Agriculture News in Marathi 74% in bulldozers Farmers get peak loans | Agrowon

बुलडाण्यात ७४ टक्के शेतकऱ्यांना मिळाले पीककर्ज 

टीम अॅग्रोवन
गुरुवार, 23 सप्टेंबर 2021

यंदाच्या खरीप हंगामासाठी नियोजित केलेल्या १३०० कोटींच्या पीककर्ज रकमेपैकी ९६८ कोटींचे वितरण झाल्याची माहिती जिल्हा अग्रणी बँकेकडून मिळाली आहे.

बुलडाणा : यंदाच्या खरीप हंगामासाठी नियोजित केलेल्या १३०० कोटींच्या पीककर्ज रकमेपैकी ९६८ कोटींचे वितरण झाल्याची माहिती जिल्हा अग्रणी बँकेकडून मिळाली आहे. ३० सप्टेंबरपर्यंत खरीप पीककर्ज वाटपाची अंतिम मुदत असून, या काळात आणखी पीककर्ज वाटपाचा टक्का वाढणार आहे. शेतकऱ्यांनी हंगामात पीक लागवडीसह इतर शेतीविषयक कामांसाठी पीककर्ज अत्यंत महत्त्वाचे राहते. यासाठी दर वर्षी शासनाकडून हंगामासाठी नियोजन करीत १ एप्रिल ते ३० सप्टेंबर या काळात खरीप पीककर्जाचे वितरण केले जाते. 

शासनाने मागील हंगामात थकीत कर्ज माफ केल्याने अनेकांना नव्‍याने पीककर्ज मिळण्याचा मार्ग मोकळा झाला होता. थकीत कर्जाचे पुनर्गठन, तसेच नूतनीकरण न झाल्याने अनेक शेतकऱ्यांना अद्याप पीककर्ज मिळाले नसल्याची वस्तुस्थितीसुद्धा आहे. जिल्ह्यात १ लाख ४० हजार शेतकऱ्यांना १३०० कोटींचे पीककर्ज वाटपाचा लक्ष्यांक या हंगामासाठी घेण्यात आलेला आहे. त्यापैकी आतापर्यंत सुमारे ९९ हजारांवर शेतकऱ्यांना ९६८ कोटींचे कर्ज वितरीत झाले आहे.

अद्यापही २६ टक्के शेतकरी पीककर्जाच्या प्रतीक्षेत आहेत. पात्र असलेल्या या शेतकऱ्यांना ३० सप्टेंबरपर्यंत खरीप पीककर्ज देण्याची मुदत आहे. गेल्या हंगामात १२६५ कोटी रुपयांचे पीककर्ज वाटप झाले होते. यंदा हा आकडा बँका गाठू शकतील काय, हे ३० सप्टेंबरनंतरच स्पष्ट होणार आहे. 

‘त्या’ शेतकऱ्यांचे काय 
दोन लाखांवर पीककर्ज असलेल्यांना शासनाने जी मदत करण्याची घोषणा केली होती, त्याचा लाभ अद्यापही अनेकांना मिळालेला नाही. मोठे क्षेत्र असलेल्यांचीही हीच गत आहे. शिवाय नियमित कर्जभरणा करणाऱ्यांचाही विचार झालेला नाही. आम्हाला कर्जमाफी योजनेचा कधी लाभ मिळेल, असा प्रश्‍न शेतकरी सातत्याने बँकांकडे विचारत असतात. 

रब्बीसाठी २५० कोटींचे नियोजन 
पीककर्ज वितरणाचा एक ऑक्टोबरपासून रब्बी हंगाम सुरू होत आहे. यंदा या हंगामासाठी २५० कोटींचा लक्ष्यांक ठेवण्यात आलेला आहे. यंदा पावसाची स्थिती चांगली असल्याने रब्बी लागवडीकडे कल राहणार आहे. या पेरणीसाठी शेतकऱ्यांना पैशांची गरज आहे. या शेतकऱ्यांना १ ऑक्टोबर ते ३१ डिसेंबर या काळात रब्बी पीक कर्जवाटप केले जाणार आहे. 

प्रतिक्रीया... 
पीक कर्जवाटपासाठी बँकांचे काम सुरू आहे. बँकांकडे सादर असलेले प्रस्ताव २८ सप्टेंबरपर्यंत पूर्ण करण्याचे काम केले जात आहे. कोणीही पात्र शेतकरी पीककर्ज वाटपातून सुटणार नाही. 
-नरेश हेडाऊ, व्यवस्थापक, जिल्हा अग्रणी बॅँक, बुलडाणा  


इतर ताज्या घडामोडी
खानदेशात कांदा पिकाची दहा हजार हेक्टरवर...जळगाव ः खानदेशात कांदा पिकाची लागवड सुरूच आहे....
‘गिरणा’चे वस्त्रहरण करणाऱ्यांवर कारवाई...चाळीसगाव, जि. जळगाव ः जळगाव जिल्ह्याची जीवनवाहिनी...
चांदवडमध्ये कांदा लिलाव सुरूनाशिक : अकरा जानेवारीपासून सोमवार (ता. १७) पर्यंत...
ग्रामपंचायतींना इंटरनेट सेवा त्वरित...सोलापूर : जिल्ह्यातील प्रत्येक ग्रामपंचायतींना...
ऊस तोडणीस विलंब; शेतकऱ्यांत चिंतासातारा ः अवेळी झालेल्या पाऊस, अनेक कारखान्यांची...
पुणे जिल्हा परिषदेवर प्रशासक?पुणे ः जिल्हा परिषदेसह जिल्ह्यातील विविध पंचायत...
गाव कोरोनामुक्त ठेवून ५० लाख जिंकापुणे ः कोरोनाच्या प्रादुर्भावापासून गावमुक्तीसाठी...
पाच जिल्ह्यांत १४ लाख हेक्‍टरवर रब्बीची...लातूर : विभागातील लातूर, उस्मानाबाद, परभणी,...
मिनी विधानसभेच्या निवडणुका मार्चमध्ये...मिनी विधानसभा समजल्या जाणाऱ्या राज्यातील १४...
गरज असलेल्या भागाला प्राधान्याने पाणी ः...नाशिक : मोठ्या प्रकल्पांमधील २०२१-२२ करिता...
पंचनामे झाले, नुकसान भरपाई कधी मिळणार?सांगली ः जिल्ह्यात डिसेंबर महिन्याच्या पहिल्या...
औरंगाबादमध्ये टोमॅटो १६०० रुपये क्विंटलऔरंगाबाद ः येथील कृषी उत्पन्न बाजार समितीमध्ये...
नारळ पिकावर बोंडर नेस्टिंग पांढरी...डिसेंबर २०११ मध्ये फ्लोरिडा विद्यापीठातील ...
युवकांनी ग्रामीण विकासाचे शिलेदार... नाशिक : ‘‘आधुनिक काळातील युवकांनी उच्च...
पदोन्नतीतील कृषिसहसंचालकात सोलापूरच्या...सोलापूर ः राज्याच्या कृषी विभागाने वर्ग एकमधील...
‘पांडुरंग’चे भालेकर यांना सर्वोत्कृष्ट ...सोलापूर ः मांजरीच्या वसंतदादा शुगर...
नाशिक : डांगसौंदाणे येथे उपबाजार आवार...नाशिक : सटाणा बाजार समितीच्या कार्यक्षेत्रातील...
पाइप कालव्याद्वारे ६० टक्के पाणी बचत...मालेगाव, जि. नाशिक : दहिकुटे लघू पाटबंधारे...
जळगाव ः भरडधान्य खरेदी खानदेशात रखडतच जळगाव ः  खानदेशात भरडधान्य खरेदी मागील २०...
नांदेडमध्ये खरेदीदारांविरोधात अडत्यांचा...नांदेड : हळद खरेदीदार अडत्यांना दोन...