agriculture news in Marathi, 55 rupees support for cane producers decision not in discussion, Maharashtra | Agrowon

टनाला ५५ रुपये देण्याचा निर्णय चर्चेला नाहीच
राजकुमार चौगुले
सोमवार, 16 एप्रिल 2018

कोल्हापूर ः ऊस उत्पादक शेतकऱ्यांना प्रतिटन ५५ रुपयांचे आर्थिक साह्य देण्याबाबत केंद्राच्या सध्या कोणत्याच हालचाली सुरू नसल्याची माहिती समोर येत आहे. चार दिवसांपूर्वी केंद्र सरकार ५५ रुपये शेतकऱ्यांना थेट अनुदान देण्याबाबत विचार करीत असल्याचे वृत्त आल्याने कारखानदारांमध्ये समाधान पसरले होते. परंतु केंद्राचा असा कोणताच विचार सध्या तरी नसल्याचे केंद्राच्या वरिष्ठ अधिकाऱ्यांनी स्पष्ट केले आहे. 

कोल्हापूर ः ऊस उत्पादक शेतकऱ्यांना प्रतिटन ५५ रुपयांचे आर्थिक साह्य देण्याबाबत केंद्राच्या सध्या कोणत्याच हालचाली सुरू नसल्याची माहिती समोर येत आहे. चार दिवसांपूर्वी केंद्र सरकार ५५ रुपये शेतकऱ्यांना थेट अनुदान देण्याबाबत विचार करीत असल्याचे वृत्त आल्याने कारखानदारांमध्ये समाधान पसरले होते. परंतु केंद्राचा असा कोणताच विचार सध्या तरी नसल्याचे केंद्राच्या वरिष्ठ अधिकाऱ्यांनी स्पष्ट केले आहे. 

साखरेचे वीस टक्के निर्यात शुल्क हटविल्यानंतर वीस लाख टन निर्यातीचा कोटा कारखान्यांना दिला आहे. या निर्णयाशिवाय अन्य कोणताच निर्णय केंद्र स्तरावरून तातडीने घेतला जाण्याची शक्‍यता धूसर असल्याचे सूत्रांनी सांगितले. ५५ रुपये आर्थिक साहाय्य देण्याच्या हालचालीबाबत कोणतेच नियोजन नसल्याच्या वृत्ताला राष्ट्रीय सहकारी साखर संघाच्या पदाधिकाऱ्यांनीही दुजोरा दिला आहे. 

साखर संघांच्या पदाधिकाऱ्यांची बैठक शुक्रवारी (ता. १३) दिल्लीत केंद्रीय वरिष्ठ अधिकाऱ्यांसोबत झाली. यात ५५ रुपयांचा मुद्दा चर्चेलासुद्धा आला नसल्याचे संघाच्या सूत्रांनी सांगितले. या निर्णयाबाबत  संघाच्या पदाधिकाऱ्यांनीही वरिष्ठ अधिकाऱ्यांशी जाणून घेतले असता ५५ रुपये साहाय्य देण्याबाबतचा कोणताच निर्णय शासन स्तरावर सध्या तरी चर्चेत नसल्याची स्पष्टोक्ती या अधिकाऱ्यांकडून संघाच्या पदाधिकाऱ्यांना देण्यात आली, यामुळे यंदाच्या हंगामात टनाला ५५ रुपये आर्थिक साहाय्य मिळेल ही शक्‍यता कमी असल्याचे साखर संघाच्या सूत्रांनी सांगितले. 

