मॉन्सूनच्या काळात ७१८ जणांचा मृत्यू

नवी दिल्ली ः देशात यंदाच्या माॅन्सूच्या काळात अनेक ठिकाणी नैसर्गिक आपत्ती ओढावली. याचा सर्वात जास्त सात राज्यांना फटका बसला या राज्यांमध्ये पाऊस आणि पूर या घटनांमध्ये आतापर्यंत ७१८ जणांचा मृत्यू झाला आहे, अशी माहिती केंद्रीय गृहमंत्रालयाने दिली आहे.  यंदा देशात मॉन्सून वेळेच्या आधीच दाखल झाल्याने बऱ्याच ठिकाणी मुसळधार पाऊस झाला. या वेळी पाऊस आणि पुरामुळे अनेक राज्यांमध्ये जीवितहानी झाली आहे. उत्तर प्रदेश, पश्चिम बंगाल, केरळ, महाराष्ट्र, गुजरात, आसाम आणि नागालॅंड या राज्यांमध्ये आतापर्यंत ७१८ जणांचा मृत्यू झाला आहे, असे गृह मंत्रालयाने प्रसिद्ध केलेल्या अहवालात म्हटले आहे. उत्तर प्रदेशात १७१, पश्चिम बंगालमध्ये १७०, केरळमध्ये १७८, महाराष्ट्रात १३९, गुजरातमध्ये ५२, आसामध्ये ४४ आणि नागालॅंडमध्ये ८ जणांचा मृत्यू झाला आहे. तर केरळमध्ये २१ आणि पश्चिम बंगालमध्ये ५ असे २६ लोक बेपत्ता आहेत. तसेच पूर आणि पावसाच्या घटनांमध्ये एकूण २४४ लोक जखमी झाले आहेत.  राज्यनिहाय मृतांची संख्या अशी सात राज्यांमध्ये आतापर्यंत ७१८ जणांचा मृत्यू झाला आहे. गृहमंत्रालयाने प्रसिद्ध केलेल्या आकडेवारीनुसार आतापर्यंत या मॉन्सूनच्या काळात उत्तर प्रदेशात १७१ जणांचा मृत्यू झाला आहे. पश्चिम बंगालमध्ये १७० जणांचा, केरळमध्ये १७८ आणि महाराष्ट्रात १३९ जणांचा मृत्यू झाला आहे. तसेच गुजरातमध्ये ५२, आसामध्ये ४४ आणि नागालॅंडमध्ये ८ जणांचा मृत्यू पाऊस आणि पुराच्या घटनेमध्ये झाला आहे. 

अनेक जिल्ह्यांना फटका पुराचा देशातील अनेक जिल्ह्यांना फटका बसला आहे. महाराष्ट्रातील २६ जिल्ह्यांना पावसाचा फटका बसला आहे. पश्चिम बंगालमधील २२, आसाममधील २३ जिल्ह्यांना तर केरळमध्ये १४, उत्तर प्रदेशात १२, नागालॅंडमध्ये ११ आणि गुजरातमध्ये १० जिल्ह्यांना पुराचा फटका बसला आहे. आसाममध्ये ११.४५ लाख लोकांना पुराचा फटका बसला आहे. येथे २७ हजार ५५२ हेक्टरवरील पिकांचे नुकसान झाले आहे.