पूरबाधितांच्या मदतीसाठी ६,८१३ कोटींची मागणी

मुंबई:  राज्यातील पूरग्रस्त भागाच्या मदतीसाठी केंद्र सरकारकडे ६८१३ कोटींच्या मागणीचे निवेदन पाठविण्यास काल झालेल्या राज्य मंत्रिपरिषदेच्या बैठकीत मान्यता देण्यात आली. पश्चिम महाराष्ट्रातील सांगली, कोल्हापूर, सातारा जिल्ह्यांसाठी ४७०८ कोटी तर कोकण, नाशिक आणि इतर आपदग्रस्त जिल्ह्यांसाठी २१०५ कोटींची मागणी करण्यात आली आहे. ही मदत प्राप्त होईपर्यंत राज्य आपत्ती निवारण निधीतून पूरग्रस्तांना मदत केली जाणार आहे.  याबाबत मुख्यमंत्र्यांच्या अध्यक्षतेखाली मंत्रिमंडळ उपसमिती नियुक्त करण्यात आली असून याबाबतचे पुढील निर्णय घेण्याचे अधिकार या समितीला देण्यात आले आहेत. राज्यात ऑगस्टच्या प्रारंभापासून सुरु झालेल्या पावसाने काही भागात मोठ्या प्रमाणावर हानी केली आहे. या नुकसानीचा प्राथमिक अंदाज घेण्यात आला असून त्यानुसार केंद्राकडे मागणी करावयाच्या आर्थिक मदतीचे नियोजन करण्यात आले आहे. या नियोजनात दोन भाग असून पहिल्या भागात कोल्हापूर, सांगली, सातारा या जिल्ह्यातील नुकसानीपोटी तर दुसऱ्या भागात कोकण, नाशिक आणि इतर जिल्ह्यातील पूरग्रस्त भागातील नुकसानीपोटी मागावयाच्या मदतीचा समावेश आहे. दोन्ही भागात मिळून ६८१३.९२ कोटींच्या मदतीचे निवेदन केंद्राकडे पाठविण्यास मान्यता देण्यात आली आहे. अशी मिळणार मदत (कोटींमध्ये) कोल्हापूर, सांगली, सातारा जिल्ह्यांसाठीः ४७०८.२५ कोटी   आपदग्रस्तांच्या कुटुंबीयांसाठीः ३००

इतर जिल्ह्यांसाठीः २१०५.६७ कोटी