‘जेएनपीटी‘मध्ये ७५० कोटींची विद्राव्य खते अडकली

खरीप हंगाम तोंडावर आलेला असताना मुंबईच्या बंदरात (जवाहरलाल नेहरू पोर्ट ट्रस्ट) ७५० कोटी रुपयांची विद्राव्य खते अडकून पडली आहेत. त्यामुळे ४५० कंपन्यांची कोंडी झाली आहे.
‘जेएनपीटी‘मध्ये ७५० कोटींची विद्राव्य खते अडकली
‘जेएनपीटी‘मध्ये ७५० कोटींची विद्राव्य खते अडकली

पुणे : खरीप हंगाम तोंडावर आलेला असताना मुंबईच्या बंदरात (जवाहरलाल नेहरू पोर्ट ट्रस्ट) ७५० कोटी रुपयांची विद्राव्य खते अडकून पडली आहेत. त्यामुळे ४५० कंपन्यांची कोंडी झाली आहे. जेएनपीटी बंदरातील नियोजन कोरोना स्थितीमुळे कोलमडले आहे. कंटेनरच्या अफाट गर्दीत कंपन्यांना त्यांचा माल ताब्यात मिळण्यास उशीर होतो आहे. त्यात संतापाची बाब म्हणजे कंपन्यांचा काहीही दोष नसताना शासनाने विलंब शुल्क वसुली चालू आहे. बंदरातील नियोजन कोलमडल्याने कंपन्यांना प्रतिकंटेनर प्रतिदिन सहा हजार रुपये शुल्क भरावे लागत आहे. लॉकडाउन झाले तेव्हा डॉलरचे मूल्य ७३ रुपये होते. आता डॉलर वधारून ७७ रुपये झाला. विलंब शुल्क आता ७५ डॉलरवर पोहोचले आहे. देशातील विविध खत कंपन्यांचा विद्राव्य खताचा कच्चा माल या कंटनेरमध्ये आहे. त्यात मोनो अमोनियम फॉस्फेट(एमएपी ), मोनो पोटॅशियम फॉस्फेट (एमकेपी) तसेच पोटॅशियम नायट्रेटचा (केएनओ३) समावेश होतो. बंदरातील हजारो कंटेनरच्या गर्दीत किमान १५०० कंटेनरमध्ये विद्राव्य खत कंपन्यांचा माल आहे. पहिले लॉकडाउन जाहीर झाल्यानंतर केंद्र शासनाने या बंदरात अडकलेल्या मालासाठी विलंब शुल्क माफ केले. मात्र, त्यानंतर बंदरात ३० टक्के कर्मचारी वर्गाला मान्यता देणारा दुसरा आदेश काढताच विलंब शुल्क सवलत रद्द केली. "बंदरातील कमी मनुष्यबळ, कंटेनरची अफाट गर्दी, मालाची तपासणी करणाऱ्या प्रयोगशाळेच्या मर्यादा आणि त्यात पुन्हा कंटेनरचालकांची टंचाई कंटेनर काढताना विलंब होतो आहे. ही स्थिती विचारात न घेता विलंब शुल्क आकारणी सर्रास सुरू आहे," अशी माहिती सूत्रांनी दिली.  कोरोनामुळे देशातील विद्राव्य खत उद्योग संकटात आला आहे. त्यामुळे कंपन्यांना केंद्र शासनाने आयात शुल्कात सहा महिन्यांसाठी माफी द्यायला हवी. तसेच बंदरातील विलंब शुल्क (डॅमरेज) वसुली स्थगित करण्याची गरज आहे. — डॉ. स्वप्नील बच्छाव, अध्यक्ष, रिचफिल्ड फर्टिलायझर्स

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com