गोंधळी शिवारात ६२ हजारांचा एचटीबीटी साठा जप्त

यवतमाळ ः कृषी विभागाच्या पथकाने अमरावती, यवतमाळ सीमेवरील एका शेतातील घरातून अनधिकृत एचटीबीटीचा ८५ पाकिटांचा साठा जप्त केला. या कारवाईत जप्त बियाण्यांची किंमत ६२ हजार रुपये असल्याचे सांगण्यात आले. अमरावती विभागातील ही पहिलीच छापेमारी ठरली आहे.
गोंधळी शिवारात ६२ हजारांचा एचटीबीटी साठा जप्त
गोंधळी शिवारात ६२ हजारांचा एचटीबीटी साठा जप्त

यवतमाळ ः कृषी विभागाच्या पथकाने अमरावती, यवतमाळ सीमेवरील एका शेतातील घरातून अनधिकृत एचटीबीटीचा ८५ पाकिटांचा साठा जप्त केला. या कारवाईत जप्त बियाण्यांची किंमत ६२ हजार रुपये असल्याचे सांगण्यात आले. अमरावती विभागातील ही पहिलीच छापेमारी ठरली आहे.

हरियाणातून हंगामात मळणीकामी येणाऱ्या काहींनी यवतमाळच्या किन्ही गोंधळी भागात शेती खरेदी केली आहे. त्याच शिवारात त्यांनी घर बांधत कुटुंबासह ते राहत देखील आहेत. मळणी यंत्र हंगामात ते भाडेतत्वावर देतात. त्या माध्यमातून झालेल्या ओळखीचा गैरफायदा घेत त्यांच्याव्दारे आता अनधिकृत एचटीबीटी विकल्या जात असल्याची माहिती मिळाली. या माहितीची शहनिशा करण्यासाठी पहिल्या दिवशी डमी ग्राहक पाठवून दहा पाकिटांची खरेदी करण्यात आली.

त्यानंतर दुसऱ्या दिवशी बनावट ग्राहकाच्या माध्यमातून पुन्हा सात पाकिटे खरेदी करुन कृषी विभागाने खात्री केली. त्यानंतर छापेमारी करीत ६२ हजार रुपये किंमतीची ८५ पाकिटे जप्त करण्यात आली.  घारफड, धामणगाव, चांदूररेल्वे, बाभूळगाव, देवळी (वर्धा) या भागातही सदर व्यक्‍तीने अनधिकृत बियाणे विकल्याची शक्‍यता कृषी विभागाने वर्तविली आहे.

यवतमाळ जिल्हा परिषदेचे कृषी विकास अधिकारी पंकज बरडे, विभागीय गुणनियंत्रण अधिकारी नरेंद्र बारापात्रे, विभागीय गुणवत्ता नियंत्रण निरीक्षक अनंत मस्करे, दत्तात्रय आवारे यांच्या पथकाने ही कारवाई केली. याप्रकरणी बिजेंद्र ईश्‍वर दांगी याच्या विरोधात गुन्हा दाखल करण्यात आला असून त्याला अटक करण्यात आली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com