सातारा ः जिल्ह्यात २५ फेब्रुवारीअखेर तीन हजार १५४ हेक्टर म्हणजेच ५५.७४ टक्के क्षेत्रावर उन्हाळी पिकांची पेरणी झाली आहे. यामध्ये उन्हाळी भुईमूग व मका पिकांची पेरणी झाली आहे. माण तालुक्‍यात सर्वाधिक उन्हाळी पेरणी झाली आहे, अशी नोंद झाल्याची माहिती कृषी विभागाच्या सूत्रांनी दिली.
कृषी विभागाकडून जिल्ह्यात ५६५८ हेक्टर क्षेत्र उन्हाळी पिकांच्या पेरणीसाठी नियोजन करण्यात आले होते. त्यापैकी दोन हजार ३१५४ हेक्टर क्षेत्रावर उन्हाळी पिकांची पेरणी झाली आहे. मक्याची सर्वाधिक पेरणी झाली आहे. मक्याचे १७४२ हेक्टर सर्वसधारण क्षेत्र आहे. त्यापैकी १६८६ हेक्टर म्हणजेच ९६.७९ टक्के पेरणी झाली आहे.
भुईमूग पिकांची संथगतीने पेरणी सुरू आहे. भुईमूग पिकांचे ३९१६ हेक्टर सर्वसाधारण क्षेत्रापैकी १४६८ हेक्टर म्हणजेच ३७.४९ टक्के पेरणी झाली आहे.
दुष्काळी भागात जलसंधारणाची कामे मोठ्या प्रमाणात झाली. त्यामुळे पाणी शिल्लक आहे. त्यातच मागच्या आठवड्यात अवकाळी पाऊस झाला. परिणामी, उन्हाळी पिकांना दिलासा मिळत आहे. सध्या पिकांची अवस्था चांगली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.