एकाच गावातील ७५० एकरांत ७५०० कामगंध सापळे

एकाच गावातील ७५० एकरांत ७५०० कामगंध सापळे
एकाच गावातील ७५० एकरांत ७५०० कामगंध सापळे

जालना : गतवर्षी नियंत्रण मिळविलं म्हणून कपाशीवरील गुलाबी बोंड अळीचं संकट संपलं असं नाही. पुन्हा ते संकट आलं तरी आम्ही सजग आहोत हे नजरेस आणून देताना जालना जिल्ह्यातील वानडगावातील ७५० एकर कपाशीच्या क्षेत्रावर तब्बल ७५०० कामगंध सापळे गुरुवारी (ता. १८) एकाच दिवशी लावले. त्यासाठी खरपुडी कृषी विज्ञान केंद्राने उत्कृष्ट कापूस सुधार प्रकल्पाच्या माध्यमातून पुढाकार घेतला. अशाप्रकारे एकाच गावात एवढ्या मोठ्या प्रमाणात गुलाबी बोंडअळीच्या नियंत्रणासाठी एकात्मिक पद्‌धतीने कामगंध सापळे लावण्याचा हा एकमेव प्रयोग आहे. 

कपाशीवरील ज्या गुलाबी बोंड अळीनं कापूस उत्पादक व तज्ज्ञांची झोप उडविली होती. त्या अळीवर सामूहिक उपाययोजनांमधून गतवर्षी खरिपात नियंत्रण मिळविले होते. गत हंगामात खरपुडी कृषी विज्ञान केंद्राच्या माध्यमातून कडेगाव येथे गुलाबी बोंड अळीच्या नियंत्रणासाठी ‘मास ट्रॅपिंग’चा प्रयोग राबविण्यात आला होता. त्या प्रयोगाच्या यशानंतर यंदा वानडगावात हा उपक्रम राबविला आहे. या उपक्रमाची सुरवात करतेवेळी जिल्हा अधीक्षक कृषी अधिकारी बाळासाहेब शिंदे, कीटकशास्त्रज्ञ प्रा. अजय मिटकरी, सचिन गायकवाड, अधिकारी सुखदेवे, सरपंच शिवाजीराव नागवे, कृषी अधिकारी पवार यांची उपस्थिती होती. 

कापूस पिकाच्या उत्पादनात गुलाबी बोंड अळी ही प्रमुख समस्या आहे. यामुळे शेतकऱ्यांचा उत्पादन खर्च कमी होण्यास मदत होईल. उत्कृष्ट कापूस पुढाकार प्रकल्पांतर्गत केव्हीकेने सामूहिकरित्या राबविलेल्या अशा प्रयोगाची खरी गरज आहे. सोबतच शेतकऱ्यांनी गरज नसताना महागड्या कीटकनाशकाचा वापर करू नये. - बाळासाहेब शिंदे, जिल्हा अधीक्षक कृषी अधिकारी, जालना

यंदा सुरवातीपासून गुलाबी बोंड अळीच्या नियंत्रणासाठी खबरदारी घेणे सुरू केले. पूर्वहंगामी लागवड न झाल्याने काही अशी नियंत्रण मिळाले, आता या मास ट्रॅपिंगमधून राहिलेले नियंत्रण मिळून शेतकऱ्यांचा उत्पादन खर्च कमी करण्यास हातभार लागेल.  - अजय मिटकरी, कीटकशास्त्रज्ञ, केव्हीके खरपुडी जि. जालना 

केव्हीकेच्या पुढाकाराने राबविलेल्या प्रकल्पांतर्गत माझ्या दहा एकर कपाशीच्या क्षेत्रात कामगंध सापळे लावले. याचा अळीचे नियंत्रणासाठी फायदाच होईल. त्याविषयी माहितीही तज्ज्ञांनी दिली.  - रामदास सीताराम नागवेस, शेतकरी, वानडगाव ता. जि. जालना

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com