सातारा जिल्ह्यात ५५ लाख क्विंटल साखरनिर्मिती

55 lakh quintals of sugar in Satara district
55 lakh quintals of sugar in Satara district

सातारा : जिल्ह्यात सध्या सुरू असलेल्या गाळपाची गती, उपलब्ध यंत्रणा व शिल्लक ऊस याची विचार करता गाळप हंगाम लांबणार आहे. सध्या १४ साखर कारखाने उसाचे गाळप सुरू आहे. या कारखान्यांकडून ४७ लाख ४९ हजार ६५७ मेट्रिक टन उसाचे गाळप करून ५५ लाख १४ हजार ८१५ क्विंटल साखरनिर्मिती केली आहे. कारखान्याच्या उताऱ्यात सुधारणा झाल्याने सध्या सरासरी ११.६१ टक्के उतारा मिळत आहे .

जिल्ह्यात उशिरा सुरू झालेला गाळपाचा फटका शेतकऱ्यांना बसत आहे. पक्व झालेल्या उसाची तोडणी तब्बल एक महिन्यापेक्षा जास्त उशीराने होत आहे. याचा फायदा तोडणी मजूर उचलत असून शेतकऱ्यांकडून ऊसतोडणीसाठी बेहिशेबी पैसे घेतले जाते आहे. जिल्ह्यातील १४ साखर कारखान्यांकडून ४७ लाख ४९ हजार ६५७ टन उसाचे गाळप करून ५५ लाख १४ हजार ८१५ क्विंटल साखरनिर्मिती केली आहे. उशिरा ऊस तूट असल्याने उताऱ्यात सुधारणा होऊ लागल्याने सध्या सरासरी ११.६१ टक्के उतारा मिळत आहे. 

जिल्ह्यात ऊस गाळप, साखर निर्मिती व साखर उताऱ्यात कृष्णा कारखान्यांची आघाडी कायम आहे. या कारख्याने सर्वाधिक सहा लाख ६६ हजार ५९० मेट्रिक टन ऊसगाळप केले आहे. तसेच या कारखान्यांचा साखर उताराही सर्वाधिक १२.६२ टक्के येत आहे. दरात मात्र सह्याद्री कारखान्यांची आघाडी असून या कारखान्याने प्रतिटन दोन हजार ८५५ रुपये दर दिला आहे. सहकारी साखर कारखान्यांकडून जास्त गाळप केले गेले आहे. सहकारी सात कारखान्याने २५ लाख ३८ हजार ६३४ मेट्रिक टन ऊस गाळप करत ३० लाख ५१ हजार ३७० साखरनिर्मिती केली आहे. तर सात खासगी कारखान्यांकडून २२ लाख ११ हजार २३ मेट्रिक टन गाळपाद्वारे २४ लाख ६३ हजार ४४५ क्विंटल साखरनिर्मिती केली आहे. 

सहकारी कारखान्यांच्या तुलनेत खासगी कारखान्यांचा साखर उतारा कमी मिळत आहे. परिणामी साखर निर्मितीही कमी होत आहे.  सध्या सुरू असलेल्या गाळपाची गती, उपलब्ध यंत्रणा व शिल्लक ऊस याचा विचार करता गाळप हंगाम लांबणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com