पुणे ः कोरोना टाळेबंदीत शेतीमालाचे नुकसान होऊ नये आणि शहरांमधील शेतीमाल पुरवठा सुरळीत राहण्यासाठी फळे भाजीपाल्याची थेट खरेदी करण्यासाठी आता ६ महिने कोणत्याही परवान्याची अट असणार नाही, असे पणन संचालनालयाच्या वतीने स्पष्ट करण्यात आले आहे. थेट पणनच्या परवान्याला ६ महिने सूट देण्याचा निर्णय घेण्यात आला आहे.
फळे, भाजीपाला नियमनमुक्तीनंतर बांधावरील खरेदीसाठी थेट पणनचा परवाना घ्यावा लागतो. मात्र सध्याची राज्यातील कोरोना टाळेबंदीची परिस्थिती पाहता. शेतीमालाचे नुकसान होऊ नये आणि शहरातील फळे भाजीपाल्याची पुरवठा साखळी सुरळीत राहण्यासाठी खरेदीदारांना कोणत्याही परवान्याची गरज नसणार आहे.
कोरोना टाळेबंदीत अनेक शेतकरी आणि युवकांनी गृहनिर्माण सोसायट्यांमध्ये थेट भाजीपाला विक्रीचा व्यवसाय सुरू केला आहे. या व्यवसायावर देखील परिणाम होऊ नये यासाठी पणन संचालक सतीश सोनी यांनी थेट परवान्याची अट ६ महिन्यांसाठी शिथिल केली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.