बिकट ही वहिवाट
यंदाच्या साखरेच्या हंगामाच्या अंतिम टप्प्यातील आकडेवारीनुसार शंभर लाख टन साखरेचे अतिरिक्त उत्पादन होत असल्याचे चित्र आहे. याचा परिणाम साखर बाजारावर होऊन दर ३००० रुपयांच्या आत आले आहेत. निर्यातीची मुभा देऊनही दर वाढत नसल्याने केंद्र ५५ रुपये अनुदान उत्पादकाला देण्याविषयीचे वृत्त आले होते. परंतु केंद्रीय स्तरावरून याच्या अंमलबजावणीबाबत कोणत्याच बैठका अथवा चर्चा झाली नसल्याचे स्पष्ट झाले आहे. ज्या कारखान्यांची एफआरपी थकीत आहे, त्या कारखान्यांना या अनुदानाचा फायदा होण्याची शक्‍यता होती. परंतु केंद्रातील अधिकाऱ्यांनी मात्र अनुदान देण्याविषयी सध्या तरी कोणत्याच हालचाली नसल्याचे स्पष्ट केल्याने आता कारखानदारांची मोठी बिकट अवस्था होणार आहे. 

इतर बातम्या
पशुपालनातील मिथेन उत्सर्जन कमी करणे...मिथेनचे कमी उत्सर्जन करणाऱ्या गायींची पैदास करणे...
कोल्हापुरात सरासरी ४९ टक्के पावसाची नोंदकोल्हापूर : जिल्ह्यात गेल्या आठ ते दहा...
गिरणा नदीवरील बलून बंधाऱ्यांसाठी आर्थिक...जळगाव ः जिल्ह्यातील सतत दुष्काळाशी झगडणाऱ्या...
रत्नागिरी जिल्ह्याला पावसाने झोडपलेरत्नागिरी ः मुसळधार पावसाने जिल्ह्याला चांगलेच...
गोसे खुर्दमधून होणार चार हजार हेक्‍टरवर...चंद्रपूर ः धानपट्ट्यात पावसाअभावी अस्वस्थता आहे....
नाशिक जिल्ह्यात धरणांच्या तपासणीसाठी...नाशिक : जिल्ह्यातील धरणांच्या सुरक्षितेतसाठी...
पेठ तालुक्यात जमिनीतून निघताहेत...नाशिक : पेठ तालुक्यातील निरगुडे गावात दोन...
नांदेड जिल्ह्यात शेतकऱ्यांकडून २८...नांदेड : जिल्ह्यात पंतप्रधान पीकविमा योजनेंतर्गत...
पुणे, नगर जिल्ह्यात पावसाअभावी चारा...पुणे  : पावसाळ्यात जनावरांसाठी चाऱ्याची अडचण...
`स्वाभिमानी`चे नाशिक जिल्हा बॅंकेसमोर...नाशिक : जिल्हा बँक ही शेतकऱ्यांची बँक आहे. ती...
आदित्य ठाकरेंच्या नेतृत्वाखाली...मुंबई   : युवा सेनाप्रमुख आदित्य ठाकरे...
नवती केळी दरात सुधारणाजळगाव  ः खानदेशात दर्जेदार नवती केळीच्या...
रत्नागिरीत भात लागवड अंतिम टप्प्यातरत्नागिरी   ः जिल्ह्यात उशिरा पण...
रत्नागिरी जिल्ह्यातील आठ हजार शेतकरी...रत्नागिरी : छत्रपती शिवाजी महाराज शेतकरी सन्मान...
युवा कृषी कौशल्य विकासासाठी सहकार्य करारपुणे ः आंतरराष्ट्रीय युवा कौशल्य दिनाचे औचित्य...
नगर जिल्ह्यातील ४८२ गावांमध्ये...नगर  ः पावसाळ्याचा एक महिना उलटून गेला असला...
नाशिकमध्ये ७९१ कोटींच्या प्रारूप...नाशिक : पालकमंत्री गिरीश महाजन यांच्या...
दक्षिण महाराष्ट्रात देशी बेंदूर...कोल्हापूर : वर्षभर काबाडकष्ट करणाऱ्या...
महाराष्ट्राला ‘स्किल कॅपिटल' बनवावेः...मुंबई ः महाराष्ट्र शासनाच्या छत्रपती राजाराम...
कोकण, घाटमाथ्यावर हलक्या सरींचा अंदाज पुणे ः  उत्तर भारतामध्ये असलेल्या कमी...