Agriculture news in marathi, In 531 villages of Marathwada, water shortage in the wards continued | Agrowon

मराठवाड्यातील ५३१ गावांत, वाड्यांत पाणीटंचाई कायम

टीम अॅग्रोवन
रविवार, 13 ऑक्टोबर 2019

औरंगाबाद : मराठवाड्यातील ५३१ गावे-वाड्यांची तहान अजूनही टॅंकरवरच अवलंबून आहे. १२ लाख ५७ हजार ५२५ लोकांची तहान टॅंकशिवाय भागत नाही. सर्वाधिक ४१३ टॅंकर बीड जिल्ह्यात सुरू असून त्यापाठोपाठ उस्मानाबाद जिल्ह्यात १३७ टॅंकरच्या सहाय्याने टंचाईग्रस्तांना पाणी पुरविले जात आहे. 

औरंगाबाद : मराठवाड्यातील ५३१ गावे-वाड्यांची तहान अजूनही टॅंकरवरच अवलंबून आहे. १२ लाख ५७ हजार ५२५ लोकांची तहान टॅंकशिवाय भागत नाही. सर्वाधिक ४१३ टॅंकर बीड जिल्ह्यात सुरू असून त्यापाठोपाठ उस्मानाबाद जिल्ह्यात १३७ टॅंकरच्या सहाय्याने टंचाईग्रस्तांना पाणी पुरविले जात आहे. 

पावसाळ्याचा निर्धारित कालावधी संपला असला, तरी मराठवाड्यातील बहुतांश जलस्रोत अजूनही तहानलेलेच आहेत. अनेक भागांत भूगर्भात झिरपण्याइतपत पाणी न झाल्याने अजूनही विहिरी, कुपनलिकांना पाणी आले नाही. त्यामुळे टंचाईची स्थिती संपूर्ण पावसाळाभर सुरूच आहे. वार्षिक सरासरीच्या ८९ टक्‍के पाऊस झालेल्या औरंगाबाद जिल्ह्यातील ४७ गावांत अजूनही टॅंकरने पाणी पुरवावे लागत आहे. गंगापूर तालुक्‍यातील ४१ व पैठण तालुक्‍यातील ६ गावांचा पाणीटंचाईग्रस्त गावांमध्ये समावेश आहे. या गावांमधील ९९ हजार ९७४ लोकांसाठी ३४ टॅंकरच्या फेऱ्या सुरू आहेत. 

बीड जिल्ह्यातील २५८ गावे व ८८ वाड्यांना पाणीटंचाईचा प्रश्‍न भेडसावत आहे. या गावे, वाड्यांमधील तब्बल ७ लाख १४ हजार ४७४ लोकांसमोर पाण्याचा प्रश्‍न आहे. तो सोडविण्यासाठी ४१३ टॅंकरने पाणीपुरवठा सुरू आहे. बीड जिल्ह्यात वार्षिक सरासरीच्या सरासरी ६१ टक्‍केच पाऊस झाला. जो मराठवाड्यात सर्वात कमी आहे. आष्टी, पाटोदा, केज, बीड, अंबाजोगाई, शिरूर, धारूर आदी तालुक्‍यांतील गावात, पाटोदा, केज, आष्टी, शिरूर, परळी, वडवणी आदी नगर परिषदांच्या शहरांनाही पाणीटंचाईचा सामना करावा लागत आहे. 

लातूर जिल्ह्यातील ३४ गावे, एका वाडीमधील ९१ हजार १९० लोकांना पाणीटंचाई सतावते आहे. या जिल्ह्यात वार्षिक सरासरीच्या ६९ टक्‍के पाऊस झाला आहे. येथील पाणीटंचाईचा प्रश्‍न सोडविण्यासाठी ३७ टॅंकरने पाणीपुरवठा सुरू आहे. उस्मानाबाद जिल्ह्यातील ९४ गावे, ९ वाड्यांसमोर पाणीटंचाईचा प्रश्‍न आहे. ३ लाख ५१ हजार ८८७ लोकांसाठी १३७ टॅंकरने पाणीपुरवठा सुरू आहे. या जिल्ह्यात वार्षिक सरासरीच्या ६९ टक्‍केच पाऊस झाला आहे. 

१३३६ विहिरींचे अधिग्रहण

मराठवाड्यातील पाणीटंचाईचा सामना करणाऱ्या औरंगाबाद, उस्मानाबाद, लातूर व बीड जिल्ह्यांतील १३२६ विहिरींचे पाणीपुरवठ्यासाठी अधिग्रहण करण्यात आले आहे. त्यामध्ये औरंगाबाद जिल्ह्यातील ८, बीडमधील ४४८, लातूरमधील २८१ व उस्मानाबादमधील ५८९ विहिरींचा समावेश आहे.


इतर ताज्या घडामोडी
खानदेशात पाऊस थांबला, वाफशाची प्रतीक्षाजळगाव : खानदेशात गुरुवारी (ता.२५) पाऊस थांबला....
सांगलीत नियोजनाअभावी थेट शेतमाल विक्री...सांगली : लॉकडाउनच्या काळात संपूर्ण बाजारपेठा बंद...
सोलापुरातील उपबाजार समित्यांचा प्रस्ताव...सोलापूर ः सोलापूर कृषि उत्पन्न बाजार समितीच्या...
कोल्हापुरात शेतकरी संघटनांकडून कृषी...कोल्हापूर : राज्यसभेत मंजूर झालेल्या कृषी...
नुकसानग्रस्त पिकांचे तातडीने पंचनामे...सोलापूर ः अतिवृष्टीमुळे नुकसान झालेल्या...
शेतकऱ्यांचे प्रश्‍न शासनाकडे पोचवणार :...नाशिक : ‘‘मी देखील शेतकऱ्याचाच मुलगा आहे. कांदा...
मराठवाड्यात कृषी विधेयकांची होळीऔरंगाबाद / परभणी /  नांदेड :...
वऱ्हाडात विधेयकांविरोधात ‘स्वाभिमानी’...अकोला : केंद्र शासनाने संसदेत नुकतीच...
`अमरावती जिल्ह्यात पीक नुकसानीचे...अमरावती :  जिल्ह्यात संततधार पावसामुळे...
जालना, औरंगाबादमधील दोन मंडळात अतिवृष्टीऔरंगाबाद : काही दिवसांपासून मराठवाड्याच्या...
नगरला निदर्शने, अकोलेत विधेयकांची होळीनगर : केंद्र सरकारने मंजूर केलेल्या तीन शेतकरी...
ऊसतोड मजुरांचा विमा सरकारने उतरवावा नगर ः राज्यात सध्या कोरोना व्हायरस संसर्ग वाढत...
परभणीत हिरव्या मिरचीला २५०० ते ४०००...परभणी : येथील पाथरी रस्त्यावरील फळे भाजीपाला...
दूध, अंडी ः मानवी आहारासाठी उपयुक्तआपल्या शरीराला लागणारी ऊर्जा आहारातून मिळते...
दहा हजाराची लाच स्वीकारणारा हुलजंतीचा...सोलापूर ः खरेदी केलेल्या जमीन दस्तावर दाखल...
`जतमध्ये मूग, उडीद खरेदी केंद्र सुरू...सांगली :जिल्ह्यात मूग व उडीद हमीभावाने खरेदी...
सांगलीत २८ टक्क्यांवरच ऊस लागवडसांगली :  जिल्ह्यात गेल्या आठवड्यापूर्वी...
खानदेशातील बाजारात उडदाच्या आवकेत घटजळगाव : खानदेशातील प्रमुख बाजार समित्यांमध्ये...
नाशिकमध्ये खासदारांच्या घरासमोर  'राख...नाशिक : केंद्र सरकारच्या वाणिज्य मंत्रालयाने...
नगर जिल्ह्यात कांदा बियाणे गरज,...नगर ः जिल्ह्यात दरवर्षी सुमारे एक लाख...