Agriculture news in Marathi 60 crore due to purchase of tur and gram in Yavatmal district | Agrowon

यवतमाळ जिल्ह्यातील तूर, हरभरा खरेदीचे ६० कोटी थकीत

टीम अॅग्रोवन
बुधवार, 1 जुलै 2020

यवतमाळ : यंदाच्या हंगामात शेतकऱ्यांकडून खरेदी करण्यात आलेल्या तूर व हरभरा या दोन शेतमालाचे शासनाकडे तब्बल ६० कोटी रुपये थकले आहेत. मोठ्या प्रमाणात रक्कम शासनाकडे थकल्याने जिल्ह्यातील हजारो शेतकरी आर्थिक कोंडीत सापडले आहेत. 

यवतमाळ : यंदाच्या हंगामात शेतकऱ्यांकडून खरेदी करण्यात आलेल्या तूर व हरभरा या दोन शेतमालाचे शासनाकडे तब्बल ६० कोटी रुपये थकले आहेत. मोठ्या प्रमाणात रक्कम शासनाकडे थकल्याने जिल्ह्यातील हजारो शेतकरी आर्थिक कोंडीत सापडले आहेत. असे असले तरी त्यातील केवळ चार कोटी रुपयांवर जिल्ह्याची बोळवण करण्यात आली आहे.

सध्या कोरोना विषाणूच्या संसर्गाने हाहाकार उडाला आहे. अशा स्थितीत बळिराजा कोरोनाच्या संकटातही दोन हात करीत आहेत. असे असतानाही शेतकऱ्यांना अनेक अडचणींना तोंड द्यावे लागत आहे. पीककर्ज न मिळणे, शेतात पेरलेले बियाणे बोगस निघणे, पावसाचा लहरीपणा अशा अनेक संकटांचा समावेश आहे. त्यातच भर म्हणून शेतकऱ्याने विक्री केलेल्या शेतमालाचे पैसेही अद्याप पदरी पडलेले नाहीत.

शेतमालास योग्य भाव मिळणे तर दूरच मात्र, ज्या भावात शेतमाल विक्री केला, त्या मालाचे पैसेही शेतकऱ्यांच्या हाती आलेले नाहीत. तूर खरेदीसाठी जिल्ह्यातील ३१ हजार ७२७ शेतकऱ्यांनी ऑनलाइन नोंदणी केली होती. त्यापैकी दहा हजार शेतकऱ्यांकडून जवळपास एक लाख क्विंटल तुरीची खरेदी करण्यात आली. त्यापैकी ३८ हजार क्विंटल तूर खरेदीचे २१ कोटी ७० लाख रुपये शासनाने दिले आहेत. असे असले तरी केवळ तूर खरेदीचे ४० कोटी १० लाख रुपये अद्याप अप्राप्त आहेत.

याचप्रमाणे हरभरा खरेदीसाठी ऑनलाइन नोंदणी करणाऱ्या नऊ हजार ३३३ शेतकऱ्यांपैकी तीन हजार शेतकऱ्यांकडून ५५ हजार क्विंटल हरभरा खरेदी करण्यात आला. त्यापैकी जवळपास सहा हजार क्विंटल हरभरा खरेदीचे दोन कोटी ७८ लाख रुपये प्राप्त झाले आहेत. अद्याप हरभरा खरेदीचे २३ कोटी ५४ लाख रुपये शासनाकडे थकले आहेत. मे व जून या दोन महिन्यांत खरेदी करण्यात आलेला हरभरा व तूर खरेदीचे जवळपास ६४ कोटी रुपये शासनाकडे थकल्याने ही थकीत रक्कम तातडीने अदा करण्याची मागणी करण्यात येत आहे.

शेतकऱ्यांची प्रतीक्षाच
हरभरा व तुरीची मोठ्या प्रमाणात थकबाकी आहे. असे असतानाही केवळ चार कोटी रुपयेच पाठविण्यात आलेले आहेत. परिणामी, आणखी काही दिवस शेतकऱ्यांना चुकाऱ्यांसाठी प्रतीक्षाच करावी लागणार असल्याचे चित्र दिसून येत आहे. ‘डीएमओ’ कार्यालयाकडून रकमेसाठी पाठपुरावा सुरू आहे.


इतर बातम्या
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबाद जिल्ह्यात आठवड्यात १५१ खत कृषी...औरंगाबाद : ‘‘कृषी विभाग व जिल्हा परिषद...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...
‘कृषी अधिकारीच म्हणतात, खतांसंदर्भात...पुणे ः शेतकऱ्यांना खतांची टंचाई भासत आहे. कृषी...
सिंधुदुर्गात मुसळधार सुरूच, पुरस्थिती...सिंधुदुर्ग  ः जिल्ह्यात मुसळधार पाऊस सुरूच...
कोल्हापुरातील छोटे प्रकल्प भरू लागलेकोल्हापूर :  जिल्ह्याच्या पश्चिम भागात पाऊस...
हमाल, मापाडी तोलणारांचे प्रश्‍न सोडवा ः...पुणे ः राज्यातील अनेक भागांत हमाल तोलाईदारांना...
रत्नागिरीत नऊ हजार हेक्टरवर फळबाग...रत्नागिरी  ः कोरोनाच्या सावटातही जिल्ह्यात...
फळपीक विमा योजना शेतकऱ्यांसाठी की कंपन्...नगर : नवीन निकषांप्रमाणे फळपीक विमा योजनेचा लाभ...
‘सारथी’ बंद होणार नाही, आठ कोटींचा निधी...मुंबई : राज्य सरकारने मराठी तरुणांच्या व्यावसायिक...
खते, बी- बियाणे विक्रेत्यांची दुकाने...कोल्हापूर : निकृष्ट बियाणे प्रकरणी बियाणे...
हिंगोली जिल्ह्यात आतापर्यंत ७१.२० टक्के...हिंगोली : जिल्ह्यात यंदाच्या खरीप हंगामात बुधवार...
वऱ्हाडातील अडीच हजारांवर कृषी...अकोला ः कृषी विक्रेत्यांच्या विविध मागण्यांसाठी...
कृषी योजनांचे उद्दिष्ट तीन...नगर ः कृषी विभागातून शेतकऱ्यांसाठी देण्यात...
सोलापूर जिल्ह्याच्या वाट्याला ५६७ कोटी...सोलापूर : महात्मा जोतिराव फुले शेतकरी कर्जमुक्ती...
पीकपद्धतीमधील बदल अधिक लाभदायक ः...अकोला ः रासायनिक खतांचा अवाजवी वापर, मशागतीच्या...
सोलापुरात निकृष्ट सोयाबीन...सोलापूर  ः जिल्ह्यात निकृष्ठ सोयाबीनबाबत...
सोयाबीनची पेरणी खानदेशात वाढलीजळगाव  ः खानदेशात तेलबियांमध्ये सोयाबीनचे...