Agriculture news in Marathi, 73 candidates are in the fray in eight constituencies in Satara | Agrowon

साताऱ्यातील आठ विधानसभा मतदारसंघांत ७३ उमेदवार रिंगणात
टीम अॅग्रोवन
गुरुवार, 10 ऑक्टोबर 2019

सातारा : आठ विधानसभा मतदारसंघांतून एकूण १०८ उमेदवारांचे अर्ज होते. त्यापैकी सोमवारी ३५ उमेदवारांनी आपले अर्ज मागे घेतल्याने ७३ उमेदवार रिंगणात राहिले आहेत. सातारा, पाटण, कोरेगाव, वाई व फलटणमध्ये दुरंगी, तर माण, कऱ्हाड उत्तर आणि कऱ्हाड दक्षिणमध्ये तिरंगी लढती होतील. पुरुषोत्तम जाधव यांनी लोकसभा पोटनिवडणुकीसह विधानसभा लढतीतूनही माघार घेतली. लोकसभेसाठी सात उमेदवार रिंगणात असले, तरी उदयनराजे भोसले (भाजप) व श्रीनिवास पाटील (राष्ट्रवादी) यांच्यात चुरशीची लढत होईल. 

सातारा : आठ विधानसभा मतदारसंघांतून एकूण १०८ उमेदवारांचे अर्ज होते. त्यापैकी सोमवारी ३५ उमेदवारांनी आपले अर्ज मागे घेतल्याने ७३ उमेदवार रिंगणात राहिले आहेत. सातारा, पाटण, कोरेगाव, वाई व फलटणमध्ये दुरंगी, तर माण, कऱ्हाड उत्तर आणि कऱ्हाड दक्षिणमध्ये तिरंगी लढती होतील. पुरुषोत्तम जाधव यांनी लोकसभा पोटनिवडणुकीसह विधानसभा लढतीतूनही माघार घेतली. लोकसभेसाठी सात उमेदवार रिंगणात असले, तरी उदयनराजे भोसले (भाजप) व श्रीनिवास पाटील (राष्ट्रवादी) यांच्यात चुरशीची लढत होईल. 

लोकसभेच्या पोटनिवडणुकीसह आठ विधानसभा मतदारसंघांतील उमेदवारी अर्ज मागे घेण्याचा सोमवारी (ता. ७) अखेरचा दिवस होता. आठ विधानसभा मतदारसंघांतून एकूण १०८ उमेदवारांचे अर्ज होते. त्यापैकी आज ३५ उमेदवारांनी आपले अर्ज मागे घेतल्याने ७३ उमेदवार रिंगणात राहिले आहेत. सातारा लोकसभेसह माण, कऱ्हाड दक्षिण आणि कऱ्हाड उत्तरेत नाट्यमय घडामोडी घडल्या. 

सातारा लोकसभेसाठी व वाई विधानसभा मतदारसंघातून शिवसेनेचे नेते पुरुषोत्तम जाधव यांनी दोन अर्ज दाखल केले होते. हे दोन्ही अर्ज भाजपच्या उमेदवारांविरोधात होते. त्यामुळे ते बंडखोरी करणार का, याकडे सर्वांचे लक्ष लागले होते. मात्र, आज दुपारी मुख्यमंत्री देवेंद्र फडणवीस यांनी दूरध्वनीवरून श्री. जाधव यांच्याशी संपर्क त्यांनी अर्ज मागे घेतले. माण मतदारसंघातील अनिल देसाई आणि रणजित देशमुख यांनी आपले अर्ज मागे घेतले. त्यामुळे भाजपचे जयकुमार गोरे, शिवसेनेचे शेखर गोरेंविरोधात सर्वपक्षीय आघाडीचे प्रभाकर देशमुख रिंगणात राहिले आहेत. कऱ्हाड उत्तर मतदारसंघात राष्ट्रवादीचे बाळासाहेब पाटील यांच्या विरोधात शिवसेनेकडून धैर्यशील कदम आणि अपक्ष म्हणून भाजपचे बंडखोर मनोज घोरपडे यांचा अर्ज राहिला आहे. 

कऱ्हाड दक्षिण मतदारसंघात कॉंग्रेसचे माजी मुख्यमंत्री पृथ्वीराज चव्हाण यांच्या विरोधात भाजपचे अतुल भोसले आणि माजी आमदार विलासराव पाटील उंडाळकर यांचे चिरंजीव ॲड. उदयसिंह पाटील रिंगणात राहिले येथे तिरंगी लढत होत आहे. सातारा, वाई, कोरेगाव, पाटण आणि फलटण मतदारसंघांत उमेदवार संख्या जास्त असलीतरी विद्यमान आमदारांविरोधात पारंपरिक दुरंगी लढत होणार आहे. साताऱ्यात भाजपचे शिवेंद्रसिंहराजे भोसले यांच्याविरोधात राष्ट्रवादीचे दीपक पवार अशी लढत होत आहे. वाईत राष्ट्रवादीचे मकरंद पाटील आणि भाजपचे मदन भोसले यांच्यात अटीतटीची आणि चुरशीची लढत होणार आहे. 

कोरेगावात राष्ट्रवादीचे शशिकांत शिंदे विरुद्ध शिवसेनेचे महेश शिंदे अशी अटीतटीची लढत होणार आहे. पाटणला शिवसेनेचे शंभूराज देसाई विरुद्ध सत्यजित पाटणकर यांच्यात लढत होत आहे. फलटणला राष्ट्रवादीचे आमदार दीपक चव्हाण विरुद्ध भाजपचे दिगंबर आगवणे अशी चुरशीची आणि प्रतिष्ठेची लढत होणार आहे.मतदारसंघनिहाय अर्ज मागे घेतलेल्यांची संख्या व कंसात रिंगणात राहिलेले उमेदवार संख्या अशी आहे. फलटण ५ (११), वाई तीन (१०), कोरेगाव पाच (सात), माण पाच (११), कऱ्हाड उत्तर पाच (सहा), कऱ्हाड दक्षिण सहा (१३), पाटण चार (नऊ), सातारा दोन (सहा).

इतर ताज्या घडामोडी
लातूर, उस्मानाबाद, नांदेड, हिंगोली,...उस्मानाबाद : मराठवाड्यातील लातूर, उस्मानाबाद...
धुळे : कांदा दरप्रश्‍नी शेतकरी संघटनेचे...धुळे  ः कांद्याचे दर बऱ्यापैकी वाढल्याने...
शिराळा तालुक्यात भाताचे उत्पादन २०...सांगली : शिराळा पश्‍चिम भाग हा भातपिकाचे माहेरघर...
शेतकऱ्यांना दरवर्षी दहा हजार देणारच :...इस्लामपूर, जि. सांगली  : ‘‘ गेल्या पाच...
उत्पादन खर्चावर आधारित दर हवेत :...भारत हा शेतीप्रधान देश असे आपण म्हणत असतो. मात्र...
शेतकऱ्यांचा सातबारा कोरा करणारच : उध्दव...सोलापूर : ‘‘शिवसेना बोलते ते करते, आम्ही...
अकोला जिल्ह्यात शासनाच्या हमीभाव...अकोला ः शेतमालाला किमान आधारभूत किंमत मिळवून...
पीकविम्याबाबत असुरक्षिततेचीच भावना...केंद्र सरकारने मोठा गाजा-वाजा करीत जाहीर केलेल्या...
`चासकमान`मधील आवर्तन तब्बल ८९...चास, जि. पुणे  ः चासकमान (ता. खेड) धरणातून...
पाण्याची कार्यक्षमता वाढविण्यावर भर...आपला देश सध्या आर्थिक संकटातून जात आहे. हे संकट...
परभणीत सरासरीपेक्षा जास्त क्षेत्रावर...परभणी : जिल्ह्यातील यंदाच्या रब्बी हंगामातील...
पाच जिल्ह्यात पीकविमा योजनेत ४५ लाख ९०...लातूर : खरीप हंगाम २०१९ मध्ये लातूर,...
नांदेड : पावसात भिजल्यामुळे पिकांचे...नांदेड : गेल्या आठवड्यात नांदेड, परभणी, हिंगोली...
जळगावात कोबी १५०० ते २८०० रुपये...जळगाव : कृषी उत्पन्न बाजार समितीत मंगळवारी (...
नारळ बागेत आंतरपिके फायदेशीरसुरवातीच्या काळात नारळ बागेत भाजीपाला, केळी, अननस...
मेहकर तालुक्यात कृषी कर्मचाऱ्यांनी...अकोला ः मेहकर तालुक्यात यावर्षी समाधानकारक...
खामगावात टेक्सटाइल पार्क होणारच ः...बुलडाणा  ः तरुणांना रोजगार उपलब्ध करून...
खारपाण पट्ट्यात रब्बीत हजार हेक्टरवर...अकोला  ः जिल्ह्यात असलेल्या खारपाण पट्ट्यात...
जळगाव जिल्ह्यात हमीभाव खरेदी केंद्रांत...जळगाव  ः जिल्ह्यात शासकीय हमीभाव कडधान्य व...
वाघाच्या दहशतीखालील गावे टाकणार...वर्धा  ः कारंजा घाडगे तालुक्‍यातील अनेक...