agriculture news in Marathi 60 percent posts vacant in PDKV Maharashtra | Agrowon

अकोला कृषी विद्यापीठात ६० टक्के पदे रिक्त 

टीम अॅग्रोवन
बुधवार, 21 जुलै 2021

या जिल्ह्यात कृषी खात्यात कर्मचाऱ्यांची पदे मोठ्या प्रमाणात रिक्त असल्याची वस्तुस्थिती असताना येथील कृषी विद्यापीठालाही अधिकारी-कर्मचाऱ्यांच्या कमतरतेचे ग्रहण लागलेले आहे. 

अकोला ः या जिल्ह्यात कृषी खात्यात कर्मचाऱ्यांची पदे मोठ्या प्रमाणात रिक्त असल्याची वस्तुस्थिती असताना येथील कृषी विद्यापीठालाही अधिकारी-कर्मचाऱ्यांच्या कमतरतेचे ग्रहण लागलेले आहे. विद्यापीठाअंतर्गत मंजूर असलेल्या एकूण पदांपैकी सुमारे ६० टक्के पदे रिक्त असल्याची बाब समोर आली आहे. वर्षानुवर्षे रिक्त असलेल्या या पदांचा विद्यापीठाच्या कामकाजावर विपरीत परिणाम होत आहे. 

डॉ. पंजाबराव देशमुख कृषी विद्यापिठाचे विदर्भातील ११ जिल्ह्यांचे कार्यक्षेत्र आहे. पूर्व विदर्भाची पीक पद्धती वेगळी तर पश्‍चिम विदर्भातील जिल्ह्यातील वेगळी आहे. या दोन्ही भौगोलिक परिस्थितीत विद्यापीठाचा डोलारा सांभाळावा लागत आहे. मिळालेल्या माहितीनुसार विद्यापीठाअंतर्गत शिक्षकेत्तर पदे वगळता इतर सुमारे २६८२ पदे मंजूर आहेत. सध्या केवळ १०९१ पदे भरलेली आहेत. सुमारे १५९१ पदे रिक्त आहेत. 

विद्यापीठात अ गटाची ११ पदे मंजूर असताना केवळ तीनच पदे भरलेली आहेत. ब गटाची २७६ पदे असून ११७ रिक्त आहेत. क संवर्गातील ९६२ पदांपैकी ५४७ तर ड गटातील मंजूर १४३३ पदांपैकी तब्बल ९१९ पदे रिक्त आहेत. रिक्त पदांचा अनुशेष वर्षानुवर्षे वाढत चालला आहे. सेवानिवृत्त होणाऱ्यांचे प्रमाण वाढलेले आहेत. 

विद्यापीठाच्या कामगिरीकडे सर्वांच्या नजरा असता. लोकप्रतिनिधी सातत्याने विद्यापीठाच्या कार्यशैली, संशोधनात्मक कामांवर बोट ठेवत असतात. काही जण ‘पांढरे हत्ती’ पोसण्याचा आरोपही करीत असतात. एकीकडे हे आरोप तर दुसरीकडे कमी कर्मचाऱ्यांमध्ये विद्यापीठाचे कामकाज चालविण्याचे ‘दिव्य’ पार पाडले जात आहे. विद्यापीठातील पदे भरण्यासाठी प्रत्येक सरकारने आश्‍वासने दिली. घोषणाही केल्या. प्रत्यक्षात मात्र हे काम झालेले आहे. अनेक जण नोकरभरतीसाठी प्रतिक्षा करीत आहेत. 

कार्यकारी परिषद सदस्य आमदारांकडून अपेक्षा 
विद्यापीठाअंतर्गत सुमारे ६० टक्के पदे रिक्त असल्याने संशोधन, विस्तार, शैक्षणिक कामकाज प्रभावित झालेले आहे. रिक्त पदांमुळे प्रभारी अधिकाऱ्यांवर कामकाज सांभाळण्याची वेळ आलेली आहे. विद्यापीठात रिक्त असलेली पदे भरून घेण्यासाठी जिल्ह्यातील, विदर्भातील लोकप्रतिनिधींकडून आवाज उठविण्याची गरज आहे. सध्या या विद्यापीठाच्या कार्यकारी परिषदेवर सत्तारूढ महाविकास आघाडीतील शिवसेनेचे आमदार गोपीकिशन बाजोरीया, राष्ट्रवादी काँग्रेसचे आमदार अमोल मिटकरी हे कार्यरत आहेत. येत्या काही दिवसांत आणखी आमदारांची वर्णी लागण्याची चिन्हे आहेत. विदर्भातील महत्त्वाच्या व डॉ. पंजाबराव देशमुखांच्या नावाने असलेल्या या विद्यापीठातील रिक्त पदे भरून घेण्याची जबाबदारी आमदारांनी घेण्याची गरज आहे. 


इतर अॅग्रो विशेष
७२ तासांची सक्ती नको ः आयुक्तपुणे ः विमा कंपन्यांनी कामकाजात तातडीने सुधारणा...
पीकविमा योजनेच्या मूळ उद्देशालाच हरताळपुणे ः पंतप्रधान पीकविमा योजनेच्या माध्यमातून...
अखेर ‘इफ्को टोकियो’ विरोधात गुन्हा दाखलअमरावती : राज्य शासनाने केलेल्या करारानुसार इफ्को...
पळवाटांमुळे पीकविमा भरपाई दुरापास्तशेतकऱ्यांकडून पीकविम्याचा हप्ता भरतेवेळी...
विमा कंपन्यांबाबत सरकारची बोटचेपी भूमिकापीकविमा योजनेमुळे शेतकऱ्यांऐवजी पीकविमा कंपन्याच...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
सोयाबीनने गाठला दहा हजारांचा ऐतिहासिक...अकोला/लातूर ः गेले काही महिने सोयाबीनला चांगला दर...
विदर्भात कृषी अधिकाऱ्यांनीच घेतले विमा...नागपूर ः जिल्हास्तरावर आमचे कार्यालय आहे, हे...
मराठवाड्यात पीकविम्याबाबत शेतकऱ्यांसमोर...औरंगाबाद : पीकविमा उतरविण्याची सोय त्यासाठी जागर...
खानदेशात पीकविमा कंपनीचे कार्यालयच नाही जळगाव : खानदेशात पंतप्रधान पीकविमा योजनेंतर्गत...
केव्हीकेने दाखवली ‘वीडर’ची पॉवर, छोट्या...मजूरटंचाई व वाढलेले मजूरदर लक्षात घेऊन ममुराबाद (...
दिशा कार्यक्षम पूर व्यवस्थापनाची!महाराष्ट्र देशी सध्या अतिवृष्टी आणि ...
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
कोकण, मध्य महाराष्ट्रात मुसळधार पावसाचा...पुणे : बंगालच्या उपसागराच्या उत्तर भागात चक्रिय...
पीक विम्यात चुकीचे प्रकार खपवून घेणार ...नाशिक: पीकविमा कंपन्यांकडून पाच पाच जिल्ह्यांसाठी...
केंद्राच्या काळ्या कायद्यांची आम्हाला...नवी दिल्ली ः कायद्याच्या प्रक्रियेतून न आलेल्या...
धरण क्षेत्रात पावसाची हजेरी पुणे : तीन दिवसांपासून राज्यातील धरणक्षेत्रात...