा, कोकणात...पुणे : राज्यात सुरू असलेला पाऊस कमी होण्याची...
रब्बी पिकांसह फळबागांना फटकापुणे ः राज्यात मागील तीन दिवसांपासून ढगाळ वातावरण...
ढगाळ वातावरणामुळे पिकांवर किडींचा...परभणी ः परभणी, हिंगोली जिल्ह्यांत गेल्या काही...
ऊस वाहतूक दरासाठी टप्पा पद्धतीला...पुणे ः उसाची तोडणी व वाहतूक दर ठरवताना आधीची...
आंदोलनातील मृत शेतकऱ्यांची सरकारकडे...नवी दिल्ली : कृषी कायदे रद्द करण्यासाठी झालेल्या...
उन्हाळी कांद्याच्या घसरलेल्या दरामुळे...नाशिक : साठवलेल्या उन्हाळी कांद्याचा हंगाम अंतिम...
जळगाव जिल्ह्यात २५ हजार कृषिपंपांची वीज...जळगाव ः  जिल्ह्यात वीजबिले भरल्याशिवाय...
सोयाबीन वायद्यांत सुधारणापुणे ः बाजारात सोयाबीनचे दर पडल्यानंतर केंद्रीय...
वऱ्हाडावर ढगांचे आच्छादन;  तूर, हरभरा...अकोला ः हवामान खात्याने वर्तवलेल्या अंदाजानुसार...
यवतमाळ जिल्ह्यात शाळा  महावितरणच्या ‘...यवतमाळ : वीज महावितरण कंपनीची वाढती थकबाकी वसूल...
शेतकरी संघटनेने केली  चुकीच्या...बुलडाणा : थकीत वीजबिल वसुलीसाठी महावितरणने...
‘फॅसिझमविरोधात लढण्यास  सक्षम पर्याय...मुंबई : देशात सुरू असलेल्या फॅसिझमविरोधात लढण्यास...
आझाद मैदानावर बुधवारपासून  गट सचिवांचे...सांगली ः राज्यातील गट सचिवांचे सेवा व वेतनाचे...
विमा कंपनीच्या कार्यालयात  मुक्काम...जालना : मोसंबीचा विमा संरक्षण कालावधी १५ सप्टेंबर...
पीडीसीसी’च्या निवडणुकीसाठी २९ अर्ज दाखल पुणे : राज्यात अग्रेसर असलेल्या पुणे जिल्हा...
मालेगांव पाटबंधारे विभागात पाटपाणी व...नाशिक : रब्बी हंगाम २०२१-२२ मध्ये पिण्यासाठी व...
मराठवाड्यात ढगांची दाटी; भुरभुर औरंगाबाद : मराठवाड्यातील बहुतांश भागात पुन्हा...
खानदेशात लाल कांद्याचे दर नीचांकी...जळगाव ः खानदेशात लाल कांद्याचे दर नीचांकी स्थितीत...
सोलापूर ः ‘सिद्धेश्‍वर’चे गाळप चार...सोलापूर ः सहवीजप्रकल्प, गाळपक्षमता वाढवणे, बॉयलर